ပတႈအိဥမူန႔ဥ ပကဘဥအိဥမူဒ္သိးတႈလီၚနံၚအသိး (18.10.21 )

​ပကဘဥအိဥမူဒ္သိးတႈလီၚနံၚအသိး 

(ဘ၀ကိုဟာသ ေတြနဲ့  ေန ထိုင္ပါ)

ဘဥဃးတႈလီၚနံၚန႔ဥ ပွၚကိးဂၚဘဥအသး၀ဲဒဥလီၚ’ ဖဲပွၚဘဥသဂ႕ႈဒီး တႈသူဥတမံသးတမုဏဘဥအခါ ပွၚမၚဖွံက့ၚ၀ဲဒဥ ပွၚသးလ႕ တႈလီၚနံၚ ဒီးပွၚတနီၚနီၚကြႈ၀ဲ တႈဂီၚမူလ႕အလီၚနံၚ န႔ဥလီၚ’ အါဒဥတက့ႈ ပွၚကိးဂၚအိဥ၀ဲဒဥဒီး တႈဂုဏက်ဲးစ႕းမၚလီၚမႈက့ၚ တႈသူဥတမံသးတမုဏလ႕ အိဥဒီးအ၀ဲသ့ဥတဖဥ လ႕က်ဲအဘိဘိ လ႕တႈအဂၚ အကလုဏကလုဏ န႔ဥလီၚ’ ပွၚကိးဂၚအါဒဥတက့ႈ မ့ႈဖီဥထီဥ၀ဲလံဏတႈကစီဥလ႕ ကဖး၀ဲတကဘ်ံးန႔ဥ အဆိကတ႕ႈ လုၚဃုးဖးဆိ၀ဲဒဥလ႕ တႈလီၚနံၚအဂ့ႈအသန႕ဥ န႔ဥလီၚ’ ဘဥမနုအဃိလဲဥန႔ဥ တႈလီၚနံၚန႔ဥ မၚသူဥဖွံသးညီ၀ဲဒဥ ပွၚကိးဂၚအသးဒီး မၚလီၚမႈကြံဏစ့ႈကီး၀ဲ တႈသူဥတမံသးတမုဏလ႕ အိဥဒီးပွၚသ့ဥတဖဥ န႔ဥလီၚ’

လ႕ပတႈအိဥမူအပူၚ တႈကီတႈခဲ တႈၾတီမၚတံဏတဏ သ့ဥတဖဥန႔ဥ ပွၚဘဥသဂ႕ႈ၀ဲဒဥကိးဂၚ ဒဲးန႔ဥလီၚ’ ပွၚလ႕တႈအိဥတႈဎဲၚ ပွၚလ႕အိဥဒီးတႈထုးတႈတီၚသ့ဥတဖဥ ဒ္သိးအ၀ဲသ့ဥ တႈလိဥဘဥအိဥပတုဏတသ့အသိး ပွၚဖွီဥဖိဎဏဖိသ့ဥတဖဥစ့ႈကီး ဂုဏက်ဲးစ႕းပူၚဖ်ဲး၀ဲဒဥလ႕ တႈဖွီဥတႈဎဏအပူၚ တလ႕ဏအ၀ံၚလ႕ၚနီတဘ်ီလ႕ၚဘဥလီၚ’ ပမ့ႈအိဥဒီး တႈသူဥတမံသးတမုဏလ႕ ပတႈလိဥဘဥသ့ဥတဖဥ ကဲထီဥသးတသ့ဘဥ လ႕ပွဲၚလ႕ပဂီႈတသ့ဘဥန႔ဥ ပတႈအိဥမူအံၚ ကမ့ႈတႈအိဥမူလ႕ အတမုဏတခုဥဘဥ တခါန႔ဥလီၚ’

လ႕တႈသူဥတမံသးတမုဏသ့ဥတဖဥအံၚအဃိ ပမ့ႈအိဥဒီး မၚလီၚမႈက့ၚလ႕တႈလီၚနံၚ န႔ဥဖဲတႈကီတႈခဲကဟဲတမံၚလႈလႈ ယဖဲတႈၾတီမၚတံဏတဏကဘဥပွၚတမံၚလႈလႈ ပမ့ႈအိဥဒီးတႈမၚလီၚနံၚန႔ဥ တႈဘဥဎိဥအလီီီီႈတအိဥနီတမံၚလ႕ ပတႈအိဥမူအပူၚဘဥလီၚ’ တႈသူဥတမံသးတမုဏန႔ဥ မ့ႈ၀ဲဒဥတႈသူဥဖွံသးညီတအိဥဘဥအဃိလီၚ’  ပမ့ႈအိဥဒီးတႈသူဥဖွံသးညီန႔ဥ တႈသူဥတမံသးတမုဏ အိဥထီဥ၀ဲဒဥဒီးပွၚ တသ့ဘဥလီၚ’ တႈသူဥဖွံသးညီဒီး တႈသူဥတမံသးတမုဏသ့ဥတဖဥန႔ဥ အိဥ၀ဲဒ္သိးသိးတသ့ဘဥလီၚ’ အိဥ၀ဲလ႕ပွၚကညီသ့ဥတဖဥအလိၚ တခါအံၚတခါန႔ဥလၚီ’ ဒ္သိးပွၚမ့ႈကိးပဏအ၀ဲသ့ဥအသိး အိဥ၀ဲဒီးပွၚကညီသ့ဥတဖဥ သ့၀ဲကဲ၀ဲကိးဆ႕ကတီႈဒဲး န႔ဥလီၚ’

ဆ႕ကတီႈဖဲလ႕ပကဲထီဥပွၚကညီန႔ဥ ပကဘဥသ့ဥညါဒီးတုႈလိဏ၀ဲဒဥ တႈကီတႈခဲလ႕ ကဟဲဘဥသဂ႕ႈပွၚသ့ဥတဖဥ န႔ဥလီၚ’ တႈအိဥမူန႔ဥတဟ့ဥ၀ဲဒဥပွၚ တႈသူဥတမံသးတမုဏသ့ဥတဖဥဘဥ’ ပနီႈကစႈဒဥ ပဆိကမိဥဒီး အိဥ၀ဲဒဥလ႕ပသးအဃိ တႈသ့ဥတဖဥအံၚ ပတုႈဘဥ၀ဲ ဒ္သိးတႈသူဥတမံသးတမုဏ အိဥဒီးပွၚန႔ဥလီၚ’ ပွၚလ႕အိဥဒီး စံးထဲတႈသူဥတမံသးတမုဏဘဥအဂ့ႈသ့ဥတဖဥန႔ဥ သါပ့ၚနီဥစံး၀ဲဒဥ တႈသူဥဖွံးသးညီအဂ့ႈ န႔ဥလီၚ’ ပကဘဥအိဥဒီး ထံဥပ၀ဲဒဥတႈခဲလ႕ဏလ႕ တႈသူဥဖွံသးညီအမဲခ်ံ န႔ဥလီၚ’