တႈစံဥတဲၚတဲလီၚယ ဒိးန႔ႈဘဥအပ်ဲႈအဘီဥ အခီဥထံးတဖဥယ ဒီးတႈမၚဘ်ါက့ၚတႈဆူးတႈဆါတဖဥ.

သ႕ႏြံတႏြံ အိဥဘွံးနံၚလ႕ တနံဥအတီႈပူၚ - တႈစံဥတဲၚတဲလီၚ

၂၂ သီ လါဎႏူၚအါရံၚ ၂၀၂၃

မးသဲ ၄း၁၂-၂၃

တႈစံဥတဲၚတဲလီၚယ ဒိးန႔ႈဘဥအပ်ဲႈအဘီဥ အခီဥထံးတဖဥယ ဒီးတႈမၚဘ်ါက့ၚတႈဆူးတႈဆါတဖဥ.

မူခိဥအဘီအမုႈန႔ဥ ဘူးထီဥလံ ပီႈဎႈလီၚက့ၚသုသးတက့ႈ. တႈကမဥန႔ဥ ပွၚလ႕သ့ဥညါလ႕အကမဥန႔ဥ မ့ႈ၀ဲ ဎြၚအပွၚကညီန႔ဥလီၚ. တႈကမဥဒီးပွၚလ႕သ့ဥညါလ႕အကမဥဘဥဆဥ ဆဲးမၚ၀ဲန႔ဥ မ့ႈ၀ဲမုႈကီၚလံႈအခ့ အပွၚန႔ဥ လီၚ. ပစံးလ႕ အမ့ႈပွၚထီဒါ ဎြၚသ့ဥတဖဥန႔ဥလီၚ.

တနံၚညါအံၚ ကစႈခရံဏကြဲမုဏပွၚလီၚ. မ္သုကစူးကြံဏ တႈအ႕တႈသီအက်ဲတဖဥန႔ဥတက့ႈ. အ၀ဲကြဲမုဏပွၚလ႕ ပက အိဥလ႕ဎြၚအတႈအဲဥတႈကြံဏအပူၚ ဒီး လူၚပိဏထြဲအတႈမၚလိဏတဖဥန႔ဥတက့ႈ. ကစႈခရံဏအဲဥပွၚ တႈဒဲး ဘးဖိန႔ဥ မ့ႈပွၚလ႕ အပီႈဎႈလီၚက့ၚအသးလ႕ အတႈဒဲးဘးတဖဥန႔ဥလီၚ. အလ႕အသ့ဥညါလီၚအသးလ႕အကမဥ ဒီးဟဲက့ၚ ဆူဎြၚအအိဥန႔ဥ မ့ႈပွၚလ႕ ဎြၚအဲဥအီၚဒိဥတဖဥန႔ဥလီၚ.

ကစႈခရံဏစံဥတဲၚတဲလီၚဘဥဃးဒီး မူအိဥအဘီအမ့ႈ ဒီးဟ့ဥပွၚကညီသ့ဥတဖဥ အတႈကပီၚန႔ဥလီၚ. ပွၚလ႕တ သ့ဥညါတႈနီတမံၚဒီး အိဥမူလ႕ တႈခံးက်ါသ့ဥတဖဥန႔ဥ ခီဖ်ိလ႕ကစႈခရံဏအတႈသးခုကစီဥအဃိ ထံဥက့ၚတႈ ကပီၚန႔ဥလီၚ. အ၀ဲသ့ဥထံဥန႔ႈ၀ဲဎြၚအတႈအဲဥဒီးတႈအုဥက့ၚခီဥက့ၚအက်ဲန႔ဥလီၚ.  အ၀ဲသ့ဥဟဲဖဲလဲဥ အ၀ဲသ့ဥ ကဘဥက့ၚဖဲလဲဥန႔ဥ ဆိကမိဥက့ၚ၀ဲန႔ဥလီၚ. ပွၚလ႕အအိဥဒီးဎြၚအတႈအဲဥတႈကြံသ့ဥတဖဥန႔ဥ တကြႈပွၚလ႕ အဃ႕ၚသ့ဥတဖဥ လ႕ဟီဥခိဥအတႈထံဥဘဥယ တကြႈ၀ဲဒ္တႈဖိတႈလံၚအမဲဏခ်ံတႈထံဥဘဥ. မ့မ့ႈတခီကြႈ၀ဲလ႕ တႈအဲဥအမဲဏခ်ံန႔ဥလီၚ.

ကစႈခရံဏဃုထ႕၀ဲအပ်ဲႈအဘီဥသ့ဥတဖဥ လ႕အမ့ႈပွၚဎိဎိဖိသ့ဥတဖဥ ဒီး မ့ႈပွၚလ႕အတအိဥဒီး တႈသူဥလီၚသး ကြံသ့ဥတဖဥဘဥန႔ဥလီၚ.

ကစႈခရံဏလိဥဘဥ၀ဲဒဥ ပ၀ဲတဂၚစုဏစုဏလ႕ ပကအိဥဒီးတႈအဲဥလ႕ အကဆွီယ တႈသူဥတီသးလိၚလ႕ ပကဘဥ မၚအတႈဖံးတႈမၚန႔ဥလီၚ. ကစႈခရံဏမုႈလႈ၀ဲပွၚလ႕ ပတႈအိဥမူလ႕ အတအိဥဒီးတႈသူဥလီသးကြံအါယ တႈပဏထီဥ သးယ ဒီးတႈသူဥထီသးထီသ့ဥတဖဥန႔ဥဘဥလီၚ.

ကစႈခရံဏလ႕အ၀ဲအတႈစံဥတဲၚတဲလီၚဒီးတႈမၚဘ်ါက့ၚပွၚဆူးပွၚဆါအဃိ အ၀ဲဟ့ဥ၀ဲပွၚဟီဥခိဥဖိသ့ဥတဖဥ အတႈ သူဥဖွံသးညီန႔ဥလီၚ. ခရံဏကစႈ ဃုထ႕အပွၚတႈမ႕ဖိသ့ဥတဖဥ လ႕အမ့ႈပွၚဎိဎိဖိ ပွၚတီလိၚသ့ဥတဖဥအဃိ လ႕ အ၀ဲသ့ဥအတႈမၚတႈသးခုကစီဥအပူၚစ့ႈကီး ကမ့ႈပွၚလ႕အတီလိၚလ႕ အတႈမၚအပူၚန႔ဥ သိဥလိ၀ဲဒဥ အ၀ဲသ့ဥ န႔ဥလီၚ.

ဒ္သိးခရံဏကသူဥထီဥအတႈအိဥဖွိဥလ႕ဟီဥခိဥအံၚအဂီႈ ဘဥဟ့ဥလီၚအသး ဒီးတူႈသံအသးလ႕ အတႈမၚအံၚအဂီႈ န႔ဥလီၚ. အ၀ဲစံဥတဲၚတဲလီၚ ဒီးမၚဘ်ါက့ၚ ပွၚသ့ဥတဖဥ လ႕နီႈခိနီႈသးခံမံၚလ႕ဏန႔ဥလီၚ. အ၀ဲသူဥလီၚ၀ဲဒဥ တႈစူႈတႈ နဏအခံ်န႔ဥလီၚ. တႈစူႈတႈနဏအခ်ံအံၚ ဟဲမဲထီဥ၀ဲဒဥဒီး ပွၚလ႕ကခိးကြႈကဟုကဎဏအီၚန႔ဥ မ့ႈ၀ဲဒဥ ပွၚတႈမ႕ဖိ တဖဥ လ႕အမ့ႈကရ႕ႈအကစႈန႔ဥလီၚ.

ကစႈခရံဏ ဒုးနဲဥပက်ဲ ဆူမူခိဥဖဲ ပအိဥဖဲဟီဥခိဥအံၚဘဥဆဥ ပွၚတနီၚနီၚ တတူႈလိဏ၀ဲဒဥဘဥန႔ဥလီၚ. ခီဖ်ိလ႕အ တ၀ဲသ့ဥအတႈ ပဏထီဥထီသး တႈပဏကဖ႕သးအဃိ တတူႈလိဏ၀ဲဒဥဘဥ. ခရံဏကြဲမုဏပ၀ဲဒဥကိးဂၚဒဲးလ႕ ပတႈ အိဥမူအပူၚန႔ဥ ပကအိဥဒီးတႈသူဥဂ့ၚသး၀ါ တႈသူဥစီသးဆွံ ဒ္သိးပကလဲၚႏုဏဆူမူခိဥဘီမုႈအပူၚအဂီႈန႔ဥလီၚ.