ပကဘဥ္အိဥဒီးတႈဆီဥလီၚသူဥဆီဥလီၚသးလ႕ တႈဂ့ႈကိးမံၚဒဲးအဖီခိဥတက့ႈ (၇’၆’၂၂)

ပကဘဥ္အိဥဒီးတႈဆီဥလီၚသူဥဆီဥလီၚသးလ႕ တႈဂ့ႈကိးမံၚဒဲးအဖီခိဥတက့ႈ

(၇’၆’၂၂)

ဒီပုႈ၀ဲႈသးစႈသ့ဥတဖဥ လ႕ပတႈတဘဥလီႈဖီးစဲသ့ဥတဖဥအဂီႈ ပတႈဘဥအိဥဒီး တႈသူဥဟးဂီၚသးဟါဂီၚ နီတဘ်ီတဂ့ၚ န႔ဥလီၚ’ တႈတဘဥလီႈဖီးစဲသ့ဥတဥန႔ဥ မ့ႈ၀ဲဒဥတႈတစိႈတလီႈန႔ဥလီၚ’ တႈတဘဥလီႈဖီးစဲသ့ဥတဖဥမ့ႈ၀ံၚန႔ဥ တႈခဲလ႕ဏကကဲထီဥ ကဒါက့ၚ၀ဲဒဥလ႕ အဂ့ၚန႔ဥလီၚ’

ပတႈသူဥဒိဥသးဖ်ိးစ့ႈကီးမ့ႈ၀ဲဒဥ တႈတစိႈတလီႈ န႔ဥလီၚ’ ပတဘဥဆ႕တဲဏတႈဖဲ ပအိဥဒီးတႈသူဥဒိဥ သးဖ်ိးတႈ အဆ႕ကတီႈအခါဘဥ’ ဒ္န႔ႈအသိးလီၚ ပွၚမ့ႈအိဥဒီး တႈဆိကမိဥ ကမဥပွၚယတႈထံဥကမဥပွၚန႔ဥ မ့ႈဒဥတႈ တစိႈတလီႈန႔ဥလီၚ’ ပသူဥဒိဥသးဒိဥတႈမ့ႈ၀ံၚန႔ဥ ပတႈသူဥဂ႕ႈသးဂ႕ႈသ့ဥတဖဥ  ကအိဥကဒါက့ၚလ႕ပကိပူၚန႔ဥလီၚ’

လ႕တႈတစိႈတလီႈ သ့ဥတဖဥအံၚအဖီခိဥ ပတႈဆီဥလီၚသူဥ ဆီဥလီၚသးမ့ႈတအိဥဘဥန႔ဥ ပကတုၚဘဥ၀ဲဆူ တႈဟးဂုဏဟးဂီၚ အက်ဲန႔ဥလီၚ’ တႈဆီဥလီၚသူဥဆီဥလီၚသးဒီး တႈပ႕ဏဃဏပသူဥပသးန႔ဥ မ့ႈတႈလ႕အရ့ဒိဥလ႕ ပတႈအိဥမူ အဂီႈတခါန႔ဥလီၚ’ ပတႈကူဥသ့ကူဥဘဥ မ့ႈတအိဥဒိဥဒိဥထီထီဘဥဆဥ ပမ့ႈအိဥဒီးတႈဆိဥလီၚသူဥဆီဥ လီၚသးလ႕အဂ့ၚဒီး တႈပ႕ၚသူဥပ႕ၚသးလ႕အဂ႕ႈအက်႕ၚန႔ဥ အပဒိးန႔ႈဘဥ တႈလဲၚထီဥလဲၚထီ န႔ဥလီၚ’

ဆ႕ကတီႈဖဲ ပတႈလိဥဘဥတႈမုႈလႈသ့ဥတဖဥ တကဲထီဥလိဥထီဥဒ္ ဘဥအခါ ပကဘဥဂုဏက်ဲးစ႕းပ၀ဲဒဥန႔ဥလီၚ’ တႈလ႕ပတလိဥဘဥသ့ဥ တဖဥ မ့ႈဟဲကဲထီဥလ႕ပအိဥအခါ ပကဘဥအိဥဒီး တႈဆီဥလီၚသူဥ ဆီဥလီၚသးဒီး တႈပ႕ၚဃဏပသးလ႕အဂ့ၚ၀့ၚ ပကဘဥဆဲၚဂုုဏက်ဲးစ႕း ဆူညါန႔ဥလီၚ’

ပတဘဥပဏကလီပသးလ႕ တႈဟဲကဲထီဥလိဥထီဥသ့ဥတဖဥ အဂီႈညီညီတဂ့ၚ’ တႈဟဲထီဥလိဥထီဥတနီၚနီၚ အဘဥဆ႕၀ဲဒဥဒီး ပတႈဂုဏက်ဲး ပတႈထဲးဂံႈထဲးဘါန႔ဥလီၚ’ဆ႕ကတီႈဖဲ ပန႔ႈတႈခြဲးတႈဎဏအခါ ပမ့ႈအိဥဒီးတႈဂုဏက်ဲးစ႕းန႔ဥ ပတဒိးန႔ႈဘဥ တႈပီႈဎႈဆဲးခံလ႕ တႈဂ့ႈအဖီခိဥ နီတမံၚနီတဘ်ီဘဥလီၚ’

ပတႈမံမီႈသ့ဥတဖဥန႔ဥ အပွ႔ၚဒိဥ၀ဲဒဥ လီၚ’ တသ့ဖဲအသ့ပအိဥဒီး တႈဂုဏက်ဲးစ႕း တႈပဏဖိွဥထ႕ဖွိဥ ကဎီကဎီန႔ဥ မုႈတနံၚ ပပွ႔ၚ၀ဲဒဥ ပတႈမံမီႈလ႕အလုႈဒိဥပွ႔ၚဒိဥတခါအံၚန႔ဥ ကန႔ႈ၀ဲဒဥ သပွႈကတ႕ႈန႔ဥ လီၚ’

ပွၚလ႕တအိဥဒီး တႈဂုဏက်ဲးစ႕းဒီး ပွၚလ႕အိဥထဲ တႈကအူကညီဥတႈကအူကစြါသ့ဥတဖဥန႔ဥ မ့ႈ၀ဲဒဥပွၚလ႕ တႈလဲၚထီဥလဲၚထီတအိဥ သ့ဥတဖဥန႔ဥလီၚ’ ပတႈမုႈလႈ လ႕အိဥဒီးပွၚသ့ဥတဖဥ မ့ႈတလီၚမႈဘဥန႔ဥ ပတႈအိဥမူခါဆူညါ တႈကပီၚအိဥဒ္၀ဲဒဥ န႔ဥလီၚ’

ပမ့ႈလီၚဂံႈန႔ဥ ပကဘဥဂဲၚဆ႕ထ႕ဥက့ၚယပမ့ႈတုႈဘဥပွၚတႈမၚန႕ၚန႔ဥ ပကဘဥအိဥဒီး တႈဆီဥလီၚသူဥဆီဥလီၚသး န႔ဥလီၚ’ ပတႈဖံးတႈမၚ သ့ဥတဖဥ မ့ႈကဘွ႕န႔ဥ ကဘွ႕ဒဥ၀ဲ အရ့ဒိဥ၀ဲဒဥလ႕ ပတဘဥအိဥပတုဏတဂ့ၚ န႔ဥလီၚ’ ပမ့ႈဆဲးလဲၚန႔ဥ ပတႈမုႈလႈဖီတ႕ဥသ့ဥတဖဥ လီၚမႈ၀ဲတသ့ဘဥလီၚ’လိဥ၀ဲဒဥလ႕ မုႈတနံၚပတုၚလ႕ ပတႈမုႈလႈဖီတ႕ဥ န႔ဥလီၚ’