သုတမၚသံပွၚကညီတဂ့ၚယ သုတအဲဥဘ႕မါ အဲဥဘ႕၀ၚတဂ့ၚယ တႈထုးလီၚဖွဥလိဏအသး အသုတအိဥ၀ဲတဂ့ၚယ ဆိဥတႈထုတႈ လ့ၚတက့ၚတဂ့ၚ’

သုတမၚသံပွၚကညီတဂ့ၚယ သုတအဲဥဘ႕မါ အဲဥဘ႕၀ၚတဂ့ၚယ တႈထုးလီၚဖွဥလိဏအသး အသုတအိဥ၀ဲတဂ့ၚယ ဆိဥတႈထုတႈ လ့ၚတက့ၚတဂ့ၚ’

တႈကြႈထံဆိကမိႈ     မးသဲ ၅း၁၇”၃၇      ဖ့ႀဘဴးအါရံၚ ၁၆ သီ ၂၀၂၀

သုတမၚသံပွၚကညီတဂ့ၚ (မးသဲ ၅း၂၁)

ခရံဏကစႈစံး၀ဲ ကဎဲႈပွၚလ႕အသးထီဥအဒီပုႈ၀ဲႈ ကလီကလီတဂၚနဥ့ ဘဥတႈစံဥညီဥကြီႈကိးဂၚဒဲးလီၚ’ အခီပညီယ ပကဘဥအိဥ၀ဲဒီးတႈပဏကဲ ပွၚကိးဂၚဒဲးသ့ဥတဖဥအသူးအသ့ဥ ဒီးအတႈခြဲးတႈဎဏသ့ဥတဖဥနဥ့လီၚ’ ပွၚကိးဂၚဒဲး ဘဥတႈတ့လီၚပဏလီၚအီၚ ဒီးဘဥတႈအဲဥကြံဏအီၚလ႕ဎြၚယ ဘဥတႈအုဥက့ၚခီဥက့ၚအီၚလ႕ ခရံဏကစႈအဃိနဥ့လီၚ’ ပမ့ႈတအိဥ၀ဲဒီးတႈပဏကဲ ပဒီပုႈ၀ဲႈသ့ဥတဖဥ လ႕ပသူဥကံဥသးလဲအပူၚဘဥဒီး ပစံးလ႕ပပဏကဲဎြၚတသ့၀ဲအဂ့ႈ မ့ႈ၀ဲတႈမၚလိလ႕ပဂီႈနဥ့လီၚ’

တႈအိဥမူအိဥဂဲၚဒီး တႈဘူဥထီဥဘါထီဥဎြၚ မ့ႈတႈလ႕ပပဏလီၚဖးအီၚ တသ့၀ဲသ့ဥတဖဥနဥ့လီၚ’ တႈခံမံၚအံၚ အိဥဒီးတႈစိတႈကမီၚလ႕ တခါဒီးတခါအဖီခိဥ ဎဏခီဎဏခီနဥ့လီၚ’ ပလဲၚဘူဥဘါထုကဖဥတႈဘဥဆဥ ပမၚဘဥဒိဘဥထံးပွၚအဂၚ လ႕တႈတုၚလီၚ၀ီၚလီၚအပူၚယ ဒီးပလိဏဘဥ၀ဲ တႈမၚဃူလိဏဖိးလိဏက့ၚတႈ ဒီးပဒီပုႈ၀ဲႈ ပတံၚသကိးသ့ဥတဖဥ အိဥ၀ဲပွဲၚဘ်ီလံနဥ့လဲဥ’ ပမ့ႈမၚဘဥဒိဘဥထံး မၚဘဥဒိဆါပွၚအဂၚဒီး ပစံးလ႕ ပအဲဥကြံခရံဏကစႈ တသ့၀ဲဘဥနဥ့လီၚ’

သုတအဲဥဘ႕မါ အဲဥဘ႕၀ၚတဂ့ၚ (မးသဲ ၅း၂၇)

တႈအဲဥဘ႕မါအဲဥဘ႕၀ၚ မ့ႈ၀ဲပွၚခံဂၚအတႈမံဃုဏဂၚဃုဏယ ဒီးအစွၚကတ႕ႈပွၚခံဂၚအံၚအက်ါတဂၚ မ့ႈပွၚလ႕အအိဥ၀ဲဒီးအမါ မ့တမ့ႈအ၀ၚနဥ့လီၚ’ လ႕ပွၚဎူဒၚဖိသ့ဥတဖဥ အတႈသိဥတႈသီအပူၚ မ့ႈတႈကမဥလ႕အဒိဥ၀ဲ လီၚဘဥဎိဏဘဥဘွီ၀ဲနဥ့လီၚ’ ( ဖဲအံၚ ပသ့သ့ဥနီႈထီဥ၀ဲ ပိဏမုဏလ႕အဘဥတႈဖီဥနဥ့အီၚ ဖဲလ႕အအဲဥဘ႕တႈအဖ႕မုဥ ဆူခရံဏကစႈအအိဥ လ႕အႀက႕း၀ဲဒီးတႈကြံဥသံအီၚလ႕လ႕ႈ အဂီႈနဥ့လီၚ’)

ပသူပွၚအဂၚ ထဲဒဥလ႕ လ႕နီႈခိဖံးညဥအတႈမုႈတႈလၚ တစိၚတလီႈဖိအဂီႈ တသ့၀ဲဘဥနဥ့လီၚ’ ပသူပွၚအဂၚတဂၚ ဒ္အမ့ႈတႈဂဲၚလိဏကြဲဖိတခါအသိး တသ့၀ဲဘဥနဥ့လီၚ’ တႈအဲဥတႈကြံအမ့ႈအတီႈ မ့ႈတႈလ႕အအိဥ၀ဲဒီး တႈပဏကဲပွၚကညီအသူးအသ့ဥနဥ့လီၚ’ တမ့ႈထဲလ႕ တႈမံဃုဏဂဲၚဃုဏဒီးပွၚလ႕ အတဒိးတ့ဒိးဖ်ီလိဏအသးဒီး ပွၚတဂၚဂၚ မ့ႈ၀ဲတႈလ႕အကမဥ၀ဲတမံၚဘဥဒီး မ့ႈ၀ဲတႈမၚဘဥဒိဘဥထံး ပွၚလ႕အတႈကမဥ ပွၚလ႕အတႈဒဲးဘးတအိဥ၀ဲတဂၚ နးနးက်ံၚက်ံၚယ မ့ႈတႈလ႕အမၚဘဥဒိ နီႈဒီမါ၀ဲအတႈစ႕ဃဥလိဏအသးယ မ့ႈတႈလ႕အမၚဟးဂီၚကြံဏ တႈနဏနဥ့လိဏသးယ မၚဟးဂီၚတႈသူဥတီသးတီလိဏသးနဥ့လီၚ’

နီႈဒီမါ၀ၚအတႈထုးလီၚဖွဥလိဏအသး အသုတအိဥ၀ဲတဂ့ၚ (No Divorce)

ဖဲလ႕ခရံဏကစႈအဆ႕ကတီႈ ပိဏခြါတဂၚဂၚလ႕ အထုးနဥ့မိဏမုႈလ႕အတမ့ႈအမါတဂၚအသးအခါယ သ့မၚနဥ့၀ဲလံဏအုဥသး လ႕အတႈထုးလီၚဖွဥအသးဒီးအမါယ ဒီးသ့ဒုးသ့ဥညါ၀ဲပွၚအါဂၚ လ႕တႈဂ့ႈအံၚနဥ့လီၚ’ ပိဏမုႈလ႕အမ့ႈအမါတခီ တသ့မၚတႈနီတမံၚယ တသ့စံးတႈကတိၚတႈနီတမံၚဘဥနဥ့လီၚ’

လီၚဂဏဒ္တႈလ႕အလီၚပလိဏဒီးတႈသိဥတႈသီဘဥဆဥ လ႕ခရံဏကစႈအဂီႈ မ့ႈတႈလ႕အဒူဥခ်႕လိဏအသးဒီးပွၚကညီအသူးအသ့ဥယ မ့ႈတႈလ႕အမၚဘဥဒိဘဥထံး၀ဲ မါတဂၚအတႈခြဲးတႈဎဏနဥ့လီၚ’ မ့ႈတႈလ႕အဘဥဃးဒီး တႈကြႈဆိကမိႈလီၚဒဥထဲ ကစႈဒဥ၀ဲအဂီႈယ တမ့ႈတႈလ႕အတီ၀ဲလိၚ၀ဲဘဥနဥ့လီၚ’ တမ့ႈတႈလ႕အႀက႕းဒီး ပွၚကညီအသူးအသ့ဥလ႕ၚဘဥနဥ့လီၚ’ လ႕ခရံဏကစႈအဂီႈ အသုတဘဥမ့ႈ၀ဲထဲ တႈလ႕အလီၚပလိဏလိဏအသးဒီး တႈသိဥတႈသီဘဥဒီး ကဘဥမ့ႈတႈလ႕အဂ့ၚ၀ဲ ႀက႕း၀ဲဘဥ၀ဲယ ကဘဥမ့ႈတႈလ႕အပဏဖ်ါထီဥ တႈအဲဥတႈကြံဒီးတႈတီတႈလိၚအဂီႈနဥ့လီၚ’

ဆိဥတႈထုတႈ လ့ၚတက့ၚတဂ့ၚ (No false swearing)

ဎြၚဖိဎြၚလံၚတဂၚ ကဘဥမ့ႈပွၚလ႕ ပွၚနဏနႈ့အီၚသ့၀ဲယ ကဘဥမ့ႈပွၚလ႕အသူဥတီသးလိၚတဂၚနႈ့လီၚ’ ကဘဥမ့ႈပွၚလ႕ အအိဥတီအိဥလိၚ၀ဲထီဘိနဥ့လီၚ’ ပွၚဒ္အံၚတဂၚ မ့ႈစံးတႈကတိၚတႈအခါ ပွၚနဏနႈ့အီၚသ့၀ဲနဥ့လီၚ’ တႈပဏခူသူဥတႈလ႕အသူဥအသးအပူၚ တအိဥ၀ဲနီတမံၚဘဥဒီး အတႈအိဥမူအိဥဂဲၚ ဖ်ါဆဲးဖ်ိ၀ဲဂ့ၚဂ့ၚဘဥဘဥ လ႕ပွၚအါဂၚအမဲဏညါအဃိ ဖဲပွၚထံဥလိဏအသးဒီးအီၚအခါ ကဲထီဥ၀ဲတႈသူဥမံသးမုဏ တႈသူဥဖွံသးညီ လ႕ပွၚလ႕အထံဥလိဏအသးဒီးအီၚသ့ဥတဖဥအဂီႈနဥ့လီၚ’

 

 

 

 

Add new comment

6 + 4 =

Please wait while the page is loading