စီၚပၚဟ့ၚရိဏနႈဟူဘဥ၀ဲဒဥယ ကစႈခရံဏအဂ့ႈဒီးအဲဥဒိးထံဥဘဥ၀ဲဒဥကစႈခရံဏန႔ဥလီၚ (၂၃.၉.၂၀၂၁)

စီၚပၚစီၚဟ့ၚရိဏနႈဟူဘဥ၀ဲဒဥယ ကစႈခရံဏအဂ့ႈဒီးအဲဥဒိးထံဥဘဥ၀ဲဒဥကစႈခရံဏန႔ဥလီၚ (၂၃.၉.၂၀၂၁)

တနံၚအံၚမ့ႈ၀ဲဒဥ (၂၀၂၁ .Sept .၁၆) န႔ဥလီၚ. မ့ႈလ႕တနံၚအံၚ တႈကြႈထံဆိကမိဥလီၚက့ၚ ပနီႈခိနီႈသးအဂီႈယ တႈဖးဒိကနဥခရံဏ လံဏတႈသးခုကစီဥမ့ႈ၀ဲ (လူၚကဥ၉း၇-၉)န႔ဥလီၚ.

မ့ႈလ႕လံဏတႈသးခုကစီဥပူၚ ပထံဥဘဥ၀ဲဒဥယ စီၚပၚစီၚဟ့ၚရိဏနႈဟူဘဥ၀ဲဒဥယ ကစႈခရံဏအဂ့ႈဒီးအဲဥဒိး ထံဥဘဥ၀ဲဒဥကစႈခရံဏန႔ဥလီၚ. ဘဥမနုၚအဃိယ စီၚဟ့ၚရိဏအဲဥဒိးထံဥ၀ဲဒဥယ ကစႈခရံဏန႔ဥလဲဥ. စီၚပၚဟ့ၚရိဏန႔ဥဆိကမိဥ၀ဲလ႕ ပွၚဘ်႕တႈစီၚဎိၚဟဥ ဂဲၚဆ႕ထ႕ဥက့ၚလ႕ တႈသံအဃိန႔ဥဒီး အသူဥကိႈသးဂီၚ၀ဲဒဥ ဒီးအဲဥဒိးထံဥကစႈခရံဏန႔ဥလီၚ.

တႈလ႕စီၚပၚဟ့ၚရိဏ အဲဥဒိးထံဥကစႈခရံဏန႔ဥယ အဂ့ႈအက်ိၚယ အိဥ၀ဲဒဥ(၃)ထံဥန႔ဥလီၚ. (၁).တ႕တထံဥမ့ႈ၀ဲဒဥယ ပွၚကညီသ့ဥတဖဥ စံး၀ဲဒဥကစႈခရံဏအဂ့ႈအဃိယ အဲဥဒိးထံဥ၀ဲဒဥ ကစႈခရံဏလ႕အမ့ႈမတၚတဂၚန႔ဥ လဲဥန႔ဥလီၚ.

 (၂).ခံတထံဥန႔ဥယ မ့ႈ၀ဲစီၚဟ့ၚရိဏနဥဟူ၀ဲဒဥ ကစႈခရံဏအဂ့ႈအံၚဒီးယ အသူကိႈသးဂီၚ၀ဲဒဥယ အသးပူၚတႈမုဏတႈခုဥ  တအိဥဘဥအဃိအဲဥဒိးထံဥ၀ဲကစႈခရံဏန႔ဥလီၚ.

 (၃).သ႕တထံဥန႔ဥယ မ့ႈ၀ဲဒဥလ႕ အ၀ဲအတႈဒဲးဘးအဃိန႔ဥဒီး သူဥကိႈသးဂီၚ၀ဲဒဥယ ကစႈခရံဏန႔ဥမ့ႈမတၚတဂၚလဲဥယ အဲဥဒိးသ့ဥညါ၀ဲဒဥအဃိဒီး အဲဥဒိးထံဥ၀ဲဒဥန႔ဥလီၚ.

ဒီပုႈ၀ဲႈပွၚဒိကနဥတႈဖိသ့ဥဧ႕ယ စီၚပၚစီၚဟ့ၚရိဏအဲဥဒိးထံဥ၀ဲဒဥ ကစႈခရံဏန႔ဥယ တမ့ႈအဲဥဒိးထံဥ၀ဲဒဥလ႕ တႈဂ့ၚအပူၚန႔ဥဘဥယ အဆိကမိဥ၀ဲဒဥလ႕ စီၚဎိၚဟဥဂဲၚဆ႕ထ႕ဥအဃိယ မ့ႈမတၚတဂၚအဃိဒီး အဲဥဒိးထံဥ၀ဲယအဲဥဒိးသ့ဥညါ၀ဲဒဥန႔ဥလီၚ.

Latin Proverb တႈကတိၚဒိတမံၚမ့ႈ၀ဲဒဥယ တႈလ႕ပတႈကမဥယ ပတႈဒဲးဘးတဖဥန႔ဥယ ပမၚဘံဥမၚဘ႕အီၚန႔ႈ၀ဲဒဥသ့ဘဥဆဥယ တႈသူဥပ်ံၚသးဖုးယ တႈသူဥကိႈဂီၚသးကိႈဂီၚန႔ဥယ ပမၚဘံဥမၚဘ႕အီၚ တန႔ႈဘဥန႔ဥလီၚ.

တႈန႔ဥအဃိယ စီၚဟ့ၚရိဏန႔ဥအသူဥကိႈသးဂီၚ၀ဲဒဥလ႕ အတႈဒဲးဘးအဂီႈန႔ဥလီၚ. German Proverb တႈကတိၚဒိတခါစံး၀ဲဒဥယ တႈလ႕ပတႈဒဲးဘဥအဂီႈယ တႈပီႈဎႈလီၚက့ၚသးယ တႈမဲဏဆွးမ့ႈတအိဥန႔ဥယ မ့ႈပမၚ၀ဲဒဥတႈဒဲးဘး ခံမံၚတဘ်ီဃီန႔ဥလီၚ.

တႈလ႕တႈဒဲးဘးန႔ဥ တမ့ႈမၚဂ့ၚမၚ၀ါယ ပနီႈခိနီႈသးဘဥယ တမ့ႈဟ့ဥဂံႈဟ့ဥဘ်ဳး၀ဲဒဥယ ပနီႈခိနီႈသးတႈဘ်ဳးန႔ဥဘဥယ မ့ႈဒဥမၚကိႈမၚဂီႈပွၚယ မၚလီၚမဲဏဆွးပနီႈခိနီႈသးန႔ဥလီၚ. တႈလ႕တႈဒဲးဘးန႔ဥယပမၚဘံဥမၚဘ႕အီၚန႔ဥဒ္လဲဥမ့ႈဂ့ၚယမၚကိႈမၚဂီၚပသူဥပသးထီဘိန႔ဥလီၚ.

ပ၀ဲဒဥပွၚကညီတဖဥယ ပဂံႈစႈဘါစႈ၀ဲဒီးပတပူၚဒီး တႈဒဲးဘးအဃိယ ပမ့ႈကြႈတႈလ႕တႈဒဲးဘး အဘ်ဳးအစ႕သ့ဥတဖဥန႔ဥယ မ့ႈဒဥလ႕ ပဂီႈတႈသူဥကိႈဂီၚသးကိႈဂီၚယ တႈမဲဏဆွးဒီး တႈတမုဏတခုဥ လ႕ပနီႈခိနီႈသးအဂီႈန႔ဥလီၚ.

တႈန႔ဥအဃိယ ပမ့ႈပူၚဖ်ဲးဒီးတႈဒဲးဘးန႔ဥ မ့ႈအဂ့ၚကတ႕ႈန႔ဥလီၚ. မ္ပကဂုဏက်ဲးစ႕း အိဥမူလီၚက့ၚပသးလ႕ အပူၚဒီးတႈဒဲးဘးယ တႈကမဥကိးဂၚန႔ဥတက့ႈ.