တဟ့ဥ၀ဲတႈကမဥဘဥ ဒီးဟ့ဥက့ၚ၀ဲလ႕ တႈအဲဥန႔ဥလီၚ.

Daily Reflection – Mt 13:36-42

27 July 2021

တဟ့ဥ၀ဲတႈကမဥဘဥ ဒီးဟ့ဥက့ၚ၀ဲလ႕ တႈအဲဥန႔ဥလီၚ.

ဒ္ 2 ပ့းတရူး ၃း၁၅ န႔ဥစံး၀ဲ - ဒီးပဏပကစႈအတႈ၀ံသးစူၚ လ႕တႈအုဥက့ၚခီဥက့ၚတက့ႈ.

ပမ့ႈမၚကမဥ တခါဒီးကစႈဎြၚမ့ႈဟ့ဥပွၚတႈစံဥညီဥတခါန႔ဥ ပကအိဥဒဥလ႕ တႈစံဥညီဥအဖီလဏထီဘိလီၚ. ဘဥဆဥ ကစႈဎြၚန႔ဥ တမ့ႈကစႈလ႕အအဲဥဒိးဟ့ဥတႈစံဥညီဥတဂၚဘဥ. မ့ႈဎြၚလ႕ အအဲဥဒီးဟ့ဥပွၚတႈအဲဥတဂၚလီၚ.

ဎြၚအကစႈဒဥ၀ဲမ့ႈတႈအဲဥတႈကြံ (၁ ဎိၚဟဥသိဥတႈ ၄း၁၆) အဃိ တႈစံဥညီဥတႈအ႕တႈသီန႔ဥ တအိဥဒီးအီၚဘဥ. မ့ႈလ႕အဟ့ဥပွၚလ႕အတႈအဲဥအဃိ ပအိဥမူပွဲၚဒံးဒီးတႈစူႈတႈနဏ တႈမုႈလႈန႔ဥလီၚ.

ပတဲလ႕ဎြၚအဲဥပွၚတႈဒဲးဘးဖိလီၚ. ပွၚဂ့ၚသ့ဥတဖဥန႔ဥ တအဲဥ၀ဲဘဥဧါ. တႈသံကြႈကအိဥထီဥ၀ဲလီၚ.

ပွၚလ႕အတဲလီၚအသးလ႕အဂ့ၚအ၀ါ အစီဆွံန႔ဥ မ့ႈမတၚတဂၚလဲဥ. ပအိဥဒဥလ႕ တႈသရူးကမဥ အဖီလဏကိးဂၚဒဲးလီၚ. ပမ့ႈတဲလ႕အညီန႔ဥ ပပွဲၚဒီးတႈဒဲးဘးကိးဂၚဒဲးလီၚ.

တဘ်ီဘ်ီ တႈသံကြႈကအိဥထီဥ၀ဲလ႕ပသးပူၚဒ္အံၚလီၚ. လ႕တႈအိဥဖွိဥကရ႕စီဆွံအပူၚ ဘဥမႏုၚလ႕ပွၚလ႕ အကဘ်ံးကဘ်ဥ အတတီတလိၚတဖဥ ကဲဒိဥကဲပွၚ အိဥလ႕အိဥပွဲၚလဲဥ.

ဘဥဆဥ ပကသ့ဥနီဥထီဥက့ၚလ႕ ဘုဒီးနီဥသ့ဥတဖဥ မဲထီဥ၀ဲဒ္သိးသိး ဒီး ဒ္စံဥအကစႈန႔ဥ ပဏအသးထီထီ ၀ံသးစူၚ၀ဲအသိး ကစႈဎြၚစ့ႈကီး ၀ံသးစူၚ၀ဲဒဥပွၚန႔ဥလီၚ. ဎြၚန႔ဥ တဟ့ဥ၀ဲတႈကမဥဘဥ ဒီးဟ့ဥက့ၚ၀ဲလ႕ တႈအဲဥအဃိ ၀ံသးစူၚ၀ဲဒဥပွၚန႔ဥလီၚ.

ဎြၚမ့ႈတ၀ံသးစူၚပွၚ ဎြၚအသးမ့ႈတထီလ႕ပဖီခိဥ ဎြၚမ့တမ့ႈတႈအဲဥတႈကြံဘဥန႔ဥ ဆိကမိဥကြႈဒီပုႈ၀ဲႈသ့ဥဧ႕ယ ပမူကသ့ဒ္လဲဥ ဒ္ပကမဥအသိးမ့ႈဟ့ဥပွၚတႈစံဥညီဥန႔ဥ ပမိဥထီဥပခိဥတန႔ႈလ႕ၚဘဥလီၚ.

အဃိပကဘဥပလီႈပသး တႈလ႕အကဟဲမၚဟးဂီၚတႈဂ့ၚသ့ဥတဖဥန႔ဥ အိဥ၀ဲဒဥထီဘိလီၚ. တႈလ႕အဂ့ၚဒီးတႈလ႕အတဂ့ၚဘဥန႔ဥ အိဥ၀ဲဒဥတပူၚဃီလီၚ. တႈလ႕အဂ့ၚန႔ဥ လ႕အကတ႕ႈန႔ဥ ကမ့ႈတႈလ႕အ ဂ့ၚစ့ႈကိးန႔ဥလီၚ.

ပကကဲနီဥဧါ ပကကဲဘုဧါန႔ဥ မ္ပကအိဥမူ ဆ႕တဲဏလီၚပသးခဲအံၚန႔ဥတက့ႈ.

လ႕ခံကတ႕ႈ ပွၚလ႕အကဆ႕တဲဏဒီး စံဥညီဥတႈန႔ဥ မ့ႈ၀ဲ ပကစႈဎြၚန႔ဥလီၚ.