ပႈပါ Francis စံး၀ဲလ႕ တႈသးခုကစီႈ မ႕နဥ့ဆီဥခံပွၚ ဒ္သိးပကမ့ႈ တႈဆါဟံဥလ႕ပ်ီပူၚ တႈကစီႈ

ပႈပါ Francis စံး၀ဲလ႕ တႈသးခုကစီႈ မ႕နဥ့ဆီဥခံပွၚ ဒ္သိးပကမ့ႈ တႈဆါဟံဥလ႕ပ်ီပူၚ တႈကစီႈ

ပႈပါ Francis လုႈထီဥ၀ဲတႈလုႈမံးဆါဖဲ ၂၀၁၉ နိ၀ဘ႕ဥ ၂၅ သီ မုႈဒဲးနံၚလ႕ Tokyo Dome Stadium အပူၚ ဒီးစံး၀ဲလ႕ တႈလ႕ပကဘဥမၚဆိအီၚသ့ဥတဖဥ ကဘဥမ့ႈတႈလ႕အဘဥထြဲလိဏအသးဒီး ခရံဏအတႈအိဥမူအိဥဂဲၚနဥ့လီၚ’

တႈသဘ့်လ႕အမ့ႈ ပတႈအိဥမူအိဥဂဲၚဒ္ဎြၚဖိဎြၚလံၚ ဘဥတႈသ့မၚဆံးလီၚစွၚလီၚအီၚ ခီဖ်ိပတႈသူဥကိႈသးဂီၚတႈ ဒီးတႈၿပ႕လိဏပသးသ့ဥတဖဥနဥ့လီၚ’ ကီႈဎဥပဥ မ့ႈထံကီႈလ႕အအိဥဒီးမုႈက်ိၚ၀ဲၚကြႈအတႈလဲၚထီဥလဲၚထီဒီးယ ပွၚအါဒံအါဂၚသ့ဥတဖဥ ဘဥအိဥသဎုႈသတြၚ၀ဲ ဒီးတသ့ဥညါဘဥလ႕ၚ၀ဲတႈအိဥမူအိဥဂဲၚအခီပညီလ႕ၚဘဥအဂ့ႈ ပႈပါ Francis စံး၀ဲနဥ့လီၚ’ ပႈပါကဒူးကဒ့ဥတႈဒီးစံး၀ဲလ႕ ဟံဥဃီယ တႈမၚလိကေိယ ဒီးကရ႕ကရိလ႕အကဘဥမ့ႈ၀ဲ တႈလီႈတႈက်ဲသ့ဥတဖဥလ႕ ပွၚကဘဥဆီဥထြဲမၚစ႕ၚလိဏသး တဂၚဒီးတဂၚအလီႈသ့ဥတဖဥ ကဲထီဥ၀ဲတႈလီႈတႈက်ဲလ႕ တႈၿပ႕လိဏသး မ့ႈလ႕ပွၚဆ႕မၚနဥ့တႈဘ်ဳးနဥ့ဖွိဥ လ႕ကစႈဒဥ၀ဲအဂီႈအဃိယ ဒီးတႈပိဏထြဲမ့ႈ၀ဲ ပွၚအါဒံအါဂၚ တအိဥလ႕ၚ၀ဲဒီးတႈမုဏတႈခုဥ တႈဂ႕ႈတႈက်႕ၚသ့ဥတဖဥလ႕ၚဘဥအဂ့ႈ စံး၀ဲနဥ့လီၚ’

ဒုးသ့ဥနီႈထီဥ၀ဲခရံဏအတႈစံးတႈကတိၚလ႕အမ့ႈ ပွၚသုတဘဥအိဥဒီးတႈဘဥဎိဏ လ႕တႈအိဥမူအိဥဂဲၚအဂီႈ’’’ပွၚသုတဘဥအိဥဒီးတႈသူဥကိႈသးဂီၚ လ႕ခဲမုႈဆ့ဥအဂီႈ’’နဥ့လီၚ’ ပႈပါစံး၀ဲလ႕ တႈကတိၚအံၚ တမ့ႈတႈလ႕အဆီဥထြဲတႈဒ္သိး ပသုတကနဥဃုဏလ႕ၚတႈနီတမံၚ လ႕အအိဥထီဥ၀ဲလ႕ပခိဥပဃ႕ၚသ့ဥတဖဥလ႕ၚဘဥဒီး တမ့ႈတႈလ႕အစံးပွၚဒ္သိး ပသုတကနဥဃုဏလ႕ၚ ပမူပဒါလ႕ကိးမုႈနံၚဒဲးအပူၚသ့ဥတဖဥဘဥနဥ့လီၚ’ မ့မ့ႈတခီ မ့ႈ၀ဲတႈကြဲမုဏပွၚ ဒ္သိးပကထံဥသ့ဥညါနဥပ႕ႈ တႈလ႕ပကဘဥမၚဆိအီၚသ့ဥတဖဥ ဂ့ၚဂ့ၚဘဥဘဥဒ္ခရံဏကစႈဒုးနဲဥပွၚက်ဲအသိး အဂီႈနဥ့လီၚ’ (မ့မ့ႈဃုဆိဎြၚအဘီအမုႈယ ဒီးအတႈတီတႈလိၚတက့ႈ’ ဒီးတႈကပဏဖွိဥတႈနဥ့တဖဥ ခဲလ႕ဏလ႕သုလီၚ’ မးသဲ ၆း၃၃)

ခရံဏကစႈကြဲမုဏပွၚ ဒ္သိးပကကြႈထံဆိကမိႈလီၚက့ၚ ပတႈဆ႕တဲႈပဏလီၚပသးသ့ဥတဖဥ လ႕ကိးမုႈနံၚဒဲးအပူၚယ ဒီးပသုတဘဥအိဥသဎုႈသတြၚ၀ဲ ခီဖ်ိထဲဒဥလ႕ တႈက်ဲးစ႕ၚဃုထံဥနဥ့တႈကဲထီဥလိဏထီဥလ႕ ပကစႈဒဥ၀ဲအဂီႈဘဥအဂ့ႈ စံး၀ဲနဥ့လီၚ’

စံးကဒီး၀ဲ တႈပဏသူဥပဏသးလ႕အဘဥဃးဒီးတႈဟီဥခိဥခ်႕ ကြႈစိမုဏလဏဒဥ၀ဲ ထဲလ႕ပွၚတဂၚဧိၚအတႈနဥ့ဘ်ဳးနဥ့ဖွိဥအဂီႈယ ဒီးထဲဒဥပွၚတဂၚဧိၚအတႈသူဥဖွံသးညီအဂီႈ လ႕ဟီဥခိဥခ်႕အံၚယ ဒီးလ႕ခံပဏတ့ႈပွၚလ႕ တႈသူဥမံသးမုဏတအိဥ၀ဲအပူၚ ဒီးဒုးကဲကုႈပွၚယ ႀတီဃဥ၀ဲတႈလဲၚထီဥလဲၚထီ ဘဥဃးဒီးတႈဘဥလိဏဖိးဒ့ ဘဥဃးဒီးပွၚခဲလ႕ဏအကရ႕ကရိအဂီႈနဥ့လီၚ’

လ႕ ဎၚ အလီႈ ကဘဥမ့ႈ ပ၀ဲသ့ဥ အခီပညီပညီမ့ႈ၀ဲ တႈဟ့ဥနီၚလီၚလိဏသးယ တႈမၚလၚပီၚဃုဏတႈယ ဒီးတႈဆဲးက်႕လိဏသးအဂ့ႈ ပႈပါစံး၀ဲနဥ့လီၚ’ တႈကြႈထြဲကဟုကဎဏလီၚက့ၚပတႈအိဥမူဒီး တႈရ့လိဏမုဏလိဏပသးဒီးန’ဆ႕ဥ မ့ႈတႈလ႕ပွၚပဏလီၚဖးအီၚတသ့၀ဲယ စးထီဥလ႕ဒီပုႈ၀ဲႈအတႈရ့လိဏအသးယ တႈတီတႈလိၚယ ဃုဏဒီးတႈသူဥတီသးတီဆူပွၚဂၚအအိဥနဥ့လီၚ’

ခရံဏဖိကရ႕ကရိ ကဘဥမ့ႈပွၚသ့ဥတဖဥလ႕ အကြႈထြဲကဟုကဎဏသးသမူယ ဒီးတႈပနီႈအိဥဖ်ါ၀ဲလ႕ တႈစံးဘ်ဳးစံးဖွိဥဒီးတႈသူဥအိဥသးအိဥတႈယ တႈသူဥဘဥသးသ့ဒီး တႈဒိကနဥဎြၚအကလုႈကထါအပူၚနဥ့လီၚ’ ခရံဏဖိအကရ႕ကရိ ကဘဥမ့ႈပွၚသ့ဥတဖဥလ႕ အတူဥလိဏခီဥဆ႕ သးသမူလ႕အအိဥဒီးတႈတလ႕တပွဲၚသ့ဥတဖဥယ ဒ္အမ့ႈယ ပွၚလ႕အတသ့နဥ့အိဥနဥ့၀ဲသ့ဥတဖဥယ ပွၚတခီဘီမုႈသ့ဥတဖဥယ ပွၚလ႕အမၚကမဥတႈသ့၀ဲသ့ဥတဖဥ ဒီးပွၚဆူးပွၚဆါယ ပွၚလ႕အဘဥအိဥ၀ဲလ႕ဃိဏပူၚသ့ဥတဖဥအဂ့ႈ ပႈပါစံး၀ဲနဥ့လီၚ’ ပဏဖ်ါထီဥ၀ဲ ခရံဏအတႈတူဏလိဏ၀ဲ ပွၚဘဥတႈဆါအ႕ယ ပွၚမဲဏဘ်ီဥယ ပွၚလ႕တႈဆါလီၚဒိးဖုးအီၚယ ပွၚဖဥရံၚရွဲယ ပွၚတႈဒဲးဘးဖိယ တႈဘ်ဥလ႕ထူဥစုညါအလိၚယ တုၚဒဥလဲဥအပ်ႈကြံဏပွၚလ႕အပ်ၚထီအီၚလ႕ ထူဥစုညါအလိၚသ့ဥတဖဥအဂ့ႈ ပႈပါစံး၀ဲနဥ့လီၚ’

ပႈပါစံး၀ဲယ တႈရၚလီၚတႈသးခုကစီႈ မ့ႈတႈလ႕ပွၚကဘဥမၚအီၚလ႕အခ့်အဃိ ပကဘဥမ့ႈတႈဆါဟံဥလ႕အအိဥ၀ဲလ႕တႈလီၚပ်ီအပူၚယ အိဥကတဲႈကတီၚပသး ဒ္သိးပကဎါဘ်ါကြံဏ ပွၚဂၚအတႈပူၚလီႈသ့ဥတဖဥယ ဒီးဒုးထံဥနဥ့ပွၚသ့ဥတဖဥ က်ဲလ႕တႈမၚဃူလိဏဖိးလိဏက့ၚတႈဒီး တႈပ်ႈကြံဏတႈအဂီႈအဂ့ႈ စံး၀ဲနဥ့လီၚ’ ပွၚခရံဏဖိသ့ဥတဖဥအတႈဆ႕တဲႈတႈ ကဘဥမ့ႈ၀ဲလ႕ ပႈကစႈဎြၚအတႈသူဥကညီၚသးကညီၚ အဖိအလံၚခဲလ႕ဏသ့ဥတဖဥ အဖီခိဥအဂ့ႈ ပႈပါစံး၀ဲနဥ့လီၚ’ ဒ္နဥ့ဒီး ပကမ့ႈပွၚသ့ဥတဖဥလ႕ အခိးကြႈကဟုကဎဏ ကြႈထြဲမၚစ႕ၚ သးသမူခဲလ႕ဏသ့ဥတဖဥအဂ့ႈ ပႈပါစံး၀ဲနဥ့လီၚ’

Source: Vatican News, 25 November 2019