ကဥဒံဥနဲဥခေါလ္စ္ဘိဥ အတႈဘိးဘဥသ့ဥညါတႈဖဲ ၂၀၂၃ နံဥထီဥသီအကတီႈ

ကဥဒံဥနဲဥခေါလ္စ္ဘိဥ အတႈဘိးဘဥသ့ဥညါတႈဖဲ ၂၀၂၃ နံဥထီဥသီအကတီႈ

နံဥသီလါသီ ဟဲတုၚအိဥပွၚလံန့ဥလီၚ

လ႕ဟီဥခိဥဒီဘ့ဥအပူၚ ပွၚအါဒံအါဂၚသ့ဥတဖဥ ဆ႕ဂ့ၚဆ႕၀ါလိဏအသး လ႕အမ့ႈ၀ဲ မ္နံဥလ႕အလ႕ပွဲၚဒီးတႈသးဖွံ ကမ့ႈ၀ဲလ႕ သုဂီႈနဥ့တက့ႈ လီၚ’ တႈလီႈတႈက်ဲလ႕ အအိဥဒီးတႈဘဥဂံႈဂူႈယ တႈဒုးလိဏဎၚလိဏသးသ့ဥတဖဥ ဒ္သိးအကသ့ဒိ၀ဲဒြဲလြဲဒီး ကပဏတ့ႈကြံဏ တႈလ႕အလီႈလံၚ၀ဲသ့ဥတဖဥအဂီႈ ဘဥခီဖ်ိဘဥ၀ဲ တႈခီဥတႈရီဥတႈအါ၀ဲနဥ့လီၚ’ တႈလီႈအါပူၚသ့ဥတဖဥအပူၚ ပွၚဘဥကြႈဆ႕ဥမဲဏ၀ဲ တႈသူဥကိႈသးဂီၚ လ႕အလီၚဂဏဒ္ကီႈ Ukraine အသိးနဥ့လီၚ’ ထံကီႈအံၚ မ့ႈ၀ဲထံကီႈလ႕ အသဥ၀ံၚ၀ဲ တႈမုဏတႈခုဏအဂ့ႈ ပႈပါဖရဥစ့း ဟ့ဥ၀ဲအမံၚဒ္နဥ့လီၚ’

လ႕နဥ့အမဲဏညါ ဟီဥခိဥခ်႕တႈဒုးဖးဒိဥသ႕ဘ်ီတဘ်ီ ကအိဥထီဥသ့၀ဲအဂ့ႈ ဒီးတႈလီႈအါပူၚသ့ဥတဖဥ သဥ၀ံၚလီၚဒိအသးလ႕ တႈမုဏတႈခုဏအဂ့ႈ ပႈပါဖရဥစ့း ပဏဖ်ါထီဥ၀ဲနဥ့လီၚ’ ပဏဖ်ါထီဥ၀ဲစ့ႈကီး တႈအိဥအသးလ႕ Middle East တႈလီႈတႈက်ဲအပူၚယ လ႕ကီႈပဎီၚအပူၚယ လ႕ကီႈ Haiti, လ႕ကီႈအဥဖရံးကး တႈလီႈလ႕အအိဥဒီးတႈကီတႈခဲဒိဥ၀ဲသ့ဥတဖဥအပူၚ နဥ့လီၚ’ ပႈပါဖရဥစ့း အတႈပဏသူဥပဏသးလ႕ အအိဥလ႕ပွဲၚဒီး တႈသူဥကညီၚသးကညီၚအံၚ အိဥ၀ဲဒီးတႈဘဥဒိဘဥထံး မ့ႈလ႕ ပွၚလ႕အတႈကမဥတအိဥ၀ဲသ့ဥတဖဥ ဘဥတူႈဘဥတႈ ဒီးအ၀ဲသ့ဥ အတႈမဲဏထံမဲဏနိသ့ဥတဖဥအဃိနဥ့လီၚ’ ဖဲအဃ့ကညးတႈလ႕ တႈမုဏတႈခုဥတဘ်ီလႈလႈအဂီႈ ပဏဖ်ါထီဥ၀ဲ ကီႈပပဎီၚစ႕ဖွိဥအတႈအိဥအသး စ့ႈကီးနဥ့လီၚ’

ဖဲလ႕နံဥသီလါသီအကတီႈ တႈအသီလ႕ ပထံပကီႈအဂီႈ တႈမုႈလႈသ့ဥတဖဥ ကမ့ႈ၀ဲတႈမႏုနဥ့လဲဥ

ဖဲအပူၚကြံဏ အနံဥ ၁၀ အတီႈပူၚ တႈမုဏတႈခုဥ လ႕အအိဥဖ်ါထီဥလံ၀ဲအံၚ လီၚမဥကြံဏ၀ဲဒ္ တႈသ၀ံ ခ့်သဒံးနဥ့လီၚ’ ထံဖိကီႈဖိ ပွၚကမ်႕ႈဖိလ႕ အအိဥဒီးသူးသ့ဥလၚကပီၚသ့ဥတဖဥ ၾက႕း၀ဲလ႕ အကဘဥကြႈဆ႕ဥမဲဏ၀ဲ တႈဟဲ၀ံလ႕အအ႕၀ဲသ့ဥတဖဥအံၚဧါ”

ခရံဏအိဥဖ်ဲဥအသ့ဥထူဥ၊ မ့ဥအူဒ႕အတႈကပီၚသ့ဥတဖဥ၊ Santa Clause အတႈဂီၚသ့ဥတဖဥ၊ တႈဆါတႈပွၚ့ဖဲခရံဏအိဥဖ်ဲဥအကတီႈသ့ဥတဖဥ တမ့ႈ၀ဲ ခရံဏအိဥဖ်ဲဥအတႈဘိးဘဥသ့ဥညါတႈ အတီအလိၚသ့ဥတဖဥဘဥ။ ခရံဏအိဥဖ်ဲဥအဆ႕ကတီႈ မ့ႈတႈဂ့ႈလ႕အပဏဖ်ါထီဥ၀ဲ ဒူဥဖိထ႕ဖိတခါလ႕ အဘဥတႈမၚအ႕မၚနးအီၚ အတႈဂ့ႈနဥ့လီၚ’ မ့ႈ၀ဲတႈဂ့ႈလ႕ ပွၚလ႕အတႈကမဥတအိဥ၀ဲသ့ဥတဖဥ တအိိဥ၀ဲဒီး တႈစိတႈကမီၚအဂ့ႈနဥ့လီၚ’ ဖဲခရံဏအိဥဖ်ဲဥအကတီႈ စီၚပၚဟ့ဥရိဏလ႕ အအိဥ၀ဲဒီး တႈသူဥဒိဥသးဖ်ိးတဂၚ မၚသံတ့ႈလံ၀ဲ ဖိသဥလ႕အတအိဥဒီးတႈကမဥသ့ဥတဖဥ အါအါဂီႈဂီႈနဥ့လီၚ’ တႈမၚလိကေိသ့ဥတဖဥ ဘဥတႈမၚဟးဂီၚကြံဏအီၚနဥ့လီၚ’ တႈဒုးတႈဎၚဒီး သူဥဘီဥသးစႈသ့ဥတဖဥအသးသမူ ဘဥတႈမၚဟးဂီၚကြံဏအီၚယ တႈသ့ဥတဖဥအံၚယမ့ႈတႈလ႕ အမၚပ်ံၚမၚဖုး၀ဲ တႈလီႈတႈက်ဲအါပူၚယ မ့ႈတႈလ႕အအိဥဒီး တႈသူဥဟ့သးဟ့ လ႕အမၚကီမၚခဲ၀ဲ တႈအိဥမူအတႈကသါထီဥကသါလီၚ နဥ့လီၚ’ တႈတတ႕ႈတနါလ႕အမ့ႈ၀ဲ ပွၚသဥ၀ံၚလီၚဒိ၀ဲတႈမုဏတႈခုဥ အိဥ၀ဲသပွႈကတ႕ႈနဥ့လီၚ’ တႈမုႈလႈခဲလ႕ဏ ဘဥတႈမၚဃံးအီၚနဥ့လီၚ’

ပသ့အိဥသ့ဥနီဥထီဥက့ၚ၀ဲ ခရံဏအိဥဖ်ဲဥအဆိကတ႕ႈလ႕ အအိဥ၀ဲဒီး တႈမၚန႕ၚမၚဃဥသ့ဥတဖဥနဥ့လီၚ’ ပွၚလ႕အအိဥထူးအိဥတီၚ၀ဲသ့ဥတဖဥ၊ ပွၚလ႕အအိဥဒီးထံရူႈကီႈသဲးအတႈဂံႈတႈဘါသ့ဥတဖဥ၊ မၚဟးဂီၚ၀ဲ ပွၚလ႕အတလူၚပိဏထြဲဒိကနဥ အ၀ဲသ့ဥ အတႈသုးတႈက်ဲးသ့ဥတဖဥနဥ့လီၚ’ တမ့ႈထဲလ႕ ရိမ့ၚသုးခိဥသုးနႈသ့ဥတဖဥအတႈမၚန႕ၚမၚဃဥတႈသ့ဥတဖဥဘဥဒီး ခိဥနႈလ႕ထံကီႈအပူၚ လ႕အအီဥဘဥအီဘဥ၀ဲ ထံဖိကီႈဖိသ့ဥတဖဥ အတႈလုႈအီဥအ၀ဲသ့ဥတဖဥဒဥလဲဥ မိႈနႈ့သးလီ၀ဲတႈစိတႈကမီၚအါအါကလဲဥအဃိ ပွၚအံၚစရ့လးဖိသ့ဥတဖဥ က့ၚမၚန႕ၚ၀ဲ အကစႈဒဥ၀ဲအထံဖိကီႈဖိ အပွၚကမ်႕ႈဖိသ့ဥတဖဥနဥ့လီၚ’

ကစႈဎြၚမၚဆ႕က့ၚ၀ဲ ပွၚလ႕အမိႈနႈ့သးလီ၀ဲ တႈစိတႈကမီၚသ့ဥတဖဥ ဒ္လဲဥ

ခီဖ်ိလ႕တႈအဲဥတႈကြံနဥ့လီၚ’ မ့ႈတႈတမံၚလ႕ တႈစိတႈကမီၚမၚန႕ၚအီၚတသ့၀ဲ၊ မ့ႈတႈတမံၚလ႕ တႈစိတႈကမီၚပ်ံၚအီၚ၊ မ့ႈ၀ဲတႈအဲဥတႈကြံလ႕ တအိဥ၀ဲဒီးတႈအဆ႕အကတ႕ႈနဥ့လီၚ’ ခရံဏအိဥဖ်ဲဥ မ့ႈ၀ဲတႈမုဏတႈခုဏ အိဥဒ႕ထီဥ၀ဲလ႕ ပႈလ႕အအိဥဒီး တႈတီတႈလိၚတဂၚ အဟ႕ဖ႕ပူၚနဥ့လီၚ’ မ္ပထံပကီႈ လ႕အမိႈနႈ့သးလီၚ၀ဲ တႈမုဏတႈခုဥအံၚ ကနႈဟူဘဥ၀ဲ တႈကစီဥလ႕အအိဥလ႕ပွဲၚဒီး တႈအဲဥတႈကြံအံၚနဥ့တက့ႈ။

ဖဲပႈပါဖရဥစ့ၚ ဟဲတုၚ၀ဲဆူ ကီႈပဎီၚစ႕ဖွိဥအကတီႈ ဟ့ဥလီၚ၀ဲမူဒါ ဆူကီႈပဎီၚတႈအိဥဖွိဥကရ႕ ဒ္သိး အကမၚတႈသပွႈပွႈ လ႕တႈတ့ဘွီထီဥ တႈမုဏတႈခုဥ ဒီးဎါဘ်ါကြံဏ ဟီဥခိဥခ်႕အဂီႈနဥ့လီၚ’ လ႕တႈပဏဒိဥမူဒါအံၚအပူၚယ ကီႈပဎီၚတႈအိဥဖွိဥကရ႕ ဃ့ကညးတႈ လ႕တႈသပွႈပွႈနဥ့လီၚ။ ပထံဖိကီႈဖိသ့ဥတဖဥ သဥ၀ံၚလံအသးလ႕ တႈမုဏတႈခုဥလံနဥ့လီၚ’ ဒုးမၚနႈ့ဘဥက့ၚပွၚ တႈမုဏတႈခုဥနဥ့တက့ႈ။ ပႈပါဖရဥစ့း စံးကတိၚ၀ဲတႈဂ့ႈလ႕အမ့ႈ၀ဲ ဟီဥခိဥဒီဘ့ဥ သဥ၀ံၚအသးလ႕ တႈမုဏတႈခုဥအဂ့ႈနဥ့လီၚ’ မ္ပထံဖိကီႈဖိခဲလ႕ဏသ့ဥတဖဥ ကဂဲၚပ်ဳႈက်ဲးစ႕ၚသကိး၀ဲလ႕ တႈပညိဏထဲတခါဧိၚအဂီႈ၊ ဒီးအအံၚမ့ႈ၀ဲ တႈမုဏတႈခုဥ နဥ့တက့ႈ။

လ႕ပထံပကီႈအပူၚ တႈဘဥဂံႈဂူႈလ႕အအိဥဎံဏတ့ႈလံ၀ဲ အနံဥ ၈၀ အကတီႈ တမ့ႈ၀ဲတႈလ႕ထံကီႈအဂုႈအဂၚသ့ဥတဖဥဘဥဒီး မ့ႈဒဥ၀ဲတႈထီဥဒုဥဒါ ပဒီပုႈ၀ဲႈသကိးသကိးယ ဒီးပဒီပုႈ၀ဲႈမုဏသ့ဥတဖဥ အမဲဏထံမဲဏနိဎြၚ၀ဲယ တႈသူဥအုးသးအုး အိဥလ႕ပွဲၚ၀ဲလ႕ ဖိဒံဖိသဥသ့ဥတဖဥ အတႈအိဥမူအပူၚနဥ့လီၚ’ ပွၚသူ၀ဲက်ိဏစ့အါအါဂီႈဂီႈ လ႕တႈစုက၀ဲၚအဂီႈ ကိးနံဥဒဲးယ ပွၚအကထိဒီးအကထိသ့ဥတဖဥ ဘဥသံ၀ဲလ႕ တႈဒုးလိဏဎၚလိဏသးအပူၚယ ပွၚအကကြဲႈဒီးအကကြဲႈသ့ဥတဖဥ အတႈအိဥတႈဆိးအလီႈတအိဥလ႕ၚ၀ဲ လ႕အထံလီႈကီႈပူၚမ့ႈဂ့ၚ ဒီးဘဥလဲၚတုၚ၀ဲဆူထံကီႈအဂုႈအဂၚမ့ႈဂ့ၚယ ဒီးတႈဃုထံဥနႈ့က်ဲ ခီဖ်ိ တႈဒုးလိဏဎၚလိဏသး တဒုးအိဥထီဥ၀ဲတႈနီတမံၚဘဥ နဥ့လီၚ’ မတၚတဂၚမး တဒိးနႈ့ဘဥ၀ဲတႈမၚန႕ၚဘဥနဥ့လီၚ’

ပဃ့ကညးတႈသပွႈပွႈ ဆူသုးမုႈအအိဥယ ဒီးဆူ SAC, NUG ဒီး PDF သ့ဥတဖဥအအိဥ ဒ္အဖီလဏအသိးနဥ့လီၚ’

1. မ္ပွၚကဒုးဟူထီဥသါလီၚ၀ဲလ႕ လါဎႏူၚအါရံၚ ကမ့ႈ၀ဲတႈပတုဏကြံဏ တႈဒုးတႈဎၚအလါ ဒီးဂဲၚပ်ဳႈက်ဲးစ႕ၚသကိး ဒ္သိးပွၚကသ့သုးဘူးလိဏသးအဂီႈနဥ့တက့ႈ’ မ္က်ိဒီးတႈစုက၀ဲၚသ့ဥတဖဥ ကအိဥဘွဥ့အိဥဘွီဥ၀ဲယဒီးမ္ပွၚကစူႈနဏသကိးတႈလ႕ တႈဃုထံဥနႈ့က်ဲလ႕ တႈမုဏတႈခုဏအပူၚ ခီဖ်ိတႈစံးကတိၚတ႕ႈပီဥလိဏသး နဥ့တက့ႈ’
2. မ္ပကပ်ဲ၀ဲ ဒ္သိးတႈမၚစ႕ၚသးကညီၚတႈ အတႈဖံးတႈမၚဒီး အတႈဖိတႈလံၚ လ႕ထံလီႈကီႈပူၚမ့ႈဂ့ၚ လ႕ထံဂၚကီႈဂၚမ့ႈဂ့ၚသ့ဥတဖဥ ကလဲၚတုၚ၀ဲဆူ တႈလီႈတႈက်ဲလ႕ ပွၚလိဏဘဥတႈမၚစ႕ၚသ့ဥတဖဥအအိဥနဥ့တက့ႈ။
3. မ္ပွၚကမၚမူထီဥက့ၚ Panglong တႈမုဏတႈခုဥအတႈဖံးတႈမၚ အက်ိၚအက်ဲယ လ႕အမ့ႈ၀ဲ တႈဘူဥတႈဘါခိဥနႈသ့ဥတဖဥယ ထံလီႈကီႈပူၚဒီး ထံဂၚကီႈဂၚ အပွၚကူဥလိဏတႈသ့ဥတဖဥ အတႈဖံးဃုဏမၚဃုဏသကိးတႈနဥ့တက့ႈ’
4. မ္ပွၚကဒုးဆ႕က့ၚသကိး တႈဆူးတႈဆါအတႈတတ႕ႈတနါယ မူခိဥကလံၚသီဥဂီၚအတႈလဲလိဏအသးယ မုႈက်ိၚ၀ဲၚကြႈအတႈတဂ႕ႈတက်႕ၚ၀ဲယ မုႈက်ိၚ၀ဲၚကြႈလ႕ အတဘဥလိဏဖိးဒ့လိဏအသးဒီးသဲစး သ့ဥတဖဥနဥ့တက့ႈ’ မ္ပွၚမၚစ႕ၚသကိးသပွႈပွႈ လ႕ပွၚအကကြဲႈဒီးအကကြဲႈလ႕အသဥ၀ံၚအသးလ႕ တႈမုဏတႈခုဥသ့ဥတဖဥ အတႈတူႈဘဥတႈနးတႈဖွီဥ ကကိညဥလီၚက့ၚ၀ဲအဂီႈယ ဒီးမ့ႈလ႕အဘဥပဏတ့ႈကြံဏ အဟံဥအဃီအဃိ ဘဥအိဥဒီးတႈသဥ၀ံၚလီၚဒိယ ဒီးမိႈသ့ဥတဖဥ ဘဥအိဥဒီးမဲဏထံမဲဏနိ ဃုဏဒီးအဖိသဥဆံးသ့ဥတဖဥ လ႕သ့ဥခိဥပွႈက်ါနဥ့လီၚ’

တႈမုဏတႈခုဥ မ့ႈတႈလ႕အအိဥထီဥသ့၀ဲနဥ့လီၚ’ တႈမုဏတႈခုဥ မ့ႈဒဥထဲက်ဲတဘိဧိၚနဥ့လီၚ’ မ္တႈမုႈလႈလ႕ ကီႈပဎီၚအဂီႈ ကအိဥထီဥ၀ဲဖဲ ၂၀၂၃ အနံဥအံၚအပူၚနဥ့တက့ႈ’