ဟီဥခိဥဒီဘ့ဥတႈပူၚဖ်ဲးလ႕တႈဘဥဎိဏ ဒီးပွၚကအိဥလ႕ပွဲၚဒီးတႈအိဥဆူဥအိဥခ့် လ႕တႈဖံးလီႈမၚလီႈအပူၚအဂ့ႈ

ဟီဥခိဥဒီဘ့ဥတႈပူၚဖ်ဲးလ႕တႈဘဥဎိဏ ဒီးပွၚကအိဥလ႕ပွဲၚဒီးတႈအိဥဆူဥအိဥခ့် လ႕တႈဖံးလီႈမၚလီႈအပူၚအဂ့ႈ

လါအ့ၿဖ့ ၂၈ သီ မ့ႈ၀ဲမုႈနံၚလ႕ ဘီမုႈစ႕ဖွိဥကရ႕ အိဥသ့ဥနီႈထီဥ၀ဲဒီး ပဏလီၚ၀ဲအတႈဘိးဘဥသ့ဥညါတႈ ဆူပွၚဟီဥခိဥဖိသ့ဥတဖဥအအိဥ ဒ္သိးပွၚကအိဥပူၚဖ်ဲး၀ဲဒီးတႈဘဥဎိဏ ဒီးပွၚကအိဥလ႕ပွဲၚဒီးတႈအိဥဆူဥအိဥခ့် လ႕တႈဖံးလီႈမၚလီႈအပူၚအမုႈနံၚအဃိ ကပဏဖ်ါထီဥတႈဂ့ႈအံၚ တသ့ဖဲအသ့ နဥ့လီၚ’

စးထီဥလ႕ခိခိဥသ၀ီပူၚ တုၚဆူတႈဖံးတႈမၚလ႕အဒိဥ၀ဲသ့ဥတဖဥ အတႈတိဏက်ဲၚလီၚဆီ၀ဲအ Company သ့ဥတဖဥအပူၚယ အဒိပကစံးတ့ႈမး ဖဲလ႕တႈတ့ထီဥဘွီထီဥ တႈသူဥထီဥအတႈမၚလီႈသ့ဥတဖဥအပူၚ ပွၚဘဥဒိဘဥထံးတ့ႈလံ၀ဲအါဒံအါဂၚ တုၚဒဥလဲဏတႈသံတႈပွႈသ့ဥတဖဥအိဥထီဥ၀ဲ လ႕တႈလီႈအါပူၚ ဖဲခါလ႕အပူၚကြံဏ ဒီးဖဲခ့ခါခဲအံၚအကတီႈအပူၚစ့ႈကီးနဥ့လီၚ’

ဖဲဟီဥခိဥဒီဘ့ဥတႈဖံးတႈမၚအကရ႕ကရိ (International Labor Organization) မၚလၚကပီၚ၀ဲ အအိဥသူဥလီၚအသးပွဲၚထီဥအနံဥတကဎၚ ဆ႕က့ၚအလီႈအကတီႈယ ဒီးအတႈစံးကတိၚတ႕ႈပီႈလိဏသး ဘဥဃးဒီးခါဆူညါတႈဖံးတႈမၚအတႈအိဥအသးအဂ့ႈ၀ံၚအလီႈခံယ မုႈနံၚလ႕ တႈမၚဂ့ၚထီဥ တႈအိဥဆူဥအိဥခ့်ဒီး တႈအိဥပူၚဖ်ဲးဒီးတႈဘဥဎိဏ ဘဥတႈပဏလီၚအီၚ ဆူဘီမုႈစ႕ဖွိဥကရ႕အမုႈနံၚမုႈသီသ့ဥတဖဥအက်ါယ အိဥ၀ဲဒီးတႈကြႈစိမုႈလဏတႈလ႕ခါဆူညါ ဒ္သိးအကအိဥ၀ဲဒီးတႈဂဲၚပ်ဳႈက်ဲးစ႕ၚ ခီဖ်ိ တႈလဲလိဏအသးသ့ဥတဖဥ ဒ္အမ့ႈ စဲးဖီကဟဥအတႈသ့တႈဘဥယ တႈလဲၚထီဥလဲၚထီလ႕အဘဥထြဲလိဏအသးဒီး တႈလဲလိဏအသးလ႕ တႈဖံးတႈမၚအကရ႕ကရိအပူၚနဥ့လီၚ’

ဟီဥခိဥဒီဘ့ဥအမုႈနံၚ လ႕တႈအိဥပူၚဖ်ဲးဒီးတႈဘဥဎိဏ ဒီးတႈအိဥဆူဥအိဥခ့်လ႕တႈဖံးလီႈမၚလီႈ မ့ႈ၀ဲတႈဟူးတႈဂဲၚတမံၚ လ႕တႈမၚဒိဥထီဥမၚဂ့ၚထီဥ တႈအိဥပူၚဖ်ဲးဒီးတႈဘဥဎိဏ ဒီးတႈအိဥဆူဥအိဥခ့်လ႕တႈဖံးလီႈမၚလီႈ ဒီးတႈဖံးတႈမၚလ႕ အႀက႕း၀ဲဘဥ၀ဲ အဂီႈနဥ့လီၚ’ မုႈနံၚအံၚ ဘဥတႈပဏလီၚအီၚဖဲ လါအ့ၿဖ့ ၂၈ သီ ဘဥဆဥ (ILO) စးထီဥပဏလီၚ၀ဲမုႈနံၚအံၚဖဲ ၂၀၀၃ အနံဥလံၚလံၚလံနဥ့လီၚ’

တႈအိဥပူၚဖ်ဲးဒီးတႈဘဥဎိဏ ဒီးတႈအိဥဆူဥအိဥခ့်လ႕တႈဖံးလီႈမၚလီႈအံၚ မ့ႈ၀ဲတႈခြဲးတႈဎဏတမံၚလ႕ တႈဖံးလီႈမၚလီႈ ကဘဥအိဥ၀ဲဒီး တႈအိဥပူၚဖ်ဲးဒီးတႈဘဥဎိဏ ဒီးတႈအိဥဆူဥအိဥခ့် ဘဥတႈဆႈမုဏလဏအီၚယ ဖဲထံကီႈပဒိဥပပွႈသ့ဥတဖဥ, တႈဖံးတႈမၚအကစႈသ့ဥတဖဥ ဒီးပွၚမၚတႈဖိသ့ဥတဖဥ ကမၚဃုဏသကိးတႈလ႕ တႈသူဥဆူဥသးဂဲၚအပူၚ အိဥဒီးတႈအုဥခီဥအသးလ႕ တႈအိဥပူၚဖ်ဲးဒီးတႈဘဥဎိဏ ဒီးတႈအိဥဆူဥအိဥခ့်လ႕တႈဖံးလီႈမၚလီႈ ခီဖ်ိတႈပဏလီၚတႈခြဲးတႈဎဏ ဒီးမူဒါလီၚတံႈလီၚဆဲးယ ဒီးတႈအဆိကတ႕ႈလ႕ပွၚကဘဥမၚအီၚမ့ႈ၀ဲ တႈႀတီဆ႕ဒီသဒ႕တႈဘဥဎိဏသ့ဥတဖဥနဥ့လီၚ’

မုႈနံၚအံၚ အိဥ၀ဲဒီးတႈပညိဏလ႕ ပွၚကႀတီဆ႕ဒီသဒ႕ တႈဘဥဒိဘဥထံးလ႕တႈတနီႈသူဥပဏသးအပူၚ ဒီးတႈဆူးတႈဆါလ႕ တႈဖံးလီႈမၚလီႈအပူၚနဥ့လီၚ’ အအံၚမ့ႈ၀ဲတႈတမံၚလ႕ အမၚဆူဥထီဥတႈဒီသူဥပဏသး ဒ္သိးပွၚကသ့ဥညါအါထီဥဒီးအါထီဥ၀ဲ ဒ္သိးတႈဖံးတႈမၚသ့ဥတဖဥ ကအိဥပူၚဖ်ဲးဒီးတႈဘဥဎိဏယ ကအိဥလ႕ပွဲၚဒီးတႈအိဥဆူဥအိဥခ့်အဂီႈနဥ့လီၚ’

လါအ့ၿဖ့ ၂၈ သီယ မ့ႈစ့ႈကီးမုႈနံၚလ႕ တႈအိဥသ့ဥနီႈထီဥ ပွၚလ႕အသံတ့ႈလံ၀ဲ ဒီးပွၚဘဥဒိဘဥထံး၀ဲလ႕တႈဖံးလီႈမၚလီႈအပူၚသ့ဥတဖဥအမုႈနံၚ ဒီးတႈအိဥသ့ဥနီႈထီဥတႈဒ္အံၚ မ့ႈ၀ဲစးထီဥလ႕ ၁၉၉၆ အနံဥလံၚလံၚနဥ့လီၚ’

ပ၀ဲသ့ဥခဲလ႕ဏ ပအိဥဒီးမူဒါလ႕ တႈမၚစွၚလီၚ တႈသံတႈပွႈဒီးတႈဘဥဒိဘဥထံး လ႕တႈဖံးလီႈမၚလီႈနဥ့လီၚ’ ထံကီႈပဒိဥသ့ဥတဖဥ အိဥ၀ဲဒီးမူဒါ ဒ္သိးအကပဏလီၚတႈသိဥတႈသီဒီးတႈဖံးတႈမၚတႈလ႕ ပွၚအါဂၚအဂီႈ အက်ိၚအက်ဲသ့ဥတဖဥယ ဒီးအလီႈအိဥ၀ဲသပွႈကတ႕ႈ ဒ္သိးအကအိဥဒီးတႈအုဥခီဥအသးလ႕ ပွၚမၚတႈဖိသ့ဥတဖဥ ကသ့လဲၚဖံးလဲၚမၚတႈဂ့ၚဂ့ၚဘဥဘဥယ ဒီးတႈဖံးတႈမၚသ့ဥတဖဥ ကဘဥအိဥထီဥ၀ဲဒီး တႈရဲဥတႈက်ဲၚလ႕အဘဥထြဲလိဏအသးဒီး တႈအိဥပူၚဖ်ဲးဒီးတႈဘဥဎိဏ အိဥလ႕ပွဲၚဒီးတႈအိဥဆူဥအိဥခ့်လ႕တႈဖံးလီႈမၚလီႈ အတႈသိဥတႈသီ ဒီးအ Policy သ့ဥတဖဥနဥ့လီၚ’

တႈဖံးတႈမၚအကစႈသ့ဥတဖဥ အိဥဒီးမူဒါလ႕ အကဘဥအုဥခီဥအသး ဒ္သိးတႈဖံးလီႈမၚလီႈသ့ဥတဖဥ ကအိဥပူၚဖ်ဲးဒီးတႈဘဥဎိဏ ကအိဥလ႕ပွဲၚဒီးတႈအိဥဆူဥအိဥခ့်အဂီႈနဥ့လီၚ’ ပွၚမၚတႈဖိသ့ဥတဖဥစ့ႈကီး အိဥ၀ဲဒီးမူဒါ ဒ္သိးအကဖံးတႈမၚတႈ လ႕ တႈအိဥပူၚဖ်ဲးဒီးတႈဘဥဎိဏ ဒီး ကဘဥသ့ဥညါကြႈထြဲ ကဟုကဎဏလီၚက့ၚအသး ဒီးအသုတဘဥကဲထီဥတႈဘဥဎိဏ လ႕ပွၚအဂၚအဂီႈဘဥစ့ႈကီးယ ဒီးကဘဥသ့ဥညါနဥပ႕ႈ၀ဲအတႈခြဲးတႈဎဏယ ဒီး ကဘဥမၚဃုဏသကိးတႈလ႕ တႈႀတီဆ႕ဒီသဒ႕တႈ အတႈရဲဥတႈက်ဲၚသ့ဥတဖဥအပူၚနဥ့လီၚ’

မ္ပွၚကိးဂၚဒဲးကအိဥပူၚဖ်ဲး၀ဲဒီးတႈဘဥဎိဏအကလုႈကလုႈယ အိဥပူၚဖ်ဲးဒီးတႈဆူးတႈဆါယ အိဥလ႕ပွဲၚ၀ဲဒီးတႈအိဥဆူဥအိဥခ့် ဒီးလ႕တႈမၚလ႕ပွဲၚမူဒါသ့ဥတဖဥအမဲဏညါ မ္ပွၚကိးဂၚဒဲးကဖံးဃုဏမၚဃုဏသကိးတႈလ႕ တႈတ့ဘွီထီဥပွၚကညီအတ၀႕ လ႕အအိဥလ႕ပွဲၚဒီးတႈအဲဥတႈကြံ တႈမ့ႈတႈတီ ဒီးတႈမုဏတႈခုဥ လ႕တႈသူဥဖွံသးညီအပူၚထီဘိနဥ့တက့ႈ’

World Day for Safety and Health at Work
28 April