တႈကြႈထံဆိကမိႈ မႈကူး ၈း၃၄”၉း၁ ဖ့ႀဘဴးအါရံၚ ၁၇ သီ ၂၀၂၃

ဖဲဒဥပွၚလ႕ တႈမိဥဟဲပိဏအသးလ႕ ဎခံတဂၚဂၚနဥ့ယ မ္အညိကြံဏအသးဒဥ၀ဲယ ဒီးဟံးနဥ့အထူဥစုညါယ ဒီးပိဏဎခံတက့ႈ’ (မႈကူး ၈း၃၄)

အအံၚမ့ႈတႈတမံၚလ႕ ပွၚလ႕အသးအိဥလူၚပိဏထြဲခရံဏကစႈအခံသ့ဥတဖဥ ကဘဥအိဥကတဲႈကတီၚအသး လ႕အကတူဥဘဥတႈအဂီႈ တုၚဒဥလဲဥအကဘဥဟ့ဥလီၚ၀ဲအသးသမူ မ့ႈလ႕တႈအဲဥတႈကြံပွၚအဂၚအဃိနဥ့လီၚ.

မ့ႈ၀ဲတႈသိဥလိနဲဥလိလ႕တႈလ႕အဘ်ဳးအိဥ၀ဲဒီး ပွၚသ့ဥတဖဥလ႕ အဘဥတႈမၚအ႕မၚနးအီၚ ခဲအံၚခဲအံၚ မ့ႈလ႕အတႈစူဥတႈနဏအဃိနဥ့လီၚ’ ပွၚလ႕အညိကြံဏအတႈစူဥတႈနဏယ ဒ္သိးအသးသမူဖဲတစိၚအံၚအဂီႈမ့ႈဂ့ၚယ တႈစုလီႈခီဥခိဥလ႕အအိဥဒီးအီၚ ဖဲလ႕တစိၚအံၚသ့ဥတဖဥအဂီႈမ့ႈဂ့ၚယ တအိဥလ႕ၚ၀ဲဒီးတႈလ႕အလုႈဒိဥပွၚ့ဒိဥ၀ဲ အါနဥ့တႈသ့ဥတဖဥအံၚနဥ့လီၚ. တႈလ႕အတအိဥလ႕ၚဒီးအ၀ဲသ့ဥမ့ႈ၀ဲ တႈတီတႈလိၚယ တႈလ႕တႈပွဲၚလ႕နီႈခိနီႈသးဒီဂၚညါ ဒီးတႈသူဥဂ႕ႈသးက်႕ၚ တႈသ့ဥတဖဥအံၚနဥ့လီၚ.

တႈလ႕အကါဒိဥနဥ့ပွၚကညီအတႈအိဥမူအိဥဂဲၚ ဒီးတႈလ႕အကါဒိဥနဥ့ တႈဟံးနဥ့ပ႕ဘဥတႈဖိတႈလံၚအါအါဂီႈဂီႈသ့ဥတဖဥ အိဥ၀ဲသပွႈကတ႕ႈနဥ့လီၚ’ အဂ့ႈဒ္အံၚယ ပွၚမ့ႈနႈ့ဘဥဟီဥခိဥဒီဘ့ဥညါယ ဒီးအကစႈဒဥ၀ဲမ့ႈဟါမႈယ မ့တမ့ႈဘဥယ မ့ႈဟးဂီၚနဥ့ဒီးယ မ့ႈအနႈ့ဘ်ဳးမႏုၚလဲဥ’ (လူၚကဥ ၉း၂၅)

ပအိဥ၀ဲဒီးပွၚလ႕အတူဥသံအသးလ႕ အတႈစူဥတႈနဏအဃိယ ဒီးပွၚလ႕အအုဥအသးလ႕ အတႈစူဥတႈနဏအဃိသ့ဥတဖဥ အိဥ၀ဲအါဒံအါဂၚ လ႕တႈအိဥဖွိဥကရ႕ အတႈကြဲးနီႈကြဲးဃါအပူၚနဥ့လီၚ’ ပအိဥသ့ဥနီႈထီဥပွၚသ့ဥတဖဥအံၚ အတႈစူဥတႈနဏယ အဒိဂ့ၚတဲႈဘဥယ ဒီးပဎူးဎီႈအီၚယ ပပဏလုႈဒိဥပွၚ့ဒိဥအီၚနဥ့လီၚ’ ပွၚလ႕အညိကြံဏအတႈစူဥတႈနဏသ့ဥတဖဥယ ပွၚလ႕အက်ဲးစ႕ၚမၚပူၚဖ်ဲးအသးသမူ ဒီးလဲလိဏကြံဏအတႈစူဥတႈနဏဒီး အတႈပူၚဖ်ဲးအဂီႈသ့ဥတဖဥယ ပွၚလ႕အမုႈ၀ဲလၚ၀ဲဒီးဟီဥခိဥခ်႕အတႈထူးတႈတီၚယ ဒီးလီႈဒိဥလၚထီဥသ့ဥတဖဥယ တႈကြဲးနီႈကြဲးဃါပွၚသ့ဥတဖဥအံၚအမံၚအသဥ တအိဥ၀ဲဘဥနဥ့လီၚ’ ပွၚသ့ဥတဖဥအံၚ အိဥမူဒဥ၀ဲဖဲ တစိၚတလီႈဖိ ဒီးလီၚမဥကြံဏ၀ဲယ မ့မ့ႈပွၚလ႕အတူဥသံအသးလ႕အတႈစူဥတႈနဏအဃိ ပွၚဒူပွၚဃိၚသ့ဥတဖဥ အိဥမူ၀ဲထီီဘိနဥ့လီၚ’  

ဖဲတႈကီတႈခဲဘဥဃးဒီး ပကဘဥဖီဥဃဥပတႈစူဥတႈနဏ ဂ႕ႈဂ႕ႈက်႕ၚက်႕ၚ ဟဲအိဥထီဥ၀ဲအခါ တႈကဲထီဥအသးသ့၀ဲလ႕ပွၚတနီၚနီၚ တႈမဲဏဆွးကအိဥထီဥ၀ဲလ႕အပူၚ ဘဥဃးဒီးခရံဏယ ဒီးအတႈစံးတႈကတိၚသ့ဥတဖဥနဥ့လီၚ’ ဒ္သိးအ၀ဲသ့ဥ ကဒိးနဥ့ဘဥအသးသမူအတႈပူၚဖ်ဲး ဖဲလ႕တစိၚအံၚအဂီႈ ကညိကြံဏ၀ဲ အတႈစူဥတႈနဏနဥ့လီၚ’ ဘဥဆဥ ပကဘဥသ့ဥနီႈထီဥ ပကစႈအတႈစံးတႈကတိၚလ႕ မုႈတနံၚပွၚကနဥဟူဘဥ၀ဲလ႕အမ့ႈယ သုဟဲလ႕လဲဥလ႕လဲဥနဥ့ ဎတသ့ဥညါဘဥသုဘဥ’ (လူၚကဥ ၁၃း၂၇)

မ္ပကက်ဲးစ႕ၚပ၀ဲ ဒီးဃ့ထုကဖဥသကိး ဒ္သိးပကနဥပ႕ႈ၀ဲ တႈလူၚပိဏထြဲပကစႈအခံ အခီပညီဂ့ၚဂ့ၚဘဥဘဥ ဒီးလူၚပိဏထြဲအီၚ ဒ္ကစႈအတႈဒုးနဲဥပွၚက်ဲအသိးနဥ့တက့ႈ.