ပမ့ႈဒဥ ပွၚအိဥတဆူဥ ပွၚတႈဒဲးဘးဖိကိးဂၚအဃိ ပလိဥဘဥ ကစႈအတႈဎါဘ်ါ တႈဆိဥဂ့ၚ တႈအုဥက့ၚခီဥက့ၚန႔ဥလီၚ.

Daily Reflection – Matthew 9:9-13

21 September 2021

ပမ့ႈဒဥ ပွၚအိဥတဆူဥ ပွၚတႈဒဲးဘးဖိကိးဂၚအဃိ ပလိဥဘဥ ကစႈအတႈဎါဘ်ါ တႈဆိဥဂ့ၚ တႈအုဥက့ၚခီဥက့ၚန႔ဥလီၚ.

ပွၚလ႕ စံးလီၚအသးလ႕ သါတႈမဥ တအိဥ တႈလီၚတူဏလီၚကဏတအိဥ တႈကမူးကမဥတအိဥနီတမံၚဘဥန႔ဥ အိဥတဂၚဂၚဧါ.

ပအိဥမူဒဥလ႕ ဟီဥခိဥခ်႕ ပဘဥအ႕ဒီးဟီဥခိဥအဃံဥအမူးလီၚ. ပတပူၚဒီးတႈကမဥ တႈလီၚတူဏလီၚကဏ နီတဂၚဘဥ. ပကဘဥသ့ဥညါလီၚပသးလ႕ ပမ့ႈပွၚတႈဒဲးဘးဖိ ပွၚလ႕အအိဥဒီးတႈလီၚတူဏလီၚကဏ တႈတလ႕ တပွဲၚန႔ဥလီၚ.

ပမ့ႈဆိကမိႈဒိဥလီၚထဲပသးလ႕ ပမ့ႈပွၚလ႕ပွဲၚပွၚဂ့ၚန႔ဥ ဒုး ပကဘ်ီလီၚက့ၚပသးအဂီႈ တညီ၀ဲဒဥ ဘဥလီၚ. ပတႈဆီဥလီၚပသး ပတႈက့ၚသမံသမိးလီၚက့ၚပသးမ့ႈတအိဥဘဥန႔ဥ တမ့ႈလ႕ပက သ့ဥညါလီၚက့ၚ ပတႈအိဥမူဘဥ.

တဘ်ီ ပလဲၚက်ဲန႔ဥ ပကဘဥက့ၚကြႈလီၚက့ၚပလီႈခံစ့ႈကိးလီၚ ပခီဥလီႈမၚအသးဒ္လဲဥ. ပွၚလ႕ပဃ႕ၚသ့ဥတဖဥ ထံဥပွၚဒ္လဲဥ. လ႕ပွၚဂၚအဂီႈပတႈအိဥမူ အဘ်ဳးအဖွိဥအိဥစ့ႈဧါ. မ့တမ့ႈ ပတႈအိဥမူ တႈဟူတႈဂဲၚန႔ဥ မၚတံဏတဏ မၚ ဘဥဒီပွၚဂၚအတႈအိဥမူဧါ.

ကစႈခရံဏဟဲဒ္သိး ပကဟးထီဥကြံဏလ႕ပတႈဒဲးဘးအပူၚဒီး ဃဥက့ၚပသးဆူက်ဲအဘ်႕က်ဲအဘဥန႔ဥလီၚ.

စီၚမးသဲ မ့ႈပွၚထ႕တႈခိတႈသြဲတဂၚ ဒီးအတႈမၚအံၚမ့ႈတႈမၚလ႕ ပွၚဂၚတဖဥ တဘဥသးအဲဥအီၚအဃိ အ၀ဲသ့ဥညါ၀ဲလ႕ တႈလ႕အဂၚလ႕ အဂ့ၚန႔ႈအံၚဒံးအိဥ ဒီးဖဲ န႔ဥ ကစႈခရံဏထံဥအီၚဒီးကြဲအီၚအခါ အ၀ဲပဏ တ့ႈကြံဏ  အတႈအိဥမူတႈမၚ လီႈလံၚတဖဥ ဒီးခါထီဥအခီဥဆူ က်ဲလ႕အဂ့ၚအသီန႔ဥလီၚ. က်ဲအံၚမ့ႈက်ဲလ႕ တႈဟ့ဥလီၚသးလ႕ပွၚဂၚအဂီႈ ဒီးက်ဲလ႕အဘဥန႔ဥလီၚ.

ပကဆိဥကမိႈလီၚက့ၚပသးလ႕ ပအိဥမူအခါ က်ဲလ႕အလဲၚ န႔ဥမ့ႈက်ဲဒ္လဲဥတဘိလဲဥ. ကစႈခရံဏအတႈကိးလ႕ ဟဲပိဏဎခံ န႔ဥ မ့ႈပနႈဟူတူႈလိဏ ဒီးလဲၚပ၀ဲစ့ႈဧါ.

ကစႈခရံဏဟဲပွ႔ၚကံၚပ၀ဲကိးဂၚ လ႕ ပတႈဒဲးဘး တႈတလ႕တပွဲၚ တႈလီၚတူႈလီၚကဏအပူၚ ဒ္သိးပကအိဥမူက့ၚတႈအိဥမူလ႕ အလ႕အပွဲၚန႔ဥလီၚ.

ပမ့ႈဒဥ ပွၚအိဥတဆူဥ ပွၚတႈဒဲးဘးဖိကိးဂၚအဃိ ပလိဥဘဥ ကစႈအတႈဎါဘ်ါ တႈဆိဥဂ့ၚ တႈအုဥက့ၚခီဥက့ၚန႔ဥလီၚ.