မီဥလမေဲဥ တႈပ႕သီခါသ့ဥတဖဥ မၚ၀ဲတနံဥအတီႈပူၚ တႈအိဥတဒ႕ဒီးခရံဏ ၁၅.၁၂.၂၀၂၂

မီဥလမေဲဥ တႈပ႕သီခါသ့ဥတဖဥ မၚ၀ဲတနံဥအတီႈပူၚ တႈအိဥတဒ႕ဒီးခရံဏ

မီဥလမေဲဥတႈပ႕ သီခါသ့ဥတဖဥ မၚ၀ဲနံဥဆဲးဆ႕ တႈအိဥတဒ႕ဒီးခရံဏ ဖဲသနီသရ့ဥကီႈစဲႈ ယဘလံးသီခါလီႈက၀ီၚ ကလြ႔ဥန႔ဥလီၚ’ တႈအိဥတဒ႕ ဒီးခရံဏ မ့ႈ၀ဲဖဲ လါဒံၚစ့ၚဘ႕ဥ ၁၂ သီတုၚလ႕ ၁၅ သီ၂၀၂၂ န႔ဥလီၚ’

ဖဲတႈမၚအသးအံၚအပူၚ သီခါ ၂၆ ဂၚလ႕မီဥလမေဲဥသီခါလီႈက၀ီၚ သ့ဥတဖဥ မၚဃုဏသကိးတႈနဥ့လီၚ’ ပွၚစံဥတဲၚတဲလီၚ ဒုးနဲဥက်ဲလ႕သီခါသ့ဥတဖဥအံၚအဂီႈ မ့ႈ၀ဲ ၀့ႈပသံဥတလးပ႕လီႈက၀ီၚအသီခါ Fr Oswald Bo La Yaung နဥ့လီၚ’

လ႕အတႈစံဥတဲၚတဲလီၚတႈအပူၚ တႈဂ့ႈအလီၚဆီတမံၚမ့ႈ၀ဲ တႈလီႈလ႕ပွၚသးတအိဥလဲၚတုၚ၀ဲတခါ မ့ႈ၀ဲ တႈသြဥခိဥ ဒီး တႈလီႈလ႕ပွၚဆ႕လဲၚတုၚ၀ဲဘဥဆဥ ပွၚဘဥဂဲၚပ်ဳႈက်ဲးစ႕ၚ၀ဲသပွႈပွႈ မ့ႈ၀ဲ မူခိဥဘီမုႈနဥ့လီၚ’

ပမ့ႈကြႈထီဥတႈဆူ ဎြၚအအိဥ ပကသ့ဥညါအါထီဥဝဲ ပတႈလီၚတူဏလီၚကႈယ ပတႈကမဥယ ပတႈဒဲးဘးလ႕ အိဥဒီးပွၚတဖဥဒီး ပွၚလ႕အဘွီဂ့ၚက့ၚ အတႈဒဲးဘးဒီး ပွၚလ႕အိဥဒီး တႈပီႈဎႈလီၚက့ၚသးသ့ဥတဖဥ ကဒိးန႔ႈဝဲတႈဂဲၚဆ႕ထ႕ဥ သမူထီဥက့ၚ ဃုဏဒီးကစႈခရံဏလ႕ တႈသြဥခိဥအပူၚယ

ပမ့ႈကြႈတႈဆူပွၚကညီအအိဥ ပကထံဥသ့ဥညါဘဥ ပွၚကညီသ့ဥတဖဥ အတႈကမဥအဂ့ႈယ  ဆ႕ကတီႈဖဲ တႈအဲဥတႈကြံ စွ႕လီၚ၀ဲအကတီႈ ပဃုထံဥက့ၚဝဲ တႈအဲဥအမ့ႈအတီလ႕ပမိႈအသးကံႈပူၚယ လ႕နဥ့အမဲဏညါ ဟီဥခိဥမ့ဥအိဥ ပမိႈအိဥဝဲယ ဟီဥခိဥမ့ႈအိဥ ပစ႕ၚပသြဲဥအိဥ၀ဲအဂ့ႈယ တႈအဲဥတႈကြံ အဒ႕လီႈန႔ဥ မ့ႈဝဲပမိႈ ဒီးပွၚလ႕အဘွီဂ့ၚက့ၚအသးတဂၚလႈလႈ မ့ႈဝဲ ၚလ႕ အစံဥတဲၚတဲလီၚ တႈသးခုကစီဥယ ဒီးဖဲပဘဥကီ ဘဥခဲအကတီႈ ပကဘဥဃ့ဘါထုကဖဥ တႈဒ္လဲဥအဂ့ႈသံကြႈ၀ဲ ဒီးပသုတဘဥထုကဖဥတႈဖဲဒဥလ႕ တႈကီတႈခဲ အဆ႕ကတီႈ တဂ့ၚယ မ့မ့ႈတခီ ပကဘဥအိဥဒီး ဃ့ထုကဖဥတႈထီဘိယ ပတႈပဏထီဥထီသးယ ပတႈသူဥဒိဥသးဖိ်းယ ပတႈမိဥန႔ႈသးလီသ့ဥတဖဥ မ့ႈအိဥထီဥအါထီဥဒီး အါထီဥန႔ဥ ပကမ့ႈဝဲဒဥပွၚလ႕တအိဥဒီး တႈဘူဥတႈဘါအဂ့ႈယ တႈထုကဖဥ မ့ႈဝဲ တႈလ႕ အရ့ဒိဥ ကတ႕ႈ တခါအဂ့ႈယ မ့ႈ၀ဲ သီခါ Fr Bo La Yaung အတႈစံဥတဲၚတဲလီၚတႈသ့ဥတဖဥနဥ့လီၚ’

ဖဲ Covid 19 အတကတီႈ သီခါသ့ဥတဖဥအတႈအိဥသဒ႕ လ႕မိဥလမေဲဥလီႈက၀ီၚအပူၚ ဘဥတႈဆိကတီႈဃဥအီၚနဥ့လီၚ။ Covid 19 ၀ံၚအလီႈခံ လ႕မိဥလမေဲဥလီႈက၀ီၚအပူၚ သီခါသ့ဥတဖဥ အတႈအိဥဖွိဥအိဥသဒ႕ လ႕တႈထုကဖဥဒီး တႈကြႈထံဆိကမိဥက့ၚတႈအဂီႈအံၚ မ့ႈက့ၚ၀ဲ အဆိကတ႕ႈတဘ်ီနဥ့လီၚ’

RVA Sgaw Karen News 

December 15 2022