ပကဘဥသူဥထီဥပတႈအိဥမူလ႕ တႈအဲဥတႈကြံ(၂၄’၆’၂၁)

ပကဘဥသူဥထီဥပတႈအိဥမူလ႕ တႈအဲဥတႈကြံ

တႈအဲဥတႈကြံန႔ဥ ပွၚသူဥထီဥဘွီထီဥ၀ဲဒဥ တႈအိဥမူလ႕အဂ့ၚသ့ ၀ဲဒဥန႔ဥ တနီၚနီၚပွၚတုႈလိဏ၀ဲအိဥအသိး တနီၚနီၚတတုႈလိဏ၀ဲဒဥဘဥအိဥ၀ဲဒဥ န႔ဥလီၚ’ ပွၚတနီၚနီၚဘဥဃးတႈအဲဥတႈကြံန႔ဥ တလိဥ၀ဲဒဥဘဥဒီး အရ့တဒိဥစ့ႈကီး၀ဲဒဥ လ႕အဂီႈဘဥလီၚ’ လ႕ပွၚတႈအဲဥအမ့ႈအတီအဃိ ပတႈအိဥမူအတႈလဲၚထီဥလဲၚထီ အိဥထီဥ၀ဲန႔ဥ ပထံဥဘဥ၀ဲအသိ္း လ႕တႈအဲဥအတီအလိၚအဃိ ပတႈအိဥမူ ဘဥလဲၚထီဥလဲၚထီ၀ဲဒဥ ဘဥဆဥလဲၚထီဥလဲၚထီ၀ဲတသ့ဘဥန႔ဥ ပထံဥဘဥစ့ႈကီး၀ဲဒဥလီၚ’ တႈအဲဥတႈကြံန႔ဥတမ့ႈဒဥထဲတႈဆိကမိဥ သးအတႈတုႈဘဥတခါဧိၚ ဘဥလီၚ’

တႈအဲဥန႔ႈ လုႈဘ႕၀ဲတႈသ့ခဲလ႕ဏ န႔ဥလီၚ’မ့ႈစ့ႈ ကီး၀ဲပတႈဂံႈတႈဘါဒီး မၚဘဥဒိစ့ႈကီး၀ဲ ပတႈအိဥမူသ့ န႔ဥလီၚ’ အဃိတႈအဲဥအတီအလိၚန႔ဥ မၚလဲၚထီဥလဲၚထီ၀ဲဒဥပွၚသ့ဒီး မၚလီၚထုး၀ဲဒဥပွၚသ့စ့ႈကီးန႔ဥလီၚ’ အဃိပကဘဥအိဥဒီး တႈသူဥဒူသးဒူ တႈကစုဒူဖိ တႈကတိၚလ႕ပကဟံးပဏဖီဥပဏ တခါန႔ဥလီၚ’ ပွၚလ႕အိဥဒီး တႈအဲဥအတီအလိၚတဂၚန႔ဥ ပွၚလ႕အအဲဥ၀ဲသ့ဥတဖဥ ကဟုကဎဏ၀ဲဒီး တုႈဆါသးလ႕အ၀ဲ သ့ဥအဂီႈသ့၀ဲ ကဲ၀ဲဒဥထီဘိန႔ဥလီၚ’

လ႕ကဘဥဟ့ဥလီၚ အတႈဆ႕ကတီႈစ့ႈကီး တႈဃ႕တအိဥဒီးအီၚဘဥ’ တႈကီတႈခဲ မ့ႈအိဥဒိဥသနဏက့ အိဥ၀ဲဒီးတႈဆီဥလီၚသူဥ ဆီဥလီၚသးအဃိ လ႕ခံန႔ႈဘဥ၀ဲတႈမုဏတႈခုဥ န႔ဥလီၚ’ တႈသ့ဥတဖဥအံၚ ပစံးပ၀ဲဒဥလ႕ တႈအဲဥအမ့ႈအတီသ့ဥတဖဥ အစိကမိီၚ န႔ဥလီၚ’ ဒ္သိပသူဥထီဥပတႈအိဥမူလ႕ အဂ့ၚကသ့အဂီႈ ပကဘဥအဲၚစ့ႈကီး ပနီႈကစႈအသး န႔ဥလီၚ’ ပပုႈပ၀ဲႈဒီး ပဘူးပတံႈသ့ဥတဖဥ ခဲလ႕ဏ ပကဘဥအဲဥ၀ဲဒဥလီၚ’ န့စ႕ဥတႈအိဥသးသ့ဥတဖဥ ခဲလ႕ဏပကဘဥအဲဥဒီး တုႈလိဏကဘဥ သ့၀ဲဒဥန႔ဥလီၚ’

ဖဲပသူဥထီဥပတႈအိဥမူအခါ ပတႈအဲဥမ့ႈတပဏဃုဏဘဥန႔ဥ လ႕ထီဥပွဲၚထီဥ၀ဲတသ့ဘဥ’ တႈအဲဥန႔ဥမ့ႈတႈအရ့ဒိဥကတ႕ႈလီၚ’ လ႕ပတႈဖံးတႈမၚ အဖီခိဥတႈအဲဥမ့ႈတအိဥဘဥန႔ဥ  တႈမၚလ႕ပမၚသ့ဥတဖဥစ့ႈကီး ပတုႈတႈလီၚဘွံးတကဲ၀ဲလ႕ ပတႈဖံးတႈမၚအဖီခိဥဘဥ’ သးတႈလီၚဘွံးကအိဥအါထီဥဒီး ပစဲးမၚတႈမၚအ၀ဲအံၚ တကဲလ႕ၚ၀ဲဒဥဘဥလီၚ’ တႈမၚတခါလ႕ပမၚန႔ဥ ပမ့ႈမၚထဲတစိႈတလီႈဖိန႔ဥ တႈမၚတခါအံၚ တႈသ့တႈဘဥတအိဥဒီးပွၚဘဥဒီး တႈလဲၚထီဥလဲၚထီစ့ႈကီး တအိဥ၀ဲဒဥဒီး ပွၚဘဥလီၚ’ လ႕ပတႈဖံးတႈမၚအဖီခိဥ ပကဘဥအိဥ၀ဲဒီး တႈအဲဥတႈကြံန႔ဥလီၚ’ တႈသ့ဥတဖဥအံၚ မ့ႈအိဥဒီးပွၚမဥဒီး တႈအိဥမူတႈလဲၚထီဥလဲၚထီ ကအိဥထီဥ၀ဲဒဥဒီး ပွၚန႔ဥလီၚ’

လ႕ပတႈအိဥမူအပူၚတႈအဲဥန႔ဥ အရ့တဒိဥဘဥ ပတဲတသ့ဘဥ’ လ႕ပနီႈခိအပူၚ တႈအဲဥတအိဥဘဥန့ဥ ပတဲတသ့ ပထံဥတသ့စ့ႈကီးဘဥလီၚ’ ဘဥဃးတႈအဲဥန႔ဥ ပွၚကြဲးထါသရဥယ ပွၚကြဲးလံဏသရဥဒီး ပွၚကူဥဘဥကူဥသ့ တဖဥစ့ႈကီး ပဏဖ်ါထီဥ၀ဲ လ႕လ႕ ပွဲၚပွဲၚတသ့ဘဥလီၚ’ ပတႈအိဥမူတစိၚလႈလႈ ဒ္သိးတႈလဲၚထီဥလဲၚထီကအိဥအဂီႈ တႈအဲဥန႔ဥ မ့ႈတႈအရ႔ဒိဥကတ႕ႈတခါ န႔ဥလီၚ’ ပမ့ႈသူဥထီဥ ပတႈအိဥမူဒီး တႈအဲဥတႈ ကြံန႔ဥ ပကဒိးန႔ႈဘဥ တႈအိဥမူလ႕အလ႕ပွဲၚဒီး တႈဂ့ၚတႈ၀ါ တႈသူဥဖွံသးညီ န႔ဥလီၚ’