ပဒိးနႈ့ကိဥဘူဥ၀ံၚ ပကဘဥကဲထီဥပွၚအသီ အိဥဒီးခရံဏအတႈပဏသူဥပဏသး

ကိဥဘူဥစီဆွံအဂ့ႈ
ကိဥဘူဥစီဆွံ, မ့ႈ၀ဲ ခရံဏကစႈအနီႈခိဖံးညဥသြံဥထံ အတႈပနီဥစီဆွံယ အိဥဖ်ါ၀ဲလ႕ ကိဥဒီးစပံးထံအက့ႈအဂီၚအဖီလဏယ လ႕တႈလုႈအီဥလုႈအီပနီႈသးအဂီႈ ဃုဏဒီးခရံဏ ဒီး တႈအိဥဖွိဥကရ႕နဥ့လီၚ’ (CCC 1413).
လ႕တႈသိဥလိထူကလုႈဎြၚကထါအပူၚ တႈအိဥဖွိဥကရ႕သိဥလိနဲဥလိ၀ဲ ကိဥဘူဥစီဆွံအတႈလီၚဘီလီၚမုႈဒ္လဲဥ”
တႈမၚလၚကပီၚခရံဏကစႈအနီႈခိဖံးညဥသြံဥထံ (Solemnity of the Most Holy Body and Blood of Christ) ဘဥတႈသ့ဥညါအီၚဒ္ (Corpus Christi-in Latin) -မ့ႈ၀ဲမူးဖးဒိဥ လ႕ကိဥဘူဥစီဆွံအဂီႈ ဒီးဘဥတႈမၚညီႏုႈအီၚ ဖဲလါဎူၚအပူၚနဥ့လီၚ’
တႈအိဥဖွိဥကရ႕ သိဥလိသီလိတႈ စံးတႈကတိၚတႈ ဘဥဃးဒီးကိဥဘူဥစီဆွံ မ့ႈ၀ဲဒ္လဲဥ”
ဖဲအံၚ ပကမၚလိမၚဒိးသကိးပသး ဘဥဃးဒီးတႈဂ့ႈသ့ဥတဖဥ ဒ္အဖီလဏအသိးနဥ့လီၚ’ (၉ ထံဥ)

1. “The Eucharist is ‘the source and summit of the Christian life.'” (CCC 1324)
ကိဥဘူဥစီဆွံ မ့ႈ၀ဲခရံဏဖိအတႈအိဥမူ အတႈဂ့ႈခီဥထံး ဒီး မ့ႈစ့ႈကီး မ့ႈ၀ဲခရံဏဖိအတႈအိဥမူ အတႈခိဥစိဏနဥ့လီၚ’
2. “In the most blessed sacrament of the Eucharist, ‘the body and blood, together with the soul and divinity, of our Lord Jesus Christ, and, therefore, the whole Christ is truly, really, and substantially contained.'” (CCC 1374)
တႈပနီဥစီဆွံ လ႕အမ့ႈ၀ဲကိဥဘူဥစီဆွံအပူၚ ကစႈဎ့ဥရွဴးခရံဏ အနီဥခိဖံးညဥသြံဥထံ ဃုဏဒီးအနီႈသးဒီး အဎြၚအတႈကဲ အိဥ၀ဲအဃိယ ခရံဏကစႈဒီဂၚညါ အိဥ၀ဲသပွႈကတ႕ႈ နဥ့လီၚ’
3. “The Eucharist is the memorial of the death and Resurrection of Christ, not merely the recollection of past events. In the liturgical celebration of these events, they become in a certain way present and real.” (CCC 1363)
ကိဥဘူဥစီဆွံ မ့ႈ၀ဲတႈအိဥသ့ဥနီဥထီဥက့ၚ ကစႈဎ့ဥရွဴးခရံဏ အတႈသံ ဒီး အတႈဂဲၚဆ႕ထ႕ဥသမူထီဥက့ၚယ တမ့ႈထဲလ႕ တႈအိဥသ့ဥနီဥထီဥက့ၚတႈလ႕အပူၚကြံဏ၀ဲသ့ဥတဖဥ ဎိဎိဘဥနဥ့လီၚ’
4. “In the liturgy of the Mass, we express our faith in the real presence of Christ under the species of bread and wine.” (CCC 1380)
လ႕တႈလုႈမံးဆါ တႈဘူဥထီဥဘါထီဥ တႈရဲဥလီၚက်ဲၚလီၚအပူၚ ပအ႕ဥလီၚအီလီၚသကိး ပတႈစူႈတႈနဏ လ႕ကစႈဎ့ဥရွဴးခရံဏအမဲဏညါ လ႕ကိဥဒီးစပံးထံ အက့ႈအဂီၚအဖီလဏနဥ့လီၚ’
5. “The mode of Christ’s presence under the Eucharistic species is unique. It raises the Eucharist above all the sacraments as ‘the perfection of the spiritual life and the end to which all the sacraments tend.'” (CCC 1374)
ခရံဏ အိဥ၀ဲလ႕ ကိဥဒီးစပံးထံအက့ႈအဂီၚအဖီလဏအံၚ မ့ႈတႈလ႕အလီၚတိဏလီၚဆီ၀ဲယ တဒ္သိးဒီးတႈနီတမံဘဥနဥ့လီၚ’ မ့ႈတႈလ႕အပဏထီဥ၀ဲ တႈလုႈမံးဆါ လ႕တႈပနီဥစီဆွံခဲလ႕ဏသ့ဥတဖဥအဖီခိဥယ ဒ္အမ့ႈ၀ဲ နီႈသးအတႈလ႕ထီဥပွဲၚထီဥ၀ဲ ဒီး တႈလ႕ပကဘဥလဲၚတုၚ၀ဲသပွႈကတ႕ႈ ဒ္တႈပနီဥအဂုႈအဂၚသ့ဥတဖဥ အတႈပညိဏအိဥ၀ဲအသိးနဥ့လီၚ’
6. “The Eucharist is the sacrament of the Body and Blood of Christ, present under the appearances of bread and wine, for our spiritual nourishment and communion with Christ and the Church.” (CCC 1413)
ကိဥဘူဥစီဆွံ မ့ႈ၀ဲခရံဏအနီႈခိ ဒီးအသြံဥထံ အတႈပနီဥယ အိဥ၀ဲလ႕ ကိဥဒီးစပံးထံအက့ႈအဂီၚအဖီလဏယ လ႕တႈလုႈအီဥလုႈအီပနီႈသးအဂီႈယ ဒီးလ႕တႈရ့လိဏမုဏလိဏပသးဒီး ကစႈဎ့ဥရွဴးခရံဏဒီး တႈအိဥဖွိဥကရ႕အဂီႈ နဥ့လီၚ’
7. “The Eucharist is the heart and the summit of the Church’s life, for in it Christ associates his Church and all her members with his sacrifice of praise and thanksgiving offered once for all on the cross to his Father.” (CCC 1407)
ကိဥဘူဥစီဆွံ မ့ႈ၀ဲတႈအိဥဖွိဥကရ႕အတႈအိဥမူအိဥဂဲၚအသးကံဥပူၚယ တႈအိဥဖွိဥကရ႕အတႈခိဥစိဏယ မ့ႈလ႕ ကိဥဘူဥစီဆွံအပူၚ ခရံဏကစႈလဲၚဃုဏတႈဒီးအတႈအိဥဖွိဥကရ႕ ဒီးအတႈအိဥဖွိဥကရ႕ဖိခဲလ႕ဏသ့ဥတဖဥ လုႈထီဥဃုဏသကိးတႈလုႈလ႕ထူဥစုညါအလိၚ ဆူပႈကစႈဎြၚအအိဥ ဃုဏဒီးအတႈလုႈတႈပဏအိဥဒီးတႈစံးထီဥပႀတ႕ၚ ဒီးတႈစံးဘ်ဳးစံးဖွိဥ နဥ့လီၚ’
8. “We must therefore consider the Eucharist as: – thanksgiving and praise to the Father; – the sacrificial memorial of Christ and his Body; – the presence of Christ by the power of his word and of his Spirit.” (CCC 1358)
ပကဘဥထံဥသ့ဥညါ ဒီးနႈပ႕ႈတႈလုႈမံးဆါ ဒ္အမ့ႈ တႈစံးဘ်ဳးစံးဖွိဥ ဒီးတႈစံးထီဥပႀတ႕ၚပႈကစႈဎြၚယ မ့ႈ၀ဲတႈအိဥသ့ဥနီဥထီဥက့ၚ ကစႈဎ့ဥရွဴခရံဏ ဒီးအနီႈခိမိႈပွႈ လ႕အဘဥဃးဒီးတႈလုႈထီဥအသးနဥ့လီၚ’ ခီဖ်ိလ႕အကလုႈကထါ ဒီးအနီႈသးအဃိ ခရံဏကစႈအိဥ၀ဲ သပွႈကတ႕ႈနဥ့လီၚ’
9. “In brief, the Eucharist is the sum and summary of our faith: “Our way of thinking is attuned to the Eucharist, and the Eucharist in turn confirms our way of thinking.” (CCC 1327)
ပမ့ႈပဏဖွိဥတႈဂ့ႈခဲလ႕ဏသ့ဥတဖဥအံၚဒီး အခီပညီမ့ႈ၀ဲယ ကိဥဘူဥစီဆွံ မ့ႈ၀ဲတႈပဏဖွိဥပတႈစူႈတႈနဏ အတႈဂ့ႈတႈက်ိၚသ့ဥတဖဥ” အခီပညီ” ပတႈဆိကမိဥဆိကမး ဘဥတႈက်ဲၚဘဥလိဏအီၚဒီး ကိဥဘူဥစီဆွံယ ဒီး ကိဥဘူဥစီဆွံ ပဏဂ႕ႈပဏက်႕ၚ ပတႈဆိကမိဥဆိကမးနဥ့လီၚ’

The Holy Eucharist, also known as the Sacrament of the Body and Blood of Christ, holds profound spiritual significance for Catholics. Let’s explore some of its benefits: ကိဥဘူဥစီဆွံယ (ဃုဏဒီးတႈလုႈမံးဆါ)” လ႕အဘဥတႈသ့ဥညါအီၚဒ္ ခရံဏအနီႈခိ ဒီးအသြံဥအတႈပနီႈအံၚ အိဥ၀ဲဒီးနီႈသးအတႈဂ့ႈတႈက်ိၚ လ႕အလီၚတိဏလီၚဆီ၀ဲ လ႕ပွၚကဲးသလံးဖိသ့ဥတဖဥ အဂီႈနဥ့လီၚ’ မ္ပကကြႈထံဆိကမိဥသကိး ကိဥဘူဥစီဆွံအတႈဟ့ဥဘ်ဳးသ့ဥတဖဥ နဥ့မီဥ’

1. Eternal Life: Jesus Himself promises in the Gospels that receiving Holy Communion is like partaking of heavenly food that sustains eternal life. Through this sacred act, we are nourished spiritually, and our mortal bodies, subject to death and decay, are connected to the promise of resurrection on the last day1.
မ့ႈတႈလ႕အဘဥဃးဒီး တႈမူအထူအဎိဏနဥ့လီၚ’ ကစႈဎ့ဥရွဴးခရံဏအနီႈကစႈဒဥ၀ဲ အ႕ဥလီၚအီလီၚ၀ဲလ႕ လံဏတႈသးခုကစီဥအပူၚ လ႕အမ့ႈ၀ဲ တႈဒိးနႈ့ကိဥဘူဥစီဆွံ မ့ႈတႈလ႕အလီၚဂဏဒ္ ပအီဥသကိးမူခိဥအတႈအီဥ လ႕အပဏဂ႕ႈပဏက်႕ၚ တႈမူအထူအဎိဏနဥ့လီၚ’ ခီဖ်ိပတႈဖံးတႈမၚတႈလ႕ အစီဆွံ၀ဲအံၚအဃိ ပဘဥတႈလုႈအီဥလုႈအီပွၚလ႕နီႈသးယ ဒီးပနီႈခိလ႕အသံသ့၀ဲအံၚယ လ႕အဟးဂီၚသ့၀ဲအံၚယ မ့ႈတႈလ႕အဘဥဃးလိဏအသးဒီး တႈဂဲၚဆ႕ထ႕ဥသမူထီဥက့ၚလ႕ မုႈနံၚခံကတ႕ႈ နဥ့လီၚ’

2. Spiritual Joy: Holy Communion serves as a medicine for spiritual joy. When we receive the Eucharist frequently, it lifts our spirits, lightens our burdens, and allows us to experience the joy of being in communion with Christ. Without this regular nourishment, we may feel weighed down by life’s challenges and the demands of following Jesus1.
မ့ႈ၀ဲနီႈသးအတႈသူဥဖွံသးညီနဥ့လီၚ’ ကိဥဘူဥစီဆွံ မ့ႈတႈလ႕အမၚတႈ ဒ္ကသံဥကသီတမံၚ လ႕နီႈသးအတႈသူဥဖွံသးညီအဂီႈနဥ့လီၚ’ ဖဲပဒိးနႈ့၀ဲကိဥဘူဥစီဆွံ ခဲအံၚခဲအံၚအခါယ မၚဆူဥထီဥပသူဥပသးယ ဒုးဖွံလီၚ၀ဲ ပတႈ၀ံတႈဎိးလ႕အဃ႕၀ဲသ့ဥတဖဥယ ဒီးပ်ဲပွၚဒ္သိး ပကခီဖ်ိထံဥဘဥ တႈသူဥဖွံသးညီ ဘဥဃးဒီး တႈအိဥဃုဏဆိးဃုဏဒီး ကစႈဎ့ဥရွဴးခရံဏနဥ့လီၚ’ ပမ့ႈတဒိးနႈ့၀ဲ ကိဥဘူဥစီဆွံခဲအံၚခဲအံၚဘဥဒီး တႈအိဥမူအိဥဂဲၚအတႈလဲလိဏအသးသ့ဥတဖဥ ကအိဥဃ႕၀ဲလ႕ပဖီခိဥ နဥ့လီၚ’
3. Unity with Christ: Holy Communion unites us intimately with Jesus Christ. It intensifies our love for God and our fellow human beings. As we partake of the Eucharist, we enter into a profound relationship with Christ, who becomes our spiritual sustenance and guide2.
မ့ႈ၀ဲပတႈအိဥ၀ဲတမံၚဃီဒီးကစႈခရံဏနဥ့လီၚ’ ကိဥဘူဥစီဆွံ ပဏဖွိဥပွၚဒီး ပကစႈဎ့ဥရွဴးခရံဏ ဘူးဘူးတံႈတံႈ နဥ့လီၚ’ မၚဆူဥထီဥ၀ဲ ပတႈအဲဥကြံဎြၚ ဒီးပတႈအဲဥတႈကြံ ပွၚကညီသ့ဥတဖဥနဥ့လီၚ’ ဖဲပမၚဃုဏတႈလ႕ တႈလုႈမံးဆါအပူၚ ဒီးဒိးနႈ့သကိးကိဥဘူဥစီဆွံအခါ မ့ႈ၀ဲ ပတႈႏုႈလီၚ၀ဲဆူ တႈရ့လိဏမုဏလိဏပသးဒီးကစႈဎ့ဥရွဴးခရံဏ ဂ႕ႈဂ႕ႈက်႕ၚက်႕ၚယ မ့ႈ၀ဲကစႈတဂၚလ႕ ပနီႈသးအတႈဂ႕ႈတႈက်႕ၚ ဒီးနီႈသးအပွၚဒုးနဲဥတႈ အဃိနဥ့လီၚ’

၄”တႈမၚစီဆွံထီဥက့ၚပွၚအတႈဆိဥဂ့ၚ (Sanctifying Grace)-
ပတႈဒိးနႈ့၀ဲကိဥဘူဥစီဆွံ မၚဆူဥထီဥ၀ဲ တႈစီတႈဆွံအတႈဆိဥဂ့ၚ (Sanctifying Grace)- လ႕ပပူၚနဥ့လီၚ’ တႈဆိဥဂ့ၚအံၚ မၚစ႕ၚပွၚ ဒ္သိးပကဒိဥထီဥထီထီဥ၀ဲလ႕ တႈစီတႈဆွံအပူၚယ ဒ္သိးပကမၚန႕ၚကြံဏတႈဒဲးဘးယ ဒ္သိးပကသုးဘူးပသးဆူဎြၚအအိဥ အဂီႈနဥ့လီၚ’ ပတႈဒိးနႈ့၀ဲကိဥဘူဥစီဆွံ ထူးသံကြံဏ ပတႈဒဲးဘးလ႕အဆံး၀ဲသ့ဥတဖဥ (Venial Sins) မၚဆွံလီၚစွၚလီၚ၀ဲ တႈလ႕အမိဥကဲထီဥအသး လ႕ပပူၚ လ႕အကဆွ႕ပွၚဆူ တႈဒဲးဘးအက်ိၚအက်ဲ (ဆူတႈဒဲးဘးအအိဥ) ဒီးကဟုကဎဏပွၚ ဒ္သိးပသုတတုၚ၀ဲဆူ တႈဒဲးဘးဖးဒိဥအပူၚဘဥ နဥ့လီၚ’

၅”တႈမၚဃုဏသကိးတႈလ႕ ကစႈဎ့ဥရွဴးခရံဏ အတႈလုႈတႈပဏအပူၚ”
တႈဒိးနႈ့ကိဥဘူဥစီဆွံခဲအံၚခဲအံၚ မၚဆူဥထီဥ၀ဲ ပတႈဘဥဃးလိဏပသး ပတႈဘ်းစဲလိဏပသးဒီး ကစႈဎ့ဥရွဴးခရံဏ အတႈလုႈတႈပဏ အတႈဖံးတႈမၚတႈသ့ဥတဖဥနဥ့လီၚ’ ဒ္ပဒိးနႈ့ဘဥ၀ဲ ကစႈဎ့ဥရွဴးခရံဏ အနီႈခိဖံးညဥသြံဥထံအသိး မ့ႈ၀ဲပတႈဖံးဃုဏမၚဃုဏတႈဒီးအီၚ လ႕ အတႈအုဥက့ၚခီဥက့ၚ အတႈဖံးတႈမၚတႈအပူၚနဥ့လီၚ’ ကိဥဘူဥစီဆွံ ဒုးသ့ဥနီဥထီဥပွၚလ႕ ပတႈပညိဏလ႕ခံကတ႕ႈ (တႈလ႕ပကဘဥခီဖ်ိထံဥဘဥအီၚလ႕ခံကတ႕ႈ) လ႕အမ့ႈ၀ဲ ကစႈဎ့ဥရွဴးခရံဏ ကဟဲက့ၚကဒီးတဘ်ီယ ဒီးဟ့ဥဂံႈဟ့ဥဘါ မၚဆူဥထီဥပသူဥပသး ဒ္သိး ပကအိဥမူအိဥဂဲၚ ဒ္အဘဥထြဲလိဏအသးဒီး အတႈသိဥလိနဲဥလိပွၚ ဒီးအဒိဂ့ၚတဲႈဘဥ သ့ဥတဖဥနဥ့လီၚ’ အနီႈနီႈတခီယ ပတႈဒိးနႈ့၀ဲကိဥဘူဥစီဆွံ မ့ႈ၀ဲ ပတႈပဏဖ်ါထီဥပတႈစူႈတႈနဏ လ႕အစီဆွံ၀ဲနဥ့လီၚ’ မ့ႈ၀ဲတႈလ႕ အသုးဘူး၀ဲ ဎြၚဖိဎြၚလံၚ ပွၚစူႈပွၚနဏဖိသ့ဥတဖဥ ဆူကစႈဎ့ဥရွဴးခရံဏလ႕အမူ၀ဲ အမဲဏညါယ ဒ္သိးအ၀ဲသ့ဥ ကထံဥနႈ့ဘဥ၀ဲ တႈဂံႈတႈဘါယ တႈထိဥဟူးထိဥဂဲၚယတႈမၚသီထီဥက့ၚအသး ခီဖ်ိတႈဆိဥဂ့ၚ လ႕ကိဥဘူဥစီဆွံအပူၚနဥ့လီၚ’

၁၄၀၆” ကစႈဎ့ဥရွဴးခရံဏစံး၀ဲ” (ဎိၚဟဥ ၆း၅၁ယ၅၄ယ ၅၆) ” ဎဲဒဥအံၚ ဎမ့ႈတႈမူအကိဥ လ႕အဟဲလီၚလ႕မူခိဥလီၚ’ ပွၚမ့ႈအီဥကိဥအံၚဒီး ကမူ၀ဲလီၚထူလီၚဎိဏလီၚ’ ဒီးကိဥလ႕ဎဟ့ဥနဥ့ယ မ့ႈဎညဥ လ႕ဎဟ့ဥလ႕ ဟီဥခိဥအတႈမူအဂီႈလီၚ’ ၅၄”ပွၚလ႕အအီဥဎညဥ ဒီးအီဎသြံဥနဥ့ယ အိဥဒီးတႈမူလီၚထူလီၚဎိဏယ ဒီးဎကဒုးဂဲဆ႕ထ႕ဥက့ၚအီၚ လ႕မုႈနံၚကတ႕ႈလီၚ’ ၅၆”ပွၚလ႕အအီဥဎညဥ ဒီးအီဎသြံဥနဥ့ယအိဥ၀ဲဆိး၀ဲလ႕ဎပူၚယ ဒီးဎအိဥဎဆိးဎဲလ႕အပူၚလီၚ’

၁၄၀၈”ပတႈမၚလၚမၚကပီၚတႈလ႕ တႈလုႈမံးဆါအပူၚ (Eucharistic Celebration)ယ မ့ႈတႈလ႕အအိဥဃုဏဒီး တႈဒုးဟူထီဥသါလီၚ ထူကလုႈဎြၚကထါယ တႈစံးဘ်ဳးစံးဖွိဥပႈကစႈဎြၚ မ့ႈလ႕ အတႈဟ့ဥဘ်ဳးသ့ဥတဖဥအဃိယ ဒီးလ႕တႈခဲလ႕ဏအမဲဏညါ မ့ႈ၀ဲအတႈဟ့ဥလီၚပွၚလ႕ အဖိခြါ လ႕အမ့ႈဖိကစႈယ ဒီးတႈလုႈထီဥ ကိဥဒီးစပံးထံ ဒီးတႈအီဥဃုဏအီဃုဏတႈလ႕ တႈဘူဥထီဥဘါထီဥတႈ အစီၚနီၚခိဥ ခီဖ်ိပတႈဒိးနႈ့၀ဲ ခရံဏကစႈအနီႈခိဖံးညဥသြံဥထံနဥ့လီၚ’

၁၄၀၉” တႈလုႈမံးဆါ (the Eucharist) - မ့ႈ၀ဲတႈအိဥသ့ဥနီဥထီဥက့ၚ ခရံဏအဘူဥလဲၚကပဏ ( Christ’s Passover)- လ႕အမ့ႈ၀ဲ တႈအုဥက့ၚခီဥက့ၚပွၚ အတႈဖံးတႈမၚ လ႕ထီဥပွဲၚထီဥ၀ဲ ခီဖ်ိ ခရံဏအတႈအိဥမူအိဥဂဲၚယ အတႈတူႈသံအသး ဒီးအတႈဂဲၚဆ႕ထ႕ဥသမူထီဥက့ၚယ ဒီးတႈအုဥက့ၚခီဥက့ၚအတႈဖံးတႈမၚအံၚ အိဥဖ်ါက့ၚကဒီး၀ဲ (ဘဥတႈမၚက့ၚကဒီးအီၚ) လ႕ပတႈဘူဥထီဥဘါထီဥတႈ အတႈရဲဥလီၚက်ဲၚလီၚအပူၚနဥ့လီၚ’

၁၄၁၀” အအံၚ မ့ႈ၀ဲခရံဏအနီႈကစႈဒဥ၀ဲယ လ႕အမ့ႈ တႈအ႕ဥလီၚအီလီၚအသီ အပွၚလုႈတႈအဒိဥယ ဖံးတႈမၚတႈ ခီဖ်ိသီခါသ့ဥတဖဥအတႈလုႈထီဥတႈယ လုႈထီဥသကိး၀ဲတႈလုႈမံးဆါယ ဒီးအအံၚ မ့ႈ၀ဲခရံဏအနီႈကစႈဒဥ၀ဲယ အိဥ၀ဲလ႕ ကိဥဒီးစပံးထံအက့ႈအဂီၚအဖီလဏသပွႈကတ႕ႈယ လ႕အလုႈထီဥ၀ဲ တႈလုႈမံးဆါနဥ့လီၚ’

၁၄၁၁” ထဲဒဥသီခါလ႕ အဘဥတႈပဏထီဥအီၚ လ႕အဖိးဒီးသဲစး ဒ္သိးအကမ့ႈ၀ဲ ပွၚလုႈထီဥတႈလုႈမံးဆါသ့ဥတဖဥ သ့ဥလုႈထီဥ၀ဲ ကိဥဒီးစပံးထံ ဒ္သိးအကလဲလိဏကြံဏအသးဆူ ခရံဏအနီႈခိဖံးညဥသြံဥထံအဂီႈနဥ့လီၚ’

၁၄၁၄” ဒ္အမ့ႈ၀ဲတႈလုႈတႈပဏအသိးယ တႈလုႈမံးဆါအံၚ ဘဥတႈလုႈထီဥအီၚ ဒ္သိး ပွၚမူဒီးပွၚသံသ့ဥတဖဥ အတႈဒဲးဘး ကဘဥတႈပ်ႈကြံဏအီၚ အဂီႈယ ဒီးဒ္သိးကဒိးနႈ့ဘဥသကိး၀ဲ ဎြၚအတႈဆိဥဂ့ၚ လ႕နီႈခိဒီးနီႈသးအဂီႈနဥ့လီၚ’

၁၄၁၅” မတၚတဂၚလႈလႈ လ႕အကဒိးနႈ့ဘဥ ကိဥဘူဥစီဆွံသ့ဥတဖဥ အတႈအိဥအသး ကဘဥၾက႕း၀ဲဒီးဎြၚအတႈဆိဥဂ့ၚယ (In the State of Grace) ” နဥ့လီၚ’ မတၚတဂၚလႈလႈ ဖဲအသ့ဥညါလီၚအသး လ႕အအိဥ၀ဲလ႕ တႈဒဲးဘးဖးဒိဥအပူၚအခါယ တခ်ဳးလ႕အဒိးနႈ့ဘဥဒ္၀ဲ တႈပ်ႈကြံဏအတႈကမဥ ခီဖ်ိတႈပ်ႈကြံဏတႈကမဥ အတႈပနီဥစီဆွံဘဥဒီး တၾက႕းလ႕အဒိးနႈ့ဘဥဒ္၀ဲ ကိဥဘူဥစီဆွံဘဥနဥ့လီၚ’

၁၄၁၆” ပတႈဒိးနႈ့ဘဥ ခရံဏအနီႈခိဖံးညဥသြံဥထံ မၚဆူဥထီဥပတႈရ့လိဏမုဏလိဏပသးဒီးကစႈဎ့ဥရွဴးခရံဏယ ဒီးဒုးမၚနႈ့ပွၚ ပတႈကမဥလ႕အဆံး၀ဲသ့ဥတဖဥ ဘဥတႈပ်ႈကြံဏအီၚယ ဒီးကဟုကဎဏပွၚ ဒ္သိးပသုတတုၚ၀ဲဆူ တႈဒဲးဘးဖးဒိဥအပူၚဘဥနဥ့လီၚ’ ဒ္တႈဒိးနႈ့တႈပနီဥစီဆွံအံၚ မၚဆူဥထီဥ တႈအဲဥတႈကြံအတႈစ႕ဃဥ လ႕ပွၚလ႕အဒိးနႈ့ကိဥဘူဥစီဆွံဒီး ခရံဏကစႈအဘ႕ဥစ႕ၚအသိးယ မ့ႈတႈလ႕အမၚဆူဥထီဥ တႈဃူတႈဖိးလ႕တႈအိဥဖွိဥကရ႕အပူၚ လ႕အမ့ႈ၀ဲခရံဏကစႈအနီႈခိလ႕အလီၚတိဏလီၚဆီ၀ဲ (The Mystical Body of Christ) နဥ့လီၚ’

၁၄၁၇”တႈအိဥဖွိဥကရ႕ မ႕နႈ့ဆီဥခံ၀ဲ တႈအိဥဖွိဥကရ႕ဖိသ့ဥတဖဥ ဒ္သိးအကဒိးနႈ့ဘဥ၀ဲ ကိဥဘူဥစီဆွံကိးဘ်ီဒဲး ဖဲလ႕တႈမုႈမံးဆါ လ႕အ၀ဲသ့ဥဘူဥဘါဃုဏသကိးတႈ တဘ်ီလႈလႈအပူၚနဥ့လီၚ’ မ႕နႈ့ဆီဥခံ၀ဲဒ္သိး ကဒိးနႈ့၀ဲကိဥဘူဥစီဆွံ အစွၚကတ႕ႈ တနံဥတဘ်ီနဥ့လီၚ’

၁၄၁၈”ဒ္ခရံဏကစႈ အိဥ၀ဲလ႕ တႈလုႈလီႈအလိၚ လ႕တႈပနီဥစီဆွံအပူၚအသိးယ ၾက႕း၀ဲလ႕ ပဎူးဎီဥပဏကဲ ဘူဥထီဥဘါထီဥအီၚ လ႕ကိဥဘူဥစီဆွံအပူၚ ( Adoration of the Blessed Sacrament)”ဒ္အမ့ႈတႈပဏဖ်ါထီဥ ပတႈအဲဥတႈကြံယ ပမူပဒါဘဥဃးဒီး တႈဘူဥထီဥဘါထီဥ ခရံဏ ပဎြၚဒီးပကစႈ အဂ့ႈ (ပႈပါပီလူ ၆ ဂၚတဂၚ) စံး၀ဲနဥ့လီၚ’

၁၄၁၉” ဒ္ပဘဥလဲၚတႈ ခီဖ်ိဟီဥခိဥခ်႕အံၚ ဆူပႈကစႈဎြၚအအိဥအသိးယ ခရံဏကစႈ ပဏလီၚနႈ့ပွၚ ကိဥဘူဥစီဆွံ ဒ္အမ့ႈ အတႈအ႕ဥလီၚအီလီၚ ဘဥဃးဒီး တႈလၚတႈကပီၚလ႕ ပကဒိးနႈ့ဘဥဃုဏဒီးအီၚနဥ့လီၚ’ ပတႈဒိးနႈ့၀ဲကိဥဘူဥစီဆွံ မၚဂ႕ႈမၚက်႕ၚပွၚ လ႕ပတႈလဲၚက်ဲ ဖဲဟီဥခိဥခ်႕အံၚအကတီႈယ ဒီးဒုးဆ႕မၚနႈ့ပွၚယ ဒုးမိႈနႈ့သးလီပွၚလ႕ တႈမူအထူအဎိဏ ဒီး ပဏဖွိဥဃုဏပွၚတမံၚဃီ ဖဲဆ႕ကတီႈအခဲအံၚဒဥလဲဥ ဆူတႈအိဥဖွိဥကရ႕ ဒီးလ႕မူခိဥဘီမုႈယ ဃုဏဒီးမုႈကနီၚနီႈမၚရံ ဒီးပွၚစီဆွံသ့ဥတဖဥနဥ့လီၚ’

Second Part

အခဲအံၚ ကပဏဖ်ါထီဥကဒီးတႈဂ့ႈလ႕အဘဥဃးဒီး တႈအိဥကတဲႈကတီၚပသး အပတီႈသ့ဥတဖဥ ဒ္သိးပကဒီသူဥပဏသး ဒီး ကြႈထံဆိကမိဥ ဒီးကတဲႈကတီၚပသး တခ်ဳးလ႕ပဒိးနႈ့ဘဥဒ္၀ဲ ကိဥဘူဥစီဆွံ အကတီႈနဥ့လီၚ’

တခ်ဳးလ႕ ပဒိးနႈ့ဒ္၀ဲကိဥဘူဥစီဆွံအကတီႈ ”
၁”ပကဘဥကြႈသမံသမိးလီၚက့ၚပသး တခ်ဳးလ႕ ပဒိးနႈ့ဘဥ ကိဥဘူဥစီဆွံဒ္ဘဥ အကတီႈနဥ့လီၚ’ (Examine Yourself)” Everyone ought to examine themselves before they eat of the bread and drink from the cup-(1 Corinthians 11;28) ” အခီပညီ” ပကဘဥအိဥဒီးတႈပီႈဎႈလီၚက့ၚပသး တခ်ဳးလ႕ ပဒိးနႈ့ဒ္၀ဲကိဥဘူဥစီဆွံအကတီႈနဥ့လီၚ’ ပကဘဥကြႈထံဆိကမိဥလီၚက့ၚ ပတႈရ့လိဏမုဏလိဏပသးဒီးဎြၚ မ့ႈ၀ဲဒ္လဲဥဒ္လဲဥယ ဒီးပကဘဥအိဥဒီးတႈလီၚတံႈလီၚဆဲး ဘဥဃးဒီး ပတႈစူႈတႈနဏ မ့ႈတႈလ႕အတီ၀ဲလိၚ၀ဲသပွႈကတ႕ႈ နဥ့လီၚ’ ပကဘဥဃ့ထုကဖဥပ၀ဲ ဒ္သိး တႈဒဲးဘး၊ တႈကမဥလ႕ ပတလဲၚပ်ႈကြံဏဒ္၀ဲသ့ဥတဖဥ ဎြၚကပ်ႈကြံဏနႈ့ဘဥပွၚအဂီႈ တခ်ဳးလ႕ ပဒိးနႈ့ဘဥ ကိဥဘူဥစီဆွံဒ္ဘဥ အကတီႈနဥ့လီၚ’

၂” တခ်ဳးလ႕ ပဒိးနႈ့ဘဥ ကိဥဘူဥစီဆွံဒ္ဘဥ အကတီႈ” ပကဘဥဒုဥဃဥတႈအီဥ အစွၚကတ႕ႈ တနဥရံဥနဥ့လီၚ’ တႈအိဥဖွိဥကရ႕ပဏလီၚနႈ့ပွၚ တႈဒုဥတႈဖံးတႈညဥ ဖဲမုႈဎဲႈနံၚ” ဒီးတႈဒုဥတႈအီဥ မ့ႈ၀ဲဖဲပႏုဏလီၚ၀ဲဆူ တႈကီၚသူဥကီၚသးအကတီႈအမုႈနံၚ” ဒီးလီၚဆီဒဥတႈဖဲ မုႈဎဲႈနံၚဖးဒိဥ (Good Friday) နဥ့လီၚ’

၃” တခ်ဳးလ႕ ပဒိးနႈ့ဘဥ ကိဥဘူဥစီဆွံဒ္ဘဥ အကတီႈ ၾက႕းလ႕ပဃ့ထုကဖဥတႈနဥ့လီၚ’ တႈထုကဖဥအံၚ ဆီဥထြဲမၚစ႕ၚပွၚ ဒ္သိးပကကတဲႈကတီၚပသူဥပသးယ အိဥဒီးတႈသးစ႕ႈဆ႕လ႕ ကိဥဘူဥစီဆွံအတႈကဟုကညီဥ အတႈလီၚတိဏလီၚဆီ၀ဲ အဖီခိဥနဥ့လီၚ’

၄” တခ်ဳးလ႕ ပဒိးနႈ့ဘဥ ကိဥဘူဥစီဆွံဒ္ဘဥ အကတီႈ” ပကဘဥအိဥဒီးတႈပီႈဎႈလီၚက့ၚပသး လ႕ပတႈကမဥသ့ဥတဖဥအဃိနဥ့လီၚ’ တႈဒိးနႈ့ကိဥဘူဥစီဆွံ” မ့ႈ၀ဲ တႈအိဥဖွိဥကရ႕ဖိသ့ဥတဖဥ အတႈမၚလၚမၚကပီၚတႈလ႕အဘဥဃးဒီး ပမ့ႈ၀ဲဎြၚဖိဎြၚလံၚအဂ့ႈ ဒီးပတႈတူႈလိဏခရံဏ ဒ္ပွၚလ႕အအုဥက့ၚခီဥက့ၚပွၚ အဂ့ႈနဥ့လီၚ’

၅” တခ်ဳးလ႕ ပဒိးနႈ့ဘဥ ကိဥဘူဥစီဆွံဒ္ဘဥ အကတီႈ” ပကဘဥအိဥ၀ဲဒီး တႈသူဥဖွံသးညီနဥ့လီၚ’ ပကဘဥသုးဘူးပသးဆူ တႈဒိးနႈ့ကိဥဘူဥစီဆွံအလီႈ အိဥဒီးသးလ႕ အအိဥလ႕ပွဲၚဒီး တႈစံးဘ်ဳးစံးဖွိဥဎြၚနဥ့လီၚ’ အအံၚ မ့ႈ၀ဲ ပတႈမၚလၚမၚကပီၚ ဎြၚအတႈဆိဥဂ့ၚ လ႕အဒိဥ၀ဲ ဒီး တႈခြဲးတႈဎဏလ႕ ပဘဥတႈပ်ႈကြံဏပွၚ အဃိနဥ့လီၚ’

ပကဘဥသ့ဥနီဥထီဥသကိး၀ဲလ႕ တႈလုႈမံးဆါ ဒီးကိဥဘူဥစီဆွံ မ့ႈ၀ဲတႈခြဲးတႈဎဏလ႕ အဘဥဃးဒီးတႈသူဥဖွံသးညီယ မ့ႈ၀ဲဆ႕ကတီႈလ႕ ပအိဥသ့့ဥနီဥထီဥ ခရံဏအတႈလုႈတႈပဏ ဒီးပတႈမၚလၚမၚကပီၚ အတႈဆိဥဂ့ၚယ တႈဟ့ဥဘ်ဳးလ႕ပဒိးနႈ့ဘဥအီၚ သ့ဥတဖဥနဥ့လီၚ’