တႈဎူးဎီဥ ပဏကဲမၚလၚကပီၚ၀ဲ ပွၚစီဆွံ စီၚဖရဥစ့ဥ အဲဥစံၚစံၚ အဘူဥနံၚ

Tuesday in the 27^th  week of Ordinary time.

October , 4 , 2022

Lk 10: 38-42

တနံၚအံၚပမိႈ ကဲးသလံးတႈအိဥဖွိဥကရ႕စီဆွံ ဎူးဎီဥ ပဏကဲမၚလၚကပီၚ၀ဲ ပွၚစီဆွံ စီၚဖရဥစ့ဥ အဲဥစံၚစံၚ အဘူဥနံၚန႔ဥလီၚ.ဖရဥစ့ဥစကဲၚ အကရ႕န႔ဥ အကရ႕ဖိလ႕ အအိဥသဘ်႔သ့ဥတဖဥ လ႕ကကဲထီဥပွၚစီဆွံသ့ဥတဖဥန႔ဥ ပဏတႈပဏဖွိဥအီၚ ဒ္အမ့ႈ၀ဲ (Novitiate) တႈလီႈ လ႕အအိဥလ႕ ပွႈမုဥကန႕ပူၚ (Hermitage) န႔ဥ ဘဥတႈထံဥန႔ဥအီၚလ႕အမ့ႈ၀ဲ မ့ၚရံၚဒီး မၚသါခံဂၚလ႕ အမၚ၀ဲတႈအိဥသဒ႕လ႕ဎြၚအပူၚန႔ဥ ပွၚလ႕အအိဥသဘ်႔သ့ဥတဖဥ ကဘဥမၚ၀ဲဒီး အိဥဘူးအိဥတံႈဒီးဎြၚန႔ဥလီၚ.

လ႕တႈမၚ၀ဲ တႈအိဥသဒ႕သးလ႕ဎြၚအပူၚန႔ဥ ပွၚအိဥသဘ်႔ (ပွၚလ႕ကဲထီဥပွၚစီဆွံ အပွၚကေိဖိ)တဂၚ အ၀ဲဟံန႔ဥ၀ဲ မၚသါအလီႈဒီး ကတဲဏကတီၚ၀ဲ တႈအီဥတႈအီယဒီးတႈလ႕ပွၚလိဥဘဥ၀ဲ သ့ဥတဖဥအ၀ဲမၚလ႕ပွဲၚန႔ဥ၀ဲ၀ံၚ ဒီးပွၚအိဥသဘ်႔ဖိလ႕အဂၚတဂၚ ဟံန႔ဥ၀ဲ မ့ၚရံၚလီႈဒီး အိဥ၀ဲထဲတဂၚလ႕တႈဘွ႔ဥတႈဘွီဥအပူၚဒီး ဃ့ထုကဖဥ၀ဲတႈဒီး အိဥ၀ဲဒဥဒီး တႈကြႈထံဆိကမိဥလီၚက့ၚ ဎြၚအဂ့ႈအက်ိၚန႔ဥလီၚ. ပွၚထီဥတႈမၚလိဖိလ႕ ကကဲထီဥ၀ဲ ပွၚအိဥသဘ်႔ အပွၚကေိဖိသ့ဥတဖဥ ဟံန႔ဥ၀ဲမူဒါလ႕ တႈဖီအီဥတ့ၚအီဥ ဒီး တႈဃ့တႈကဖဥတႈ ဒီးဆီတလဲန႔ႈလိဏသးအလီႈ ခံဂၚတဖု ခံဂၚတဖု လ႕မူဒါလီၚဘဥအ၀ဲသ့ဥန႔ဥလီၚ.

တႈအိဥသဒ႕သးလ႕ ဎြၚပူၚ တခါအံၚမ့ႈ၀ဲ တႈလီၚစ႕ၚလီၚသြဲဥတခါလ႕ တႈပဏပနီဥ၀ဲလ႕  အမ့ႈ၀ဲပွၚလ႕ အလဲၚစံဥတဲၚတဲလီၚ ဎြၚအတႈသးခုကစီဥသ့ဥတဖဥ လ႕အမ့ႈ၀ဲ ပွၚစီဆွံ စီၚဖရဥစ့ဥ အဲဥစံၚစံၚ အတႈအိဥမူ အိဥဂဲၚ အတႈဒုးနဲဥ၀ဲ တႈဒိဂ့ၚတဲဏဘဥတခါလ႕ ပကဘဥဟံန႔ဥမၚလိအီၚတခါန႔ဥလီၚ.

ဒ္ပွၚစီဆွံ စီၚဖရဥစ့ဥ အဲဥစံၚစံၚ အတႈစံဥတဲၚတဲလီၚ ဎြၚကလုႈကထါ လ႕တႈသူဥဆူဥသးဂဲၚ အိဥ၀ဲဒဥဒီး တႈသးစြံအသိးန႔ဥ လ႕တႈအိဥမူအပူၚ ဒိးန႔ႈဘဥ၀ဲ ဎြၚအတႈကိးအီၚဒီး မၚ၀ဲတႈသးခုကစီဥအတႈမၚအံၚ ဒီးဃ့ထုကဖဥ၀ဲတႈလ႕ ကစႈခရံဏ အမဲဏညါ လ႕တႈဘွ႔ဥတႈဘွီဥအပူၚဒီး ကြႈထံဆိကမိဥ၀ဲ ဎြၚအဂ့ႈအက်ိၚန႔ဥ အ၀ဲတသါပ့ၚနီဥ၀ဲလ႕ အတႈအိဥမူအပူၚနီတဘ်ီဘဥ.

ပွၚစီဆွံတဂၚအံၚ လ႕အတႈအိဥမူအပူၚ မၚတါဒီး မ့ၚရံၚ ခံဂၚ အတႈအိဥမူအတႈဖံးတႈမၚသ့ဥတဖဥ ဟံဃဏ ပ႕ၚဃဏ၀ဲလ႕အတႈအိဥမူအပူၚ (Hermit) ပွၚစီဆွံလ႕အဃ့ထုကဖဥတႈအကရ႕ယဒီး ပွၚလ႕အစိဏဆွ႕တႈသးခုကစီဥ အကရ႕ (Missionary) သ့ဥတဖဥ စိဏဆွ႕တႈသးခုကစီဥ အတႈဖံးတႈမၚ (Active) ခံခါလ႕ဏအံၚ အ၀ဲမၚ၀ဲတဘ်ီဃီခံခါလ႕ဏန႔ဥလီၚ.

ပ၀ဲသ့ဥတဖဥ လ႕ပတႈစူဏတႈနဏ အပူၚစ့ႈကီး ပဘဥတႈကြဲးပွၚလ႕ ပကဘဥအိဥ၀ဲဒဥဒီး တႈဃ့ထုကဖဥတႈဆူဎြၚအအိဥယ လ႕တႈဘွ႔ဥတႈဘွီဥအပူၚဒီး အိဥဒီး တႈကြႈထံဆိကမိဥထီဥ ဎြၚအဂ့ႈအက်ိၚန႔ဥလီၚ.

ပနီႈသးတႈစူဏတႈနဏမ့ႈတအိဥဘဥန႔ဥ ပမၚတႈစိဏဆွ႕ တႈသးခုကစီဥ အတႈဖံးတႈမၚဘဥဆဥ ပကစံးအီၚလ႕ အခီပညီအိဥ၀ဲဒ္လဲဥ. မ္ပကဂုဏက်ဲးစ႕ၚ လ႕ပတႈအိဥမူအပူၚ ကစႈဎြၚလ႕ အအိဥအဆိး၀ဲလ႕ ကိဥဘူဥစီဆွံအပူၚ သပွႈပွႈတဂၚအမဲဏညါ  လ႕ဎြၚအမဲဏညါ မ္ပကအိဥဒီး တႈဃ့ထုကဖဥတႈယ လ႕တႈဘွ႔ဥတႈဘွီဥအပူၚယဒီးဒ္သိးပနီႈသး ကဒိဥထီဥထီထီဥလ႕ပွဲၚဒီး ဎြၚအဘ်ဳးအဖွိဥန႔ဥ မ္ပကဂုဏက်ဲးစ႕ၚသကိးတက့ႈ.