လ႕ပွၚအါဒံအါဂၚသ့ဥတဖဥအဂီႈ ထူဥစုညါလ႕အဒ္သိးလိဏအသးမ့ႈ၀ဲ Covid-19

တႈကြႈထံဆိကမိႈ    မးသဲ ၁၆း ၂၄”၂၈   အီကူး ၇ သီ ၂၀၂၀

ခရံဏကစႈအတႈစံးတႈကတိၚသ့ဥတဖဥ ကဲထီဥ၀ဲတႈဖုးသံပ်ီႈဂီၚလ႕ အပ်ဲဥအဘီဥသ့ဥတဖဥအဂီႈ မ့ႈလ႕အတဲဆိပဏစ႕ၚ၀ဲ တႈကမၚအသးဒီးမ့ၚရွံဎၚ ဒ္လဲဥဒ္လဲဥသ့ဥတဖဥအဃိနဥ့လီၚ’ အခဲအံၚစံးကဒီး၀ဲလ႕ အ၀ဲသ့ဥ ကဘဥဒိးနဥ့ဃုဏတႈ ဒ္အကစႈဒဥ၀ဲခီဖ်ိထံဥဘဥတႈအသိးနဥ့လီၚ’

အ၀ဲသ့ဥကဘဥလဲၚပိဏထြဲ၀ဲ ခရံဏကစႈအခီဥလီႈနဥ့လီၚ’ ဒ္ခရံဏကစႈအသိး အ၀ဲသ့ဥ ကဘဥအိဥကတဲႈကတီၚအသး ဒ္သိးအကဎိးထီဥ အ၀ဲသ့ဥအကစႈဒဥ၀ဲအထူဥစုညါသ့ဥတဖဥယ ဒီးထူဥစုညါသ့ဥတဖဥ တမ့ႈလ႕အကဒ္သိးလိဏအသးဘဥဆဥယ အ၀ဲသ့ဥကဘဥ၀ံ၀ဲဎိး၀ဲ ဒီးကဘဥလဲၚပိဏထြဲ၀ဲ ခရံဏကစႈနဥ့လီၚ’ (ဆ႕ကတီႈအခဲအံၚ လ႕ပွၚအါဒံအါဂၚသ့ဥတဖဥအဂီႈ ထူဥစုညါလ႕အဒ္သိးလိဏအသးမ့ႈ၀ဲ တႈတူဥဘဥတႈလ႕ Covid-19 အတႈမၚအ႕မၚနးတႈအဃိနဥ့လီၚ’)

လ႕ပွၚတနီၚနီၚအဂီႈ ကမ့ႈ၀ဲတႈတူဥသံသးလ႕ခရံဏကစႈ ဒီးအဘီအမုႈအဂီႈယ ဒီးလ႕အဂၚတနီၚအဂီႈ ကမ့ႈ၀ဲတႈအိဥမူအိဥဂဲၚ လ႕လ႕ပွဲၚပွဲၚ လ႕ခရံဏကစႈ ဒီးအဘီအမုႈအဂီႈနဥ့လီၚ’ ခရံဏကစႈစံး၀ဲလ႕ အ၀ဲသ့ဥ ကဘဥဎိးထီဥသကိး၀ဲ အကစႈဒဥ၀ဲအထူဥစုညါဒီး တမ့ႈလ႕အကဘဥဎိးထီဥ၀ဲ ခရံဏကစႈအထူဥစုညါဘဥနဥ့လီၚ’ ထူဥစုညါ ကလီၚဆီလိဏအသးလ႕ ပ၀ဲသ့ဥတဂၚဒီးတဂၚသ့ဥတဖဥအဂီႈနဥ့လီၚ’ ထူဥစုညါမ့ႈ၀ဲ တႈကီတႈခဲအက့ႈအဂီၚတမံၚမံၚ လ႕အမ့ႈ၀ဲတႈလ႕ အအိဥဖ်ါ၀ဲဆွဲဆွဲပ်ီပ်ီယ မ့ႈစ့ႈကီးတႈလ႕ပကဘဥတူဥလိဏအီၚယ ဒီးပသုတဘဥဃ့ႈပူၚပသးဘဥနဥ့လီၚ’ တမ့ႈစ့ႈကီးတႈလ႕ ပကဘဥလူၚဃုအီၚ ဒ္သိးပကထံဥနဥ့အီၚဘဥဒီး မ့ႈတႈလ႕အကဟဲတုၚအိဥပွၚ လ႕တႈတနီႈသူဥပဏသးအပူၚယ တမ့ႈတႈလ႕ပဃုထ႕ထီဥအီၚဘဥဆဥ ကအိဥဖ်ါထီဥ၀ဲလ႕ပအိဥ ဆွဲဆွဲပ်ီပ်ီနဥ့လီၚ’

က်ဲအဂၚတဘိကမ့ႈ၀ဲ တႈဟးဆွဲ ဟးပူၚပသးလ႕ တႈနးတႈဖွီဥသ့ဥတဖဥ၀ံၚဒီး က်ဲးစ႕ၚဃုထံဥနဥ့ တႈလ႕အကဒုးမၚနဥ့ပွၚ တႈမုႈတႈပေီႈသ့ဥတဖဥယ ဒီးတႈသ့ဥတဖဥအံၚ မ့ႈ၀ဲက်ဲဖိ က်ဲလ႕အအံဥ၀ဲ လ႕အတဒုးလဲၚတုၚပွၚဆူ တႈလီႈနီတမံၚအအိဥဘဥနဥ့လီၚ’ အအံၚမ့ႈ၀ဲ တႈက်ဲးစ႕ၚဃုထံဥနဥ့ ပသးသမူ လ႕ပကစႈဒဥ၀ဲအဂီႈယ ဒီးတႈနဥ့ဘ်ဳးနဥ့ဖွိဥ ဒီးတႈမၚန႕ၚတႈ တအိဥ၀ဲနီတမံၚဘဥနဥ့လီၚ’

တႈဟံးနဥ့ပ႕ဘဥဟီဥခိဥဒီဘ့ဥ ဒီးတႈကဲထီဥ ပွၚထူးပွၚတီၚဖးဒိဥဘဥဆဥယ တႈသူဥဖွံသးညီမ့ႈတအိဥဒီးပွၚဘဥဒီး တႈမႏုအခီပညီကအိဥ၀ဲနဥ့လဲဥ’ တႈအိဥမူထဲဒဥလ႕ ပကစႈဒဥ၀ဲအဂီႈ အကတ႕ႈကမ့ႈ၀ဲ ပတႈသံ၀ဲလ႕ ပကစႈဒဥ၀ဲအပူၚနဥ့လီၚ’ တႈပ်ဲပသး ဒ္သိးပကသ့အိဥမူ၀ဲလ႕ပွၚဂၚအဂီႈယ တႈအိဥမူလ႕တႈမ့ႈတႈတီယ တႈအဲဥတႈကြံ ဒီးတႈတီတႈႀတဥအဂီႈယ နီႈခိမိႈပွႈအတႈသံမ့ႈဟဲတုၚဆိ၀ဲဘဥဆဥ မ့ႈ၀ဲတႈအိဥမူလ႕တႈလ႕တႈပွဲၚအပူၚနဥ့လီၚ’

ပွၚစီဆွံအါဒံအါဂၚသ့ဥတဖဥ သံတ့ႈလံ၀ဲ ဖဲအကဘဥသံ၀ဲအဆ႕ကတီႈ တခ်ဳးဟဲတုၚဒ္ဘဥအကတီႈနဥ့လီၚ’ ဘဥဆဥ ဖဲဆ႕ကတီႈဖုႈကိဏဖိအပူၚ ဒိးနဥ့ဘဥသကိး၀ဲ တႈသ့ဥတဖဥလ႕ ပတသ့မၚနဥ့ဘဥဒ္အီၚ ဖဲပသူ၀ဲတႈဆ႕ကတီႈ လ႕အအိဥဒီးပွၚအါ၀ဲအပူၚဒ္ဘဥနဥ့လီၚ’

အ၀ဲသ့ဥ အသးသမူအကတ႕ႈဟဲတုၚဆိ၀ဲဘဥဆဥ အတႈအိဥမူသ့ဥတဖဥ အိဥလ႕ပွဲၚ၀ဲဒီး တႈဂ့ၚတႈ၀ါအါမံၚအါမေိသ့ဥတဖဥနဥ့လီၚ’