သူဥထီီဥထီထီဥ တႈမၚဃူလိဏဖိးလိဏက့ၚတႈအဂ့ႈ

သူဥထီီဥထီထီဥ တႈမၚဃူလိဏဖိးလိဏက့ၚတႈအဂ့ႈ

Promote Reconciliation

(17’11’2022)

တႈမၚဃူမၚဖိးလိဏက့ၚသးလ႕ ပွၚကညီသ့ဥတဖဥအက်ါန႔ဥ မ့ႈတႈ လ႕အရ့အကါဒိဥတမံၚ က်ဲလ႕အဂ့ၚတဘိဒီး တႈဘဥလိဏ အသးတမံၚလ႕ တႈမုဏတႈခုဥအဂီႈဒီး တႈလဲၚထီဥလဲၚထီ အိဥအဂီႈန႔ဥလီၚ’ တႈမၚဃူမၚဖိးက့ၚတႈအဂ့ႈအကိ်ၚအံၚန႔ဥ တႈဘဥမၚအီၚ အဂ့ၚကတ႕ႈမ့ႈလ႕ တႈဘူဥတႈဘါသ့ဥတဖဥ န႔ဥလီၚ’ ပ၀ဲဒဥပကဲပွၚကညီန႔ဥ ပအိဥ၀ဲဒဥဒီး ပတႈဘူဥတႈဘါကိး ဂၚဒဲးန႔ဥလီၚ’ တႈဘူဥတႈဘါသ့ဥတဖဥအံၚန႔ဥ သိဥသီတႈလ႕ တႈဂ့ၚတႈဘဥယတႈအဲဥတႈကြံ အဂ့ႈန႔ဥလီၚ’ ပွၚလ႕အမ့ႈ တႈဘူဥတႈဘါဖိသ့ဥတဖဥ မ့ႈအိဥဒီး တႈသူဥအိဥသးအိဥဎြၚ တႈဒိကနဥထူကလုႈ ဎြၚကထါန႔ဥ တႈအဲဥတႈကြံယတႈသူဥဂ့ၚသး ၀ါသ့ဥတဖဥ သပွႈကတ႕ႈန႔ဥ တႈလ႕တႈမၚဃူမၚဖိးလိဏက့ၚတႈန႔ဥ ကညီ၀ဲဒဥလ႕ ပ၀ဲသ့ဥပွၚကညီ သ့ဥတဖဥအက်ါန႔ဥလီၚ’

ဒ္သိးပ၀ဲသ့ဥ တႈအိဥဖွိဥဖိသ့ဥတဖဥ ကအိိဥဘဥဒီး ထုကလုႈဎြၚ ကထါယ ကအိဥဘဥဒီး တႈသူဥဂ့ၚသး၀ါယ ကအိဥမူဘဥဒီး တႈအဲဥတႈကြံ လ႕ပသူဥပသးပူၚ ပတႈအိဥမူပူၚအဂီႈ န႔ဥလီၚ’ တႈဘူဥတႈဘါခိဥနႈသ့ဥတဖဥဒီး တႈဘူဥတႈဘါ တႈသိဥတႈသီ သ့ဥတဖဥန႔ဥ အရ့ဒိဥ၀ဲဒဥ ဒိဥမးန႔ဥလီၚ’ တႈဘူဥတႈဘါဖိ သ့ဥတဖဥ လ႕အသူဥအသးပူၚ တႈအဲဥထူကလုႈ ဎြၚကထါဒီး တႈအိဥမူလ႕တႈဘူဥတႈဘါ အသူဥအသးတအိဥ၀ဲ လ႕လ႕ပွဲၚပွဲၚ အဃိဒီးတႈတတီတလိၚ တႈတမုဏတခုဥသ့ဥတဖဥ ဒီးတႈအ့ဥလိဏ ဆိက့လိဏသးသ့ဥတဖဥ အိဥထီဥ၀ဲဒဥန႔ဥလီၚ ’

တဆီဒီးတဆီအ႕ထီဥသီထီဥဒီး တုၚဆူတႈဒုးတႈဎဏ န႔ဥလီၚ’ တႈအိဥထီဥအသးဒ္အံၚယလ႕တႈတတီတလိၚဒ္အံၚယလ႕တႈဒုးတႈ ဎဏကဲထီဥသးဒ္အံၚန႔ဥ မ့ႈလ႕တဂၚဒီးတဂၚ တဖုဒီးတဖု တဒုဥဒီး တဒုဥယတကလုဏဒီးတကလုဏ ယထံကီႈတဘ့ဥဒီးတဘ့ဥ တႈမၚအိဥ ထီဥ တႈမၚဃူလိဏဖိးလိဏက့ၚသးတအိဥ၀ဲဒဥ ဒီးစွၚ၀ဲဒဥအဃိ န႔ဥလီၚ’

တႈန႔ႈအဃိတဂၚဒီးတဂၚ တဒုဥဒီးတႈဒုဥ တကလုဏဒီးတကလုဏ ဒ္သိးတႈမၚဃူလိဏဖိးလိဏက့ၚ တႈကအိဥထီဥ  အန႔ႈကတ႕ႈ န႔ဥလီၚ’တႈန႔ဥအဃိ တႈလ႕တႈဘူဥ တႈဘါသ့ဥတဖဥန႔ဥ အရ့ဒိဥ၀ဲဒဥလ႕ အတႈဘူဥတႈဘါဖိ သ့ဥတဖဥ န႔ဥလီၚ’ ကလုဏလီၚဆီသ့ဥတဖဥ အဘ႕ဥစ႕ၚယတႈက တိၚလီၚဆီသ့ဥတဖဥ အဘ႕ဥစ႕ၚယ တႈအပတီႈလီၚဆီသ့ဥတဖဥ အဘ႕ဥစ႕ၚ တႈသးကါသ့ဥတဖဥ မ့ႈအိဥဒီးတႈဃူတႈဖိးန႔ဥ တႈဘူဥတႈဘါ သ့ဥတဖဥ မ့ႈအိဥလ႕သးပူၚသပွႈပွႈန႔ဥ ပမၚက့ၚ တႈဃူတႈဖိး န႔ႈ၀ဲ ဒဥညီန႔ဥလီၚ’

ပွၚဘါသီခါသ့ဥတဖဥ စံး၀ဲဒဥပွၚလ႕အဒုဥအဒါ အိဥ၀ဲဒဥတကထိ ဒီးပွၚလ႕အက့ၚမၚန႕ၚလိဏက့ၚသး တဂၚဂၚန႔ဥ မတၚတဂၚ ဂ့ၚဒိဥလဲဥ န႔ဥမ့ႈ၀ဲဒဥပွၚလ႕ အမၚက့ၚမၚန႕ၚလိဏက့ၚသး တဂၚန႔ဥလီၚ’ ပဒုဥပဒါ မ့ႈတအိဥဘဥန႔ဥ မ့ႈ၀ဲတႈလ႕ အဂ့ၚတ႕ႈန႔ဥလီၚ’ ဘဥဆဥပဒုဥပဒါ န႔ဥအိဥ၀ဲဒဥလီၚ’ လ႕တႈအံၚအဃိ တဂၚဒီးတဂၚပမ့ႈက့ၚ သ့ဥညါလီၚပသး ပမ့ႈက့ၚမၚန႕ၚလိီၚက့ၚပသး လ႕ပတႈဘူဥတႈဘါ အပူၚန႔ဥဒီး တဂၚဒီးတဂၚအဖီခိဥပပဏ၀ဲတႈအဲဥတႈကြံ ဒီးတႈမၚဃူ မၚဖိလိဏက့ၚသးန႔ဥ န႔ႈ၀ဲဒဥညီ န႔ဥလီၚ’ ကစႈခရံဏစံး၀ဲ အဲဥပွၚလ႕န ဃ႕ၚဒ္နအဲဥလီၚ နနီႈကစႈသးအသိး န႔ဥတက့ႈ’တႈလ႕တႈအဲဥတႈ ကြံန႔ဥပကဥအဲဥဎြၚ ပကဘဥအဲဥ လီၚပသူဥပသဒီး ပကဥအဲဥပွၚ အိဥလ႕ပဃ႕ၚန႔ဥ မ့ႈကစႈခရံဏပဏဖ်ါထီဥ၀ဲဒဥ န႔ဥလီၚ’ တႈအဲဥတႈ ကြံမ့ႈအိဥသပွႈကတ႕ႈန႔ဥ ပမၚက့ၚတႈဃူတႈဖိး ညီ၀ဲဒဥန႔ဥလီၚ’ တႈမၚဃူမၚဖိးလိဏက့ၚသးတႈဆ႕ကတီႈ အကီကတ႕ႈန႔ဥ တႈအ့ဥ လိဏဆိက့သး၀ံၚ တႈဒုးတႈဎဏ၀ံၚအခါ လ႕တႈကမၚဃူမၚဖိးလိဏ က့ၚသးအဂီႈ မ့ႈတႈအဆ႕ကတီႈလ႕ အကီန႔ဥလီၚ’

ပွၚလ႕အမၚကဲထီဥတႈဒုးတႈဎဏ သ့ဥတဖဥ စံး၀ဲဒဥ တႈလ႕ပဒုး တႈန႔ဥမ့ႈ၀ဲဒဥ ပမၚလီၚမႈကြံဏ ပမၚပ်ီကြံဏ တႈသဘံသဘူဥ သ့ဥတဖဥန႔ဥလီၚ ’ ဘဥဆဥတႈသဘံသဘူဥ သ့ဥတဖဥန႔ဥ ကတ႕ႈ၀ဲတညီ ဘဥလီၚ’ ဘဥမနုအဃိလဲဥန႔ဥ တႈအံၚန႔ဥမ့ႈ၀ဲ တႈသူဥဟ့အဖီခိဥ တႈသူဥဟ့ယ တႈအ႕အဖီခိဥ တႈအ႕န႔ဥလီၚ’  အဃိကတ႕ႈ၀ဲတညီဘဥန႔ဥ ပသ့ဥညါ ပ၀ဲဒဥခဲလ႕ဏ န႔ဥလီၚ’ တႈမၚဃူးမၚဖိးတႈန႔ႈ မ့ႈတႈအဂ့ၚကတ႕ႈ လ႕ပွၚခဲလ႕ဏအဂီႈ ကအိဥဥဒီး တႈမုဏတႈခုုဥ ယတႈလဲၚထီဥလဲၚထီအဃိဒီး ပ၀ဲသ့ဥ ပွၚဘါဎြၚဖိသ့ဥတဖဥ ပကဘဥဂုဏက်ဲးစ႕း မၚလဲၚထီဥလဲၚထီ၀ဲဒဥ တႈဃူတႈဖိး လ႕ပွၚအါဂၚအက်ါ ကိးနီႈဂၚဒဲး န႔ဥလီၚ’