ပကဘဥမၚဃုဏတႈဒီး ဎြၚပကစႈ လ႕အတႈဖံးလီႈမၚလီႈနဥ့လီၚ

ပကဘဥမၚဃုဏတႈဒီး ဎြၚပကစႈ လ႕အတႈဖံးလီႈမၚလီႈနဥ့လီၚ

တနံဥအတီႈပူၚ ၁၄ အိဥဘွံးနံၚ

လူၚကဥ ၁၀း ၁”၁၂ယ ၁၇”၂၀

မုႈတနံၚအံၚ ကဎဲႈပွၚလ႕အကိးလီၚအသးလ႕ပွၚခရံဏဖိသ့ဥတဖဥ မ့ႈအဖံးတႈမၚတႈလ႕ ကစႈအစပံးလီႈ လ႕တႈသူဥဆူဥသးဂဲၚအပူၚ အိဥ၀ဲပွဲၚဂၚနဥ့လဲဥ။ ကူးဘုအလီႈ အိဥ၀ဲထီဘိနဥ့လီၚ’

မုႈတနံၚအံၚ လ႕တႈဖံးတႈမၚတႈလ႕ တႈအိဥဖွိဥကရ႕အတႈဖံးလီႈမၚလီႈအပူၚ ပွၚမၚတႈဖိသ့ဥတဖဥ တမ့ႈ၀ဲထဲလ႕ သီဘူဥသီခါ ဖံ၀ဲတပြဲ၀ါ ဒီးသရဥ/သရဥမုဥသ့ဥတဖဥဘဥနဥ့လီၚ’ ကဎဲႈပွၚလ႕အအိဥလံ၀ဲဒီး တႈသ့စီအတႈပနီႈစီဆွံသ့ဥတဖဥမ့ႈ၀ဲ ပွၚမၚတႈဖိသ့ဥတဖဥနဥ့လီၚ’

ပွၚလ႕အစံဥတဲၚတဲလီၚတႈသးခုကစီဥ လ႕အမံၚဟူသဥဖ်ါ၀ဲ ဒ္အမ့ႈ စီၚပီလူး တမ့ႈ၀ဲသီခါကရ႕ခိဥယ တမ့ႈစ့ႈကီးသီခါဘဥ’ မ့ႈဒဥပွၚဎိဎိတဂၚနဥ့လီၚ’ ဒ္သိးအကသ့အိဥမူ၀ဲအဂီႈ ဘဥလုႈအီဥ၀ဲအသးသမူ လ႕အကစႈဒဥ၀ဲနဥ့လီၚ’

လ႕ပတႈအိဥမူအပူၚ တႈမႏု မ့ႈတႈလ႕အကါဒိဥ၀ဲနဥ့လဲဥ

ပကဘဥမ့ႈ၀ဲ ပွၚလ႕အဘဥတႈမၚသီထီဥက့ၚအီၚ နဥ့လီၚ။ ပမ့ႈတလဲလိဏကြံဏပသး ဒ္ခရံဏအက့ႈအဂီၚအသိးဘဥဒီး တႈသ့စီအတႈပနီဥစီဆွံလ႕ပဒိးနႈ့ဘဥအီၚအံၚ အလုႈအပွၚ့ကဆံးလီၚစွၚလီၚ၀ဲနဥ့လီၚ’

တႈကဲထီဥပွၚလ႕အသီ မ့ႈပွၚလ႕အအိဥလ႕ပွဲၚဒီးတႈတီတႈလိၚယ တႈသူဥကညီၚသးကညီၚယ မ့ႈပွၚလ႕အကြႈဆိကမိဥနႈ့တႈလ႕ပွၚဂၚအဂီႈနဥ့လီၚ’ ပွၚလ႕အအိဥဒီးတႈမၚသီထီဥက့ၚအီၚအံၚ အိဥ၀ဲဒီးတႈသဘ့် တႈမုဏတႈခုဥနဥ့လီၚ’

မုႈတနံၚအံၚ လ႕လံဏဖးသ့ဥတဖဥအပူၚ ပနႈဟူဘဥ၀ဲ တႈကတိၚလ႕အမ့ႈ၀ဲ တႈမုဏတႈခုဥအဂ့ႈနဥ့လီၚ’ လ႕လံဏတႈသးခုကစီဥအပူၚ ပကစႈဎ့ဥရွဴးခရံဏ မ႕၀ဲအပ်ဲဥအဘီဥသ့ဥတဖဥ ဒ္သိးအကလဲၚစိဏဆွ႕၀ဲ တႈမုဏတႈခုဥ ဆူဟံဥကိးဖ်႕ဥဒဲးသ့ဥတဖဥ အအိဥနဥ့လီၚ’ တႈမုဏတႈခုဥအံၚ ပတသ့ဒိးနႈ့ဘဥအီၚလ႕ တႈလ႕အဟဲ၀ဲလ႕ခိယ တႈလ႕အအိဥ၀ဲလ႕တႈပ်ီပူၚဘဥနဥ့လီၚ’ ကလံၚမုႈမ့ႈတြၚ၀ဲလ႕ ပခိဥပဃ႕ၚဒဥလဲဥ တႈမုဏတႈခုဥအံၚ အိဥ၀ဲဒီးပွၚနဥ့လီၚ’ ဖဲပကစႈဎ့ဥရွဴးခရံဏ ဃ့ထုကဖဥတႈလ႕ က့ၚသစ့မနၚတႈလီႈ လ႕တႈနးတႈဖွိဥအကတီႈဒဥလဲဥ တႈမုဏတႈခုဥ အိဥ၀ဲဒီးအီၚ လ႕အသူဥကံဥသးလဲအပူၚနဥ့လီၚ’ ပွၚလ႕အတူႈလိဏဟံးနႈ့၀ဲ ခရံဏအထူဥစုညါ ဒီးတူႈလိဏဟံးနႈ့၀ဲ တႈနးတႈဖွီဥလ႕အလိၚ စီၚပီလူးဒဥလဲဥ တႈမုဏတႈခုဥအိဥ၀ဲလ႕ အတႈအိဥမူအိဥဂဲၚအပူၚနဥ့လီၚ’

ဒ္နဥ့ဒီး ဒ္ပမ့ႈ၀ဲဎြၚဖိဎြၚလံၚ တႈအိဥဖွိဥကရ႕ဖိသ့ဥတဖဥအသိး တႈရၚလီၚတႈမုဏတႈခုဥမ့ႈ၀ဲ ပမူပဒါနဥ့လီၚ’ အဆိကတ႕ႈ တႈမုဏတႈခုဥ ဒီးတႈဘံဥတႈဘ႕လ႕ ပသူဥကံဥသးလဲအပူၚ ကဘဥအိဥဂ႕ႈဆိးက်႕ၚ၀ဲနဥ့လီၚ’ ဖဲပလဲၚပိဏထြဲခရံဏကစႈ ဘူးဘူးတံႈတံႈအခါယ ဖဲပအိဥဘူးဒီးပကစႈအခါ ပကဒိးနႈ့ဘဥ၀ဲ တႈမုဏတႈခုဥအံၚနဥ့လီၚ’

မုႈတနံၚအံၚ ခီဖ်ိလ႕လံဏတႈသးခုကစီဥ အတႈဘိးဘဥသ့ဥညါတႈအပူၚ ပသ့ဥညါ၀ဲလ႕ ပကဘဥမ့ႈ၀ဲ ပွၚဖံးဃုဏမၚဃုဏတႈဒီး ဎြၚ ပကစႈနဥ့လီၚ’ ဒ္သိး တႈသးခုကစီဥအလုႈအပွၚ့ ကအိဥဂ႕ႈဆိးက်႕ၚ၀ဲလ႕ ပတႈအိဥတႈဆိးအလီႈအပူၚ ကသ့၀ဲအဂီႈ ပဘဥတႈကြဲမုဏပွၚ ဒ္သိး ပကဖံးဃုဏမၚဃုဏတႈနဥ့လီၚ’

တႈလီႈတႈက်ဲလ႕ အသးအိဥလဲၚတုၚ၀ဲသ့ဥတဖဥအပူၚ ကစႈဎ့ဥရွဴးခရံဏ ဆွ႕လီၚ၀ဲ မ႕လီၚ၀ဲအပ်ဲဥအဘီဥသ့ဥတဖဥ ဒ္သိးအကလဲၚဆိပဏစ႕ၚ၀ဲလ႕ အမဲဏညါနဥ့လီၚ’ အအံၚ မ့ႈ၀ဲတႈဂ့ႈလ႕ ပၾက႕းကြႈထံဆိကမိဥအီၚ ဂ့ၚဂ့ၚဘဥဘဥနဥ့လီၚ’ တႈလီႈတႈက်ဲလ႕ ပကဘဥလဲၚတုၚ၀ဲအံၚ မ့ႈမတၚတဂၚ လဲၚတုၚဆိပဏစ႕ၚလံ၀ဲနဥ့လဲဥ။ မ့ႈခရံဏကစႈဧါ။ မ့ႈ၀ဲဎၚလီဧါ။

ပွၚလ႕အအိဥလံ၀ဲဒီး တႈသ့စီအတႈပနီဥစီဆွံသ့ဥတဖဥ မ့ႈ၀ဲပွၚလ႕အဘဥဃးဒီးခရံဏကစႈနဥ့လီၚ’ ဖဲနီႈခိအိဥ၀ဲတႈလီႈ နီႈကစႈဒီဂၚညါအိဥ၀ဲစ့ႈကီးနဥ့လီၚ’ ဖဲပလဲၚတႈတပူၚလႈလႈ ခရံဏကစႈလဲဃုဏတႈဒီးပွၚနဥ့လီၚ’

ကစႈခရံဏတလဲၚဆိ၀ဲလ႕ ပမဲဏညါဘဥ’ ကစႈခရံဏ တလဲၚပိဏထြဲတႈလ႕ ပလီႈခံဘဥနဥ့လီၚ’ ကစႈခရံဏ မ့ႈပွၚလ႕အလဲၚဃုဏတႈဒီးပွၚ နဥ့လီၚ’ ဎမ့ႈတလဲၚတႈဒီး တႈလဲၚတႈက့ၚတကဲထီဥ၀ဲဘဥနဥ့လီၚ’ ဎမ့ႈတလဲၚတႈဒီး ခရံဏကစႈစ့ႈကီး တလဲၚတုၚ၀ဲဘဥ နဥ့လီၚ’ ဎမ့ႈပွၚလ႕အဘဥဃးဒီး ခရံဏကစႈဒီဂၚညါနဥ့လီၚ’ ပတထံဥဘဥ ခရံဏကစႈဘဥဆဥ ဎမ့ႈဎဲပွၚလ႕အပဏဖ်ါထီဥ၀ဲ ခရံဏကစႈအိဥမူ၀ဲအဂ့ႈနဥ့လီၚ’ ဎကလုႈကထါ မ့ႈ၀ဲခရံဏကစႈအကလုႈကထါနဥ့လီၚ’ (ပွၚမ့ႈဒိကနဥသုဒီး မ့ႈအဒိကနဥဎၚ နဥ့လီၚ)’ ဒ္နဥ့ဒီး ဎမ့ႈတဒုးဟူထီဥသါလီၚ အတႈသးခုကစီဥဒီး မတၚတဂၚ ကသ့နႈဟူဘဥ၀ဲနဥ့လဲဥ’

မုႈတနံၚအံၚ ပထံဥဘဥ၀ဲလ႕ အပ်ဲဥအဘီဥသ့ဥတဖဥ ဟဲက့ၚ၀ဲလ႕ တႈသူဥခုသးခု တႈသူဥပိဏသး၀းအပူၚ မ့ႈလ႕အထံဥသ့ဥညါဘဥ၀ဲလ႕ အသ့မၚ၀ဲတႈဒ္ အကစႈဒီးအသရဥ မၚ၀ဲတႈဖံးတႈမၚသ့ဥတဖဥအဃိနဥ့လီၚ’ ပ၀ဲသ့ဥတဖဥစ့ႈကီး ပမ့ႈပွၚသ့ဥတဖဥလ႕ အသ့မၚ၀ဲ တႈဖံးတႈမၚလ႕ ခရံဏမၚ၀ဲသ့ဥတဖဥနဥ့လီၚ’ ပမ့ႈတမၚတႈနီတမံၚဒီး ပတၾက႕းလ႕ၚဒီး တႈသ့စီအတႈပနီဥစီဆွံလ႕ၚဘဥနဥ့လီၚ’ တႈသ့စီအတႈပနီဥစီဆွံအလုႈအပွၚ့ ကဆံးလီၚစွၚလီၚ၀ဲလ႕ ပတႈအိဥမူအပူၚနဥ့လီၚ’

ပကဘဥစးထီဥဖံးတႈမၚတႈဒ္လဲဥ’

ကရ႕ကရိဖးဒိဥဒီခါညါ အတႈလဲလိဏကြံဏအသးအဂီႈ ပကမၚတႈတဘ်ီဃီအံၚ တမ့ႈတႈလ႕အညီ၀ဲဘဥနဥ့လီၚ’ ဘဥဆဥ ပကဘဥကြႈလိဏကြႈဒိး ပွၚစီဆွံ လ႕အအိဥမူတ့ႈလံ၀ဲလ႕ ပမဲဏညါသ့ဥတဖဥ အဒိဂ့ၚတဲႈဘဥနဥ့လီၚ’

လ႕ပွၚစီဆွံသ့ဥတဖဥအက်ါ ပကကြႈထီဥသကိး Mother Teresa  အတႈအိဥမူအိဥဂဲၚ တစိၚတလီႈဖိမီဥ”

သ့ဥညါ၀ဲလ႕ ပွၚဖွီဥဖိဎဏဖိ ဒီးပွၚလ႕အဘူးကသံ၀ဲသ့ဥတဖဥ အိဥ၀ဲအကထိဒီးအကထိသ့ဥတဖဥနဥ့လီၚ’ ဘဥဆဥ စးထီဥဒီးဖံးတႈမၚတႈ ထဲဒဥလ႕ ပွၚတဂၚဧိၚအဂီႈနဥ့လီၚ’

ဖဲအံၚ ပသ့သ့ဥနီဥထီဥ၀ဲ တႈအဒိအတဲႈဖိတမံၚ သ့၀ဲနဥ့လီၚ’ တဘ်ီ ပွၚတဂၚ ထံဥဘဥ၀ဲ ညဥဆံးဆံးဖိ အကထိဒီးအကထိသ့ဥတဖဥ ဘဥအိဥ၀ဲလ႕မဲးမုဥခိဥ ဒီးဘူးထီဥလ႕ အကဘဥသံ၀ဲနဥ့လီၚ’ ဖဲပွၚတဂၚအံၚ ထံဥ၀ဲညဥဖိသ့ဥတဖဥအံၚအခါ ဟံးထီဥ၀ဲတဘ့ဥ၀ံၚတဘ့ဥ ဒီးတ့ႈလီၚက့ၚ၀ဲဆူ ပီဥလဲဥထံက်ါနဥ့လီၚ’ ဖဲအတံၚသကိးတဂၚ ထံဥဘဥ၀ဲလ႕ ပွၚတဂၚအံၚ မၚတႈဒ္နဥ့အခါ စံးအီၚလ႕ အမၚလ႕ဏဂီၚတႈဆ႕ကတီႈကလီကလီ မ့ႈလ႕ညဥအကထိဒီးအကထိသ့ဥတဖဥ ဘဥအိဥ၀ဲလ႕တႈကီတႈခဲအပူၚ ဒီးအ၀ဲသ့မၚပူၚဖ်ဲးဒဥထဲ ညဥဖိစွၚဘ့ဥသ့ဥတဖဥ အဃိနဥ့လီၚ’

ဖဲပွၚစံးအီၚလ႕ အမၚလ႕ဏတႈဆ႕ကတီႈကလီကလီအခါ အ၀ဲစံးဆ႕က့ၚ၀ဲလ႕ ညဥအါဘ့ဥသ့ဥတဖဥ ဘဥအိဥ၀ဲဒီးတႈကီတႈခဲဘဥဆဥ ညဥဖိလ႕အဘဥတႈမၚပူၚဖ်ဲးအီၚလ႕အီၚသ့ဥတဖဥအဂီႈ မ့ႈ၀ဲတႈလ႕အလီၚဆီဒိဥ၀ဲ လ႕ညဥဖိသ့ဥတဖဥအံၚအဂီႈနဥ့လီၚ’

ဖဲပဖံးတႈမၚတႈလ႕ပွၚဂၚအဂီႈအခါ ကဲထီဥ၀ဲတႈသူဥဖွံသးညီ တႈမံသူဥမံသး လ႕ပွၚဂၚအဂီႈနဥ့လီၚ’ ဖဲပမၚတႈလ႕ပွၚဂၚအဂီႈအခါ ပဒိးနႈ့ဘဥက့ၚ၀ဲ တႈမုဏတႈခုဥဒီး တႈသူဥမံသးမုဏစ့ႈကီးနဥ့လီၚ’ ပကဲထီဥ၀ဲပွၚလ႕ အလဲၚစိဏဆွ႕၀ဲ တႈမုဏတႈခုဥ ဆူပွၚဂၚအအိဥနဥ့လီၚ’

ပွၚအါဒံအါဂၚသ့ဥတဖဥ မ့ႈအိဥ၀ဲဒီး တႈပဏသူဥပဏသးဒ္အံၚဒီး တႈလဲလိဏကြံဏသး လ႕တႈလီၚတိဏလီၚဆီအပူၚ ကအိဥထီဥ၀ဲဖဲ တႈလီႈလ႕ပအိဥမူဒီး ဖံးတႈမၚတႈသ့ဥတဖဥအပူၚ ဒီးဎြၚအဘီအမုႈကအိဥဖ်ါထီဥ၀ဲ ခီဖ်ိလ႕ ပတႈဖံးဃုဏမၚဃုဏတႈဒီး ဎြၚ ပကစႈအပူၚနဥ့လီၚ’