ဒီပုႈ၀ဲႈသ့ဥတဖဥ အတႈဘွီဂ့ၚလိဏအသး မ့ႈ၀ဲ တႈပဏဖ်ါထီဥတႈအဲဥလ႕အဒိဥ၀ဲအဂ့ႈ ပႈပါစံး၀ဲ

ဒီပုႈ၀ဲႈသ့ဥတဖဥ အတႈဘွီဂ့ၚလိဏအသး မ့ႈ၀ဲ တႈပဏဖ်ါထီဥတႈအဲဥလ႕အဒိဥ၀ဲအဂ့ႈ ပႈပါစံး၀ဲ

ပႈပါဖရဥစ့းစံး၀ဲလ႕ ဒီပုႈ၀ဲႈသ့ဥတဖဥ အတႈဘွီဂ့ၚလိဏအသး မ့ႈတႈလ႕အကါဒိဥ၀ဲ ဖဲပွၚတဂၚဂၚ မၚဘဥဒိဘဥထံးမၚကမဥပွၚအခါ ဒီး စံး၀ဲလ႕ ခရံဏကစႈ ကြဲမုဏပွၚ ဒ္သိးပကစံးကတိၚလိဏပသး လ႕တႈခူသူဥအပူၚနဥ့လီၚ’

ဒီပုႈ၀ဲႈသ့ဥတဖဥ အတႈဘွီဘဥက့ၚလိဏသး မ့ႈ၀ဲတႈပဏဖ်ါထီဥတႈအဲဥတႈကြံအက်ိၚအက်ဲအဒိဥကတ႕ႈသ့ဥတဖဥအက်ါတခါ ဒီးမ့ႈတႈလ႕အမ႕နႈ့ဆီဥခံပွၚသပွႈပွႈ အဂ့ႈ ပႈပါစံး၀ဲနဥ့လီၚ’ တႈအဆိကတ႕ႈလ႕ ပွၚမၚညီႏုႈအီၚမ့ႈ၀ဲ တႈသီဥ၀ံသဲကလၚတႈ (မ့တမ့ႈ) တႈတဲအီဥပွၚဂၚအဂ့ႈဒီး ပွၚတဘွီဂ့ၚလိဏက့ၚသး လ႕တႈခူသူဥအပူၚဘဥအဂ့ႈ စံးကဒီး၀ဲနဥ့လီၚ’ အအံၚ တမ့ႈ၀ဲတႈဘဥဎြၚအသးဘဥဒီး တႈတဲအီဥပွၚဂၚအဂ့ႈ မ့ႈ၀ဲတႈတတ႕ႈတနါတမံၚ လ႕ပွၚကညီသ့ဥတဖဥ ဒီးကရ႕ကရိသ့ဥတဖဥ အတႈအိဥမူအပူၚအဂ့ႈ စံး၀ဲနဥ့လီၚ’

တႈသီဥ၀ံသဲကလၚတႈ (မ့တမ့ႈ) တႈတဲအီဥပွၚဂၚအဂ့ႈ ဆွ႕ပွၚဆူ တႈလီၚဖးယ တႈနးတႈဖွီဥယ ဒိတဂ့ၚတဲႈတဘဥ ဒီးတကဲထီဥတႈမၚစ႕ၚလ႕ ပကဒိဥထီဥထီထီဥ၀ဲအဂ့ႈ စံးကဒီး၀ဲနဥ့လီၚ’

မ႕နႈ့ဆီဥခံ၀ဲတႈအိဥဖွိဥကရ႕ဖိသ့ဥတဖဥ ဒ္သိးအကစံးကတိၚလိဏအသး မဲဏတခီမဲဏ ဒ္သိးကကဲထီဥတႈမၚစ႕ၚလ႕ ပွၚဂၚအဂီႈ ဒ္သိးအကထံဥလီၚက့ၚ အတႈကမဥအဂီႈနဥ့လီၚ’

ပမ့ႈထံဥလိဏပသး မဲဏတခီမဲဏ လ႕တႈခူသူဥအပူၚ၀ံၚအလီႈခံ ပွၚတဂၚ အသးတအိဥဘွီဂ့ၚက့ၚအသးဘဥဒီး ပကဘဥက်ဲးစ႕ၚဃုထံဥနႈ့ ပွၚအဂၚသ့ဥတဖဥ အတႈမၚစ႕ၚအဂ့ႈ စံးကဒီး၀ဲနဥ့လီၚ’ ပွၚအဂၚသ့ဥတဖဥ အသုတဘဥမ့ႈပွၚလ႕ အတဲအီဥပွၚဂၚအဂ့ႈသ့ဥတဖဥဘဥဒီး ကဘဥမ့ႈ၀ဲပွၚလ႕ အသးအိဥမၚစ႕ၚတႈ လ႕တႈသူဥဂ့ၚသး၀ါအပူၚ နဥ့လီၚ’

ပက်ဲးစ႕ၚ၀ဲဒ္အံၚဘဥဆဥ ပွၚတဂၚအံၚ အသးမ့ႈတအိဥဘွီက့ၚအသးဘဥဒီး ပကဘဥသုးဘူးပသးဆူ ကရ႕ကရိအအိဥယ တမ့ႈလ႕ပကမၚမဲဏဆွး ပွၚတဂၚအံၚဘဥဒီး မ့ႈ၀ဲဒ္သိးပကပဏဖွိဥဃုဏ ပတႈက်ဲးစ႕ၚတႈ ဒ္သိးပကသ့မၚစ႕ၚ ပွၚတဂၚအံၚ အတႈလဲလိဏကြံဏအသးအဂီႈနဥ့လီၚ’

ဖဲပညိဏထီဥပစုမုႈဆူ ပွၚလ႕အမၚကမဥတႈအအိဥအခါ ဒုးအိဥထီဥ၀ဲတႈကီတႈခဲလ႕ ပွၚအိဥဒီးတႈကမဥသ့ဥတဖဥ ကထံဥလီၚက့ၚအတႈကမဥနဥ့လီၚ’ ကရ႕ကရိဘဥက်ဲးစ႕ၚ၀ဲဒ္သိး ပွၚဃ့ထုကဖဥနႈ့တႈလ႕ ပွၚအိဥဒီးတႈကမဥသ့ဥတဖဥအဂီႈ ဒီးကရ႕ကရိအိဥကတဲႈကတီၚအသးထီဘိ ဒ္သိးအကပ်ႈကြံဏတႈကမဥ ဖဲပွၚသ့ဥတဖဥအံၚ ထံဥသ့ဥညါလီၚက့ၚအသး ထံထံဆးဆးအခါအဂ့ႈ ပႈပါစံး၀ဲနဥ့လီၚ’

မ့ႈဎစံးအ႕စံးသီပွၚဂၚအဂ့ႈ လ႕အ၀ဲသ့ဥအလီႈခံစ့ႈကီးဧါ’ မ့ႈဎက်ဲးစ႕ၚစံးကတိၚတႈဒီး ပွၚလ႕အလိဏဘဥက့ၚက်ဲတီက်ဲလိၚ မဲဏတခီမဲဏဒီးအီၚစ့ႈကီးဧါ’ မ့ႈဎထုကဖဥနႈ့တႈလ႕အဂီႈ ဒီးက်ဲးစ႕ၚဃုထံဥနႈ့ဎဲ တႈမၚစ႕ၚ ဒ္သိးဎကသ့မၚဎဲတႈအဂ့ၚသ့ဥတဖဥစ့ႈကီးဧါ’ ပႈပါသံကြႈ၀ဲနဥ့လီၚ’

Pope at Angelus: Fraternal correction an expression of great love-Vatican News- September 10, 2023