တႈကြႈထံဆိကမိႈ လူၚကဥ ၆း၂၇”၃၈ စဲးတ့ဘ႕ဥ ၁၂ သီ ၂၀၁၉

တႈကြႈထံဆိကမိႈ     လူၚကဥ ၆း၂၇”၃၈   စဲးတ့ဘ႕ဥ ၁၂ သီ ၂၀၁၉

၀ံသးစူၚလိဏသုသးယ ဒီးပွၚအတႈကမဥမ့ႈအိဥဒီးယ ပ်ႈလိဏသုသးတက့ႈ’ ကလိၚစဲ ၃း၁၃

ဒ္ပမ့ႈ၀ဲဎြၚဖိဎြၚလံၚသ့ဥတဖဥအသိး ပဘဥတႈကြဲမုဏပွၚဒ္သိး ပကမ့ႈပွၚသ့ဥတဖဥလ႕ သးအိဥမၚစ႕ၚပွၚအဂၚယ အိဥဒီးတႈသူဥဂ့ၚသး၀ါယ အိဥဒီးတႈသူဥစူၚသးစူၚယ အိဥဒီးတႈသ့ပ်ႈကြံဏပွၚဂၚအတႈကမဥယ သ့စံးဘ်ဳးစံးဖွိဥက့ၚတႈယ ပ႕ဆွ႕လီၚက့ၚတႈဘဥဂံႈဂူႈလ႕အအိဥပပူၚယ ဒီးက်ဲးစ႕ၚသကိးပ၀ဲ ဒ္သိးပကအိဥမူအိဥဂဲၚ၀ဲလ႕ တႈဘဥလိဏဖိးဒ့လိဏသးအပူၚ အဂီႈနဥ့လီၚ’

တႈသိဥတႈဘ်႕သ့ဥတဖဥအံၚ မ့ႈတႈဎိဎိဖိသ့ဥတဖဥဘဥဆဥ လ႕တႈဒိကနဥအိဥမူထြဲအီၚအဂီႈ တမ့ႈတႈလ႕အညီ၀ဲထဲနဥ့ဘဥနဥ့လီၚ’ တႈလ႕အကီ၀ဲခဲ၀ဲအဒိဥကတ႕ႈတမံၚမ့ႈ၀ဲ တႈပ်ႈကြံဏပွၚအဂၚ လ႕အမၚဘဥဒိဘဥထံးပွၚသ့ဥတဖဥ အတႈကမဥနဥ့လီၚ’

ဖဲအံၚပကဘဥအိဥသ့ဥနီႈထီဥတႈကတိၚတခါလ႕အမ့ႈ၀ဲယ”ပွၚလ႕အအိဥဒီးတႈဂံႈစႈဘါစႈသ့ဥတဖဥ တသ့ပ်ႈကြံဏပွၚဂၚအတႈကမဥဘဥနဥ့လီၚ’ တႈပ်ႈကြံဏပွၚဂၚအတႈကမဥ မ့ႈတႈလ႕အဘဥဃးဒီး ပွၚလ႕အအိဥဒီးတႈဂံႈတႈဘါယ ပွၚလ႕အဂံႈအဘါဆူဥ၀ဲသ့ဥတဖဥနဥ့လီၚ’

တႈပ်ႈကြံဏပွၚဂၚအတႈကမဥ တမ့ႈတႈလ႕ပွၚကဘဥမၚအီၚ ဖဲတႈဂ့ႈလီၚဆီအိဥ၀ဲတမံၚမံၚအခါဘဥဒီး မ့ႈ၀ဲတႈပဏသူဥပဏသးလ႕အကဘဥအိဥဒီးပွၚ ထီဘိနဥ့လီၚ’ အအံၚမ့ႈတႈတမံၚလ႕ အလီႈအိဥ၀ဲသပွႈကတ႕ႈ လ႕တႈစးထီဥက့ၚကဒီး တႈအိဥအသးအသီယ တႈအခီဥထံးလ႕အသီ၀ဲသ့ဥတဖဥအဂီႈနဥ့လီၚ’

တႈဒုးမၚနဥ့လီၚက့ၚတႈဆူ ပကစႈဒဥ၀ဲအအိဥအဒိဥကတ႕ႈတမံၚ မ့ႈ၀ဲတႈပ်ႈကြံဏပွၚအဂၚနဥ့လီၚ’ ပ်ႈကြံဏပွၚကိးဂၚဒဲးနဥ့တက့ႈ’ (Maya Angelou)

For viewing and listening to the Content of This Program: Please Click the Post Below

လ႕တႈကြႈကီဒိကနဥတႈရဲဥလီၚက်ဲၚလီၚအံၚအဂီႈ ဆီဥလီၚတႈဂီၚမူအိဥဖဲအဖီလဏအံၚ ဒီးကြႈကီဒိကနဥအီၚသ့၀ဲနဥ့လီၚ