လ႕မိႈပႈခံဂီၚအဖီခိဥဖိလံၚသ့ဥတဖဥမူဒါသ့ဥတဖဥ

လ႕မိႈပႈခံဂီၚအဖီခိဥဖိလံၚသ့ဥတဖဥမူဒါသ့ဥတဖဥ

     တႈလ႕မိႈပႈန႔ဥ မ့ႈဝဲဒဥကစႈကဎြၚ အပွၚတႈမ႕ဖိလ႕ အဃုထ႕ထီဥဝဲဒဥ သ့ဥတဖဥန႔ဥ အသိးမ့ႈဝဲဒဥ တႈမ႕ဖိသ့ဥတဖဥလ႕ အကဘဥတုႈလိၚပွၚလ႕ ဟီဥခိဥခ်႕အပူၚန႔ဥလီၚ. မိိိႈပႈန႔ဥ လ႕ဖိလံၚသ့ဥတဖဥအဂီႈ မ့ႈဝဲဒဥပွၚလ႕ အလ႕ပွဲၚဝဲဒီး တႈဘ်ဳးတႈဖွိဥတဂၚအဃိ ပကဘဥဒိကနဥဒီး ပကဘဥပဏကဲအဝဲသ့ဥန႔ဥလီၚ.

ဖိလံၚလ႕အပဏကဲအမိႈအပႈန႔ဥ ကန႔ဥဘဥဝဲတႈအိဥမူအထီလီၚ. လ႕ဟီဥခိဥခ်႕အပူၚ တႈအဲဥလ႕အဒိဥန႔ဥမိႈပႈတႈအဲဥန႔ဥ ပတထံဥဝဲစ့ႈကီးဘဥ အဃိမိႈပႈတဖဥ မ့ႈတဲပွၚလ႕အဂ့ၚန႔ဥ မၚထြဲဒိကနဥအ၀ဲသ့ဥ အလုႈတက့ႈ.

တႈလ႕ပႈန႔ဥ ကစႈဎြၚတ့လီၚဝဲလ႕ ဖိသ့ဥတဖဥ ကဘဥပဏကဲဝဲအဂီႈလီၚ. ဒ္န႔ဥအသိးပွၚလ႕ ကနဥမိႈအတႈကတိၚန႔ဥ တလဲၚတုၚဆူ တႈဟးဂီၚအပူၚစ့ႈကီးဘဥ. ပွၚလ႕အကနဥ ပႈအကလုႈန႔ဥ လ႕မိႈတဂၚအဂီႈန႔ဥဝဲဒဥတႈသူဥ ဖွံသးညီ အဒိဥတခါန႔ဥလီၚ.

ဒ္ပအဲဥဝဲဒဥမိႈပႈအသိး တႈလ႕အရ႔ဒိဥန႔ဥ ပမိႈပပႈန႔ဥ မ့ႈဝဲဒဥကစႈဎြၚအဃိ အကဘဥအဲဥအီၚဒီး ပကဘဥမၚတႈလ႕ အဂ့ၚသ့ဥတဖဥ ဒီးကဘဥဒိကနဥ အကလုႈကထါသ့ဥတဖဥစ့ႈကီး န႔ဥလီၚ.

လ႕မိႈဒီးပႈခံဂၚအဂီႈ လ႕တႈဖံးတႈမၚမ့ႈဂၚယ တႈကတိၚမ့ႈဂၚယ  တႈသူဥစူၚသးစူၚမ့ႈဂၚ ဒီးတႈပဏကဲ အဝဲသ့ဥတဖဥမ့ႈဂၚ မ့ႈအိဥန႔ဥ ကစႈဎြၚကဟ့ဥ တႈဘ်ဳးတႈဖွိဥလ႕ ဖိသ့ဥတဖဥအဖီခိဥလီၚ.

ဖဲမိႈပႈသ့ဥတဖဥတုၚဝဲလ႕ တႈကီတႈခဲအပူၚမ့ႈဂၚ တုၚအသးပွႈထီဥမ့ႈဂၚ ပကဘဥကြႈထြဲ၀ဲပမိႈပပႈခံဂၚဒီး ပတဘဥသးပ့ၚနီဥ အဘ်ဳးအဖွိဥ စ့ႈကီးဘဥန႔ဥလီၚ.

မ္ပကကဲဝဲလ႕ ဖိသ့ဥတဖဥလ႕ အသ့ဥညါမိႈပႈအဘ်ဳးဒီး ကအိဥဒီးတႈဒိကနဥ မိႈပႈအတႈကတိၚကိးဒံနီႈဒီဂၚဒဲးန႔ဥတက့ႈ.